[MICKEY]

اهلا ومرحبا بيكم في حلقات برنامجكم

من انا

انتظروا كل هؤلاء النجوم وأكثر

في برنامجكم


who i'm

برنامج من انا هو برنامج شخصي يخص الشخص وكل مايتعلق به

نود انا نعرف وندخل بداخل قلوب الجميع

فنتجه الي غواصة من انا اللي تدخل الي شريان ارثوزكس ومنها الي قلوب الاعضاء

ضيفه حلقتنا اليوم في حلقة من انا

عضوة زي العسل
في مواضعها وخفة اسلوبها ورقتها وصراحتها
منقلبها الابيض الكل حبها



من انا هو الكشاف الذي سنري به بطاقة العضو كاملة

ضيفه حلقتنا هي

zaza 2006

برنامجنا يستضيف من يريد البقاء بعيدا


برنامجنا هو المغناطيس الذي يجزب العضو للجسد

اهلا بيكي يانهي معانا في حلقتنا


ونبدا الحلقة

ـــــــــــــــــــــــــ ـــــــــــــــ

ميكي : اسمك الحقيقي
نهي : نهى
ميكي : قولي تاريخ ميلادك زي مامكتوب في البطاقة
نهي : 18_1_1989
ميكي : ساكنه فين:
نهي : محافظة بورسعيد

ميكي : فصيلة دمك ايه
نهي : مش عارفه لسه معرفتهاش يعنى
ميكي : بتدرسي ايه:
نهي : كلية تجارة الفرقة التالتة
ميكي : كنتي علمي ولا ادبي وجبتي كام في الثانوية
نهي :لالالالالالالالالا انا كنت دبلوم تجارة بس فاخر سنة فالدبلوم يعنى كنت الاولى على محافظتى والتانية على الجمهورية يعنى الحمد لله لسه موصلتش للفشل بس قريب بقى وربنا يستر
ميكي : باباكي شغال ايه:
نهي :بابا خرج معاش مبكر وعامل مشروع صغير
ميكي : مامتك شغاله ايه
نهي :لا ماما ربة منزل مش بتشتغل
ميكي : ليكي اخوات غيرك .. كم ولد وكم بنت وبيدرسوا ايه
نهي :ليا اتنين ولدين وهما الاتنين فاشلين اخرهم دبلوم صنايع
فيهم واحد متجوز والتانى خاطب وانا اخر العنقود
ميكي : هل انتي مرتبطه
نهي :اه مخطوبة
ميكي : احكلنا موقف كوميدي حصل في نطاق الأسره عندكم

نهي : مرة كنت انا واخويا بنتفرج على فيلم رعب بس كان فيلم فظيع واحنا بنحب نقفل باب الاوضة وبعدين واحنا مندمجين اوى كنت عطشانة قلت اقوم اشرب الشقة ضلمة خالص وانا بفتح الباب من جوه وماما بتفتح من بره وطبعا بقى ماما صاحية من النوم وشعرها منعكش شوية بفتح لقيتها فوشى طبعا قعدت اصوت ههههههه هو ده الموقف اللى انا فكراه يعنى
ميكي : طيب في نطاق المدرسة
نهي : وانا فى تالتة اعدادى وكنت بأخد درس خصوصى عند مدرس بره فبيته وبعدين فيوم كانت المجموعة كبيرة جدا ونصيبى جه فكرسى ورا المدرس المهم فنص الحصة لقيت حاجة بتتمشى جمب الكرسى بتاعى بصيت لقيته فأر مشاء الله يعنى طبعا الصرخة اتكتمت جوايا مبقتش عارفه اعمل ايه غير انى رفعت رجلى فالهوا والمدرس كل شوية يبصلى قولت لصاحبتى اللى جمبى يا بت فأر كان نصيبى انها تقولى بس هبل وركزى وفجأة لقيت مجموعة فران طالعة وبتنتشر تحت التربيزة طبعا انا مش هستحمل اكتر من كده معرفتش انا بعمل ايه جاتلى هسترية صويت بضحك وجرى على بيتنا .

ميكي : مين اقرب ليكي بابا ولا ماما:
نهي : ماما طبعا صاحبتى جدا وبحب احكلها اى حاجة من غير كسوف
ميكي : بتعرفي تطبخي ولا لا:
نهي : اه بعرف وخصوصا اصعب الاكلات الحمد لله يعنى
ميكي : افضل المأكولات المفضلة لديكي وافضل المشروبات:
نهي : المأكولات الاسماك بانوعها والمشروب الفروالة
ميكي : عرفتي طريق المنتدي ازاي
نهي :اخويا كان مشترك فيه بس مش بيدخل الا علشان يحمل حاجة كده يعنى فأنا بصراحة اكتر حاجة لفتت نظرى فالمنتدى المحبة الجميلة اللى بين الاعضاء حبيت اكون بينكم

ميكي : ما هي الأشياء التي تنقص المنتدي من وجهة نظرك وتريد ان ننظر اليها بعين الأعتبار

نهي : مفيش حاجة معينة بس كل اللى اتمنه ان المنتدى يفضل فيه روحة المحبة ومتقلش ومش نلاقى كل شوية عضو يقلنا سلام زهقت من كتر السلامات ايدى وجعتنى

ميكي : هل تواظب علي التناول والأعتراف

نهي : يعنى مش اوى مش هكدب بس الاعتراف كل شهر او
شهر ونص والتناول ممكن كل اسبوع او اسبوعين

ميكي : ماهي نقطة ضعفك
نهي :الدموع والفراق
ماهو افضل اسم تحب ان ينادوك به اصحابك .. اسم الدلع يعني
نهي : نونا
ميكي : متي بكيت ولماذا بكيت
نهي : بكيت لما افترقت انا واقرب صاحبة ليا كنا اصحاب 11 سنة بس هى باعت صداقتنا بارخص تمن
ميكي : احكي لنا موقف محرج حدث معك
نهي : هو موقف كوميدى شوية من سنتين كده كنت خارجة انا وواحدة صاحبتى وركبنا ميكروباص فركبنا فى اخر كرسى وكان جمبنا راجل شكله عاقل وابن حلال وفجأة السواق شغل اغنية ايظن وعينك ما تشوف الا النور طلع مجنون قعد يطبل على دماغ اللى قدامه وانا قاعدة جمبه متسمرة ويبحلقلى وكل اللى طالع على صاحبتى انها تضحك وانا من كتر الصدمة مش عارفه اوقف العربية وقعد يرقص ويضرب اللى قدامه كان يوم اسود ما صدقت نزلت من العربية لما السواق وقف ينزله
ميكي : من هو مثلك الأعلي
نهي :اخويا

ميكي : مين اكتر عضو بترتاحيله في المنتدي وتحبي تشوفي رد منه علي مواضيعك ( اختاري ولد واحد وبنت واحده )
نهي : ليه الاحراج ده بأمانة كل الاعضاء بس لو لازم يبقى بنت هختار نرمو والولد هختار استاذ ايمن طبعا
ميكي : اسألي نفسك سؤال وجاوبي عليه

نهي : هل انتى قادرة تأخدى قرار مرة واحدة صح فحياتك ؟ للاسف لالالالالالالالالالالالال ا والف لالالالالالالالالالالالال الالالالالا

ميكي : تحبي تقولي في اخر الحلقة ؟؟

نهي : احب اقولكم كلكم بجد انا بحبكم جدا وعمرى ما كنت مبسوطة الا وانا وسطكم واتمنى اشوفكم كلكم عايشين فى سعادة ومنتدى ارثوذكس يكبر اكتر واكتر يارب
واتمنى اكون ضيفة خفيفة على قلوبكم
وبشكرك يا ميكى على مجهودك الجميل ربنا يعوض تعب محبتك ويرزقك ببنت الحلال قادر يا كريم

ياااااااااااااااااااا ااارب

شكرا نهي علي الحلقة وكل سنه وانت طيب بمناسبة صوم القيامة

وانتظروني في حلقة اخري قريبا في برنامجكم

who i'm

الأنسان قبل دخوله البرنامج يكون انسان لم نعرفه وبعد خروجه نجد انفسنا نعرفه من زماااااااااااااان

من انا

برنامج خفيف خفيف يتاكل أكل

انتظرونا الحلقة القادمة ونجم جديد في برنامجكم

who i'm

?

لقرائة من انا ( 1 ) اضغط هنا
لقرائة من انا ( 2 ) اضغط هنا
لقرائة من انا ( 3 ) اضغط هنا
لقرائة من انا ( 4 ) اضغط هنا
لقرائة من انا ( 5 ) اضغط هنا
لقرائة من انا ( 6 ) اضغط هنا
لقرائة من انا ( 7 ) اضغط هنا
لقرائة من انا ( 8 ) اضغط هنا
لقرائة من انا ( 9 ) اضغط هنا
لقرائة من انا ( 10 ) اضغط هنا
لقرائة من انا ( 11 ) اضغط هنا
لقرائة من انا ( 12 ) اضغط هنا
لقرائة من انا ( 13 ) اضغط هنا
لقرائة من انا ( 14 ) اضغط هنا
لقرائة من انا ( 15 ) اضغط هنا
لقرائة من انا ( 16 ) اضغط هنا
لقرائة من انا ( 17 ) اضغط هنا
لقرائة من انا ( 18 ) اضغط هنا
لقرائة من انا ( 19 ) اضغط هنا
لقرائة من انا ( 20 ) اضغط هنا

المصدر: †† ارثوذكس †† - من قسم: البرامج والخروجات الخاصة بالاعضاء

[قهوة ساده]

الله الله

عسولة موووووت يانهي بجد

حلقة جميله جدا ياميكي
مع ضيفه جميله
واجمل موقف موتني من الضحك لما طنط دخلت عليكي الاوضة
ههههههههههههههههههههه

قوللنا كان شكلها عامل ازاي

[ماروجيرافك]

بجد يا ميكي من الذ الحلقات الي قدمتها كفايه ان ضفتنا الاخت الغاليه نهي
بجد نورتي البرنامج

[قلب المحيط]

حلقة جامدةةةةةةةةةةة وضيفة عسولة موووووووووووووووووووووووو وووووووووت

[mr_desigen]

حلقة جامدة اوووووووووووووى بجد
واحلى موقف بتاع الراجل بتاع العربية وهو بيطبل على دماغ اللى قدامة
والموقف التانى بتاع ماما وهيا داخلة عليها بشعرها
بجد حلقة تحفة
تسلم يا ميكى

[مادونا نبيل]

حلقه جميله جدا جدا و نهى زى العسل

[Mica SheeT]

حلقة جميلة اوووووى
ولذيذة جدااا

ونهى باين عليها زى العسل

حلو اوى البرنامج دة يا ميكى

انا اول مرة اشوفه

ربنا يزود محبتكوا كلكوا

يا اجمد شباب أرثوذوكس

[zaza2006]

هههههههههههه فرحانين فيا

ميرسى على ردودكم اللى زى العسل دى
وشكرا يا ميكى على تعبك

[الماكس مايكل]

ههههههههههههههه
بجد حلقه جاااامده يانونا موز موز موز
ههههههههه
بجد حلقه جميله مع ضيفا اجمال
والف شكر يا معلم ميكى
على الحلقه الجامده دى

[ELMAGEK]

بجد انا مهما هتكلم على نهى مش هقدر اوفيها حقها لانها
بجد حفرت اسمها فى قلوب كل ارثوذكس
بسؤالها الدائم علينا وردوها الجميلة ومواضيعها الرائعة بجد
حلقة جميلة اووووى يا ميكى مع واحدة من افضل الناس بينا هنا
ميرسى اوووى يا نونا وميرسى يا ميكى على الحلقة الجميلة دى
والمواقف دى يا نونا بجد خلتنى اموت من الضحك ميرسى ليكو
وكل سنة وانتى طيبة