[bisho03]

ضاعت طفولته
ضاعت طفولته وسط اهوال النيران
وبراءته صارت حلم دافى مالوش كيان
والبسمه ضاعت من حياته وهو لسه
فى وردة العمر الكبير
صار شيخ كبير
من هول ماشاف بالعيان
ازاى يصير الطفل عالم بالحروب . . وهو يادوب
لساه بيتعلم مبادئ بالكلام
تاه حلمه تاه
تاه حلمه تاه زى البخار وسط الزحام
كان نفسه يبقى فى وسط ناسه . . اهله وصحابه
لكنه كان وسط النيران
شايف جنود مش مننا . . مش م البشر
عماله تحفر فى القلوب برصاص حفر
والعدل مش باين عليه
مخنوق ومتادرى عليه
صرخ البرئ بدموع وقال . . انا ايه اللى جابنى هنا ؟؟
رد عليه الشيخ فى جوفه ؟. . . مش مشكله ..لكن انت ساكن ارضنا
بص الصغير حواليه وشاف الدما ماليه الاراضى
صرخ وقال
الارض دى من حقنا وتمنها دم اجدادى
حلف انه لابد وياخد بتار الجاى والماضى
لكنه كان لساه برئ . . والبراءة كانت شعاع
كانت امل
او حلم طاول منتظر . . . .
كانت سراب

فى اللحظه هى . . وف دنيا تانيه
طفل فى سنه
عمال بيلعب فى الخلا . . وسط الزروع وسط الندى
طاير كأنه
عصفور محلق فى السما ..!!

بيقولوا حق الطفل واجب ع الشعوب وعلى البشر
ليه حقه طبعا فى السعاده .. ما ده العماد المنتظر
لكن وحوش مابيفهموش
اخدو الحقيقه التانية حطوها فى اطار
سرقوا البرائة من القلوب
زرعوا الدمار
والناس بتسكت . . فى قلوبها كاتمه ..
منتظرة . . . . . . . .
طال الانتظار .!!

فينك ياحق . .؟؟
اظهر .. وبان
ده الظلم مرسوم بالرصاص فوق الحيطان
ازاى يعيش الطفل فى قلب حرب ؟؟؟
وازاى هينزل فى الميدان ؟؟؟؟
وسلاحه طوب ؟؟؟ وان ماتوجدش يبقى الكلام !!!!
فينك يا أصوات الشعوب ؟؟
ولا يادوب ...على حظنا خلص الكلام ؟؟
الظلم هو اللى طغى هو اللى ساد ..نشر الظلام
اما الحمام ...اما السلام
دول صارو صفر على الشمال مالهوش مكان

المصدر: †† ارثوذكس †† - من قسم: القسم الادبي

[عماد حسنى]

جميله جدا جدا يا بيشو
ربنا يباركك ويكون معاك

[إيرينى]

أكثر من رائعة صدقنى يا بيشو
تسلم ايدك بجد

[nrmo]

فعلا كلمات جميله اوى يابيشو
ميرسى جدا على الموضوع

[bisho03]

احب اشكركم كلكم على الرد من عمده طبعا شاعرنا الجميل
وايرينى .. وكذلك نرمو
شكرا قوى قوى على الرد والتعليق
ويارب لو حد عنده تعليق او حتى سؤال يسأل
ياللا تصبحو على خير

[Team Work®]

جميلة جدا الكلمات دى بجد اشكرك جدا وربنا يفرح قلبك امين

[bisho03]

مرسى هيما على متابعتك المستمرة
وربنا معاك
ياللا تصبح على خير

مش عارف ليه الموضوع ده بيخلينى عايز انام


:36_1_49::36_1_50:

[kamel]

قصة جميلة بجد بس يابيشو لو هوة أستعمل سلاح العقل
كان أحسن لة بدل مايضرب طوبة ينزل علية صاروخ
كان جلس وتحاور يمكن اللى قدامة يلتن
كل يوم بجد بشوف أطفال وشيوخ تحت الأنقاض
وبيصعب علية ولكن
الرب موجود
مؤثرة بجد
برافو عليك

[bisho03]

لو كان العقل قوة يبقى السلاح مقياس
الدنيا حرب كبيره فيها الضعيف منداس
واللى فى باله يفكر ..كان نفسه يوم يكبر
تصبح عليه الشمس ..ماتلاقى ارضه اساس
عجبى عليك يازمن نسيو البشر أصلهم
نسيو اوام أدام ونسيو حوا امهم
الحب صار فدان ... والكره زاد اطيان
فاتو اللى عدا وكان وجريو على حربهم