[Narmar]

بعد ازنك طبعا هنقل الموضوع عشان يفيد ناس تانية ...

[hanyhoo]

جوسى اذيك ياريت عنوان القهوة عشان اجى
بس خلاص انا عرفتها هى كافيتيريا شقاوة اللى عند بعد مطعم الشيف صح
ههههههههههههههههههههههههه هههههه

[نبتة من غرس يمينة]

موضوع حلو خالص

اما عن راي بالنسبة لكلام الاخ اللي بيقول عن سؤال ممكن خدام الكنيسة يقعدو علي القهوة ولاء ؟

بولس الرسول قال كل الاشياء تحل لي ولكن ليس كل الاشياء توافق

ديانتنا المسيحية مفيهاش شيء محرم ولا شيء محظور ولكن كتابنا المقدس قالنا التعاليم والايات اللي بيها نسلك في مخافة الرب
يعني راي عادي ممكن نقعد علي القهوة او الكافية ولكن الكلام اللي نتكلمة يكون اية
الحوار اللي يدور يرضي يسوع ويمجد اسمة ولا لاء
هي دي الحكاية
ابن ربنا لا يجلس مع صانعي الشر ولا يجالس المستهزئين
مرسي علي الموضوع الحلو

عاوزين نسكافية هنا يا جوسي ولا الكافية دة مفيهوش مشاريب هههه

[جوسى]

طبعا انت تنقله يا نارمر من غير استأذان
و مبسوطه ان الموضوع عجبك
و ربنا معاك

[اسامه]

موضوع جميل ولكن انا مش شايف حد ابتدا يتكم فى مشاكل او حكاوى القهاوى مجرد مجاملات فقط طب حيبتدوا امتى انا عايز ابدا لكن شكلهم كده ميطمنش شكرا ليكى كتير وربنا يباركك

[جوسى]

فعلا عندك حق ابتدى انت واحنا معاك مش تقلق
هتلاقى اراء حلوة هنا و هتفيدك

[اسامه]

طيب يا جوسى انا سأبدأ اولى حكاوينا على القهوه بس بعد ما تنزل المشاريب هههههههه
ايه رايكوا فى موضوع البطاله اللى انتشر زى المرض طبعا كل واحد حيقول لى يعنى انت جبت التايهه محنا كلنا عارفين الموضوع ده 0 عندكم حق بس النهارده عايز اقول ان عندى شوية افكار يمكن لو اتنفذت يكون هناك حل ولو بسيط
اولا ممكن نعمل شوية مشاريع صغيره لا تحتاج الى راس مال كبير يتشارك بها الشباب مع بعضهم فى راس المال ويكون الربح للجميع انا سامع ناس بتقول مشاريع ايه بس اللى تتعمل روح ياعم نام انا حقولكم
بس لازم الموضوع يكون تحت اشراف الكنيسه ويكون كاهن او مسئول من الكنيسه مشرف على ما ساقوله حتى يكون الوضوع عملى بدون تهريج
الافكار اللى عندى مثلا ليه منعلمش الشباب اشغال لا يعرفوها زى مثلا
شمع الكنيسه ممكن نعمل مجموعه لتعلم كيفية صناعة الشمع تحت اشراف الكنيسه والشباب اللى اتعلم يشترك مع بعضهم ويحضروا الخامات ويصنعون شموع الزينه ذات الروائح العطره وغيرها من الاشكال الجميله وممكن الكنيسه تشترك معهم بان تحضر لهم الخامات وهم يصنعونها ويبعونها ويكون هنك ارباح لهم وارباح للكنيسه ايضا وهكذا الكل استفاد وعلمنا شبابنا مهنه جديده
افكار اخرى لماذا لا نعلم الشباب مهن جديده مثل النقاشه والمحاره والنجاره والكهرباء والسباكه هى الصنعه عيب بالعكس حيستفيد منها كتير ممكن الكنيسه تنظم دورات مضغوطه لتعليم هذه المهن للشباب الجاد الذى يريد ان يعمل
هناك صناع فى الكنائس ممكن الاباء الكهنه يجعلوهم يشرفوا على هذه المهمه ويدربوا الشباب وبعد التعليم تعلن الكنيسه عن فتح قسم جديد فى الكنيسه صناعى بمعنى بدل ان احضر صنايعى من الخارج يسرقنى فى الخامات او فى الفلوس لا بل اذهب للمسئول فى الكنيسه واقوله على الصنايعى الذى اريده مثل كهربائى او نقاش وهو يحضر لى شاب من الذين قد تدربوا من الكنيسه افضل وسيكون هناك ربح يدخل الكنائس ايضا ونكون ساعدنا الشباب الذين يبحثون عن عمل
افكار اخرى تعلم الكمبيوتر دلوقتى تقريبا الكل عنده كمبيوتر بس للاسف الاغلبيه لا يعلمون عن الكمبيوتر غير غرف الشات
ليه ميتعلموش اكسل ووورد والسكانر على البرنتر انا علمت نفسى كل ده من الكتب ليه منحولش نستفيد من الكمبيوتر بدل من تضيع الوقت
افكار جديده هناك شباب ربنا اعطهم موهبه يعنى مثلا انا مدخلتش الفنون الجميله ومع ذلك احب الرسم من صغرى والان الحمد لله اى صوره برسمها كويس فيه شباب كتير كده ليه منحولش نخرج المواهب اللى عندهم الرسم النحت شغل الاركت حتى نعلمهم شغل عمل البراويز من تقطيع الخشب والزجاج وهكذا انا عندى افكار كتيره قوى بس عايز اراءكم ياترى اللى بقوله صح ولا قاعدة القهوه و الوقوف فى الشوارع احسن يا ريت اسمع ردودكم اسف للتطويل ورب المجد يدبر حياة اولاده

[اسامه]

بعد ازنك يا جوسى انا حنقل الموضوع ده فى منتدى الشباب كموضوع لوحده لانى عايز الكل يقراه لانى شايف محدش بيدخل القهوه دى وياريت حد يحاسب على المشاريب هههههههه

[جوسى]

انا مش عارفه فى ايه
هى الخدمه فى قهوتنا مش تمام ولا ايه

حد يقولى
انا كنت فاكرة انى هلاقى ناس كتير و زحمه
دى حتى الحته هنا حلوة و فيها رجل كتير
يبقى كده ننقل فى شارع الشباب احسن
يمكن ربنا يبعت الرزق

و المشاريب طبعا على حساب اللى يشرب
و مفيش شيشه ولا سجاير ممنوع التدخين

[MICKEY]

موضوعك هايل بجد
للأسف كتير من الشباب مش لاقية شغل وقاعده علي القهوة
وانا بقي قررت اعمل مشروووع
وابطل اقعد علي القهوة
مشروعي هو اني افتح قهوة
استقبل بيها الألاف اللي هتتخرج السنااااااااااادي
ربنا مع الجميع
الرب يوفق الجميع
الرب يعطي الجميع الشغل الصالح
ونصيحة من اخوكم ميكي
اللي يزهق من قعده القهوة
مايسكتش علي نفسه
بل يروح يقعد علي قهوة تانية
نياهاهاهاهاها
موضوع جميل
صلولي