[zomzom22]

قد يلاحظ طالب الثانويه شعور من الاتى
اولا : غير مهتم بظهور النتيجه و الى عاوزه ربنا يكون
ثانيا: قلقان و خايف لانى زعلت ربنا كتير و حان الوقت الى ربنا هينتقم منى فيه
ثالثا : فى ناس كتير مذاكره اكتر منى و هتجيب اعلى منى و هكون انا اقل واحد فيهم لانهم حلو كويس فى الامتحان
رابعا: يا ترى هيكون منظرى ايه قدام اهلى و اصحابى لما يعرفوا مجموعى هيكون منظرى وحش خالص
خامسا و الاهم : هل ربنا ممكن يساعدنى و يعمل معجزه و يخلينى اجيب الدرجه النهائيه و فى نفس الوقت ده يقول لنفسه لا طبعا ربنا مش ممكن يساوى واحد زيك بواحد حل فى الامتحان كويس حتى لو كان مذاكرته على اده
بس ياترى لو الواحد كان بيحس بكده يعمل ايه ؟؟؟؟؟؟؟؟؟؟؟؟!!!!!!!!!!!

المصدر: †† ارثوذكس †† - من قسم: صندوق مناقشات الاعضاء

[rooney93]

بأمانة ده فعلا كان شعوري بس كان عندي ايمان إن ربنا هديني أكتر من حقي
وفعلا ربنا كبير

[emmmy]

دى مشاعر طبيعية يا عزيزتى صاحبة السؤال
بس هى بتبقى ممزوجة بقلق ووافكار وخوووف
بس الانسان اللى واثق من نفسة ومن مجهودة ومن عدل ربنا معاااة مش بيكون عندة المتاعب دى وممكن تبقى شخصية مذاكرة كويس وحلت كويس بس علاقتها برنبا مش كويسها فيبتهيالهم ان ربنا هينتقم منهم بس دة مش صح خااالص خاالص ربنا مش كدة ابدا طبعا
ربنا يعطى كل الطالبة الهدوء والاطمئنان فى كل مراحل الدراسة والعمر
مرسى موضوعك ربنا يفرحك


بعد اذنك انا هنقلة لقسم المناقشات

[طالبة المغفرة]

شكرا عالموضوع و بجد موضوع هام و حيوي جدا
أنا من رأيي الخاص
أن ربنا اللي قاسمه هيكون سواء عملت ايه حتي
بس مش معني كده اننا منذاكرش و نقول ربنا اللي عاوزه هيكون
يعني بالبلدي كده """ إعقلها و توكل علي الله "" مش "" اتركها و توكل علي الله ""
يعني تبذل أقصي ما بوسعك و ربنا اللي عليه النتيجة مش أنت
سواء جبت نتيجة كويسة أو لا من وجهة نظرك هي أكيد خير ليك
و شكرا لك بجد عالموضوع ده
و أرجو ألا أزعجت أحد بردي
و شكرا