[la tristeza y el dolor]

دى قصه حقيقيه حصلت بجد مع اب كاهن
كان بيحكى الاب الكاهن و بيقول انا اخدت قلم علم على وشى و تأثيره قوى اوى , رد عليه اب كاهن تانى قاله ازاى يا ابونا مين دا اللى قدر يمد ايده عليك
رد ابونا و قاله دى واحده فلاحه , راح رد الكاهن التانى و قاله تستاهل قطع ايديها يا ابونا , راح الكاهن الاولانى اللى هو حصلت معاه القصه قاله لا دى ايديها تتلف فى حرير , انا هحكيلك الحكايه و اقولك اللى حصل ,

كان فى اسره بسيطه جدا جدا متكونه من اب وام و ابن اكبر وابن اصغر و مكانوش يملكوا غير ارض بيعيشوا على محصولها و جاموسه , بس كانوا مؤمين بربنا اوى و عايشين حياه الشكر والتسليم لارادته ,
جه يوم و سافر الاب و انتقل للسما , حزن قلب الام اوى بس كانت لسه شاكره ربنا على ارادته و جه ابونا دا و عزاها و قالها البركه فى ولادك , تقبلك الست البسيطه عزاء ابونا و بعديها بسنه واحده انتقل برضه الابن الاكبر , حزنت الست البسيطه جدا بس كانت لسه مسلمه حياتها و شاكره ربنا على كل مشيئته الصالحه لحياتها , راح ابونا برضه و عزاها و قالها البركه فى ابنك الصغير , بعد تلات اسابيع بالظبط انتقل ابنها الصغير , قلب الست اتحطم و حزنت بس برضه ايمانها متزعزعش , المره دى ابونا مرحش عزاها علشان معرفش بجد يقولها ايه , و اخد القرار خلاص انه ميروحش علشان مفيش حاجه يقولها او كمان مفيش حاجه فعلا او كلام ممكن يعزيها ع اللى حصل , و بعد فتره و فى يوم من الايام ابونا كان فى القداس و بيناول الناس و الست برضه كانت رايحه تتناول ,. و لما قابلوا بعض ابونا اول ماشافها طبعا اتفاجأ و مكنش عارف يقولها ايه , المهم قالها صدقينى يا ستى ادام الذبيحه ادينى بقولك متزعليش منى , راحت الست ردت و قالتله وانا ادام الذبيحه بقولك لا سامحنى انا زعلانه منك , قالها انا بجد معرفتش اجى اقولك ايه بعد ما كل عيلتك ماتت , ردت و قالتله تعالى و قولى اللى اخدهم ممامتش !

و دا كان قصد ابونا على القلم اللى اخده بايمان الست الجميل اوى اوى .

يارب القصه دى تعجبوكوا انا سمعتها امبارح فى الوعظه و عجبتنى جدا بس انا مبعرفش يعنى فى شكل القصه انا كتبتها زى ما حكاها ابونا كدا .

المصدر: †† ارثوذكس †† - من قسم: القصص النصية

[zaza2006]

الله على الجمال بجد قصة جميلة ومعزية هو فى ايمان كده فالزمن ده
ميرسى اوى اوى يا بندق قصة حقيقى جميلة + تقييم

[aymonded]

اسمع من طيات هذه القصة صوت الرب
عظيم هو إيمانك يا إمراة ليكن لك كل ما تُريدين
فرحك الله وعزاك بقوة الإيمان البسيط القادر على نقل الجبال
النعمة معك يا محبوب الله الحلو آمين

[اشرف وليم]

شكرا لتعب محبتك
الرب يبارك حياتك

[kiro0oalex]

قصه جميله اووووووووووووووى يا بندق
ايمان جامد وتسليم كامل لاراده الله
تسلم ايد يا جميل
وتم التقييم

[twaty]

اللة على القصة حلوة اوى
بجد تسلم ايدك

[كراكيب]

• ربنا قادر يدينا كلنا روح المحبة والكمة وكيفية التصرف والرد وبالخري للاباء الكهتة وللخدام
• ميرسي كتير

[krsta]

قصة حلوة قوى ربنا يدينا الايمان بيه ببساطة
شكرا ليك وتسلم ايديك

[menovich]

الله على القصة الجميلة فعلآ ايمان قوى جدآآآ بدون اى تشكيك

تسلم ايدك يا بندق على القصة الرائعة

الرب يبارك حياتك ويقوى ايمانك

[رفقة شحات]

قصه جميله اووووووووووووووى
بجد جميل اوى البساطه
نفس الواحد يعيش البساطه دى
ميرسى اوى على تعب محبتك