[حبيبه]

يا جماعة انا عايزة اسال سؤال واخد رايكم فى حاجة
انا خادمة وبحب خدمتى بس شايفة اوضاع بصراحة مش حلوة
يعنى مثلا الخادمات مش بيسالوا على بعض ومحدش يعرف التانى علاقتهم سطحية جدا مفيهاش صحبة ومودة مجرد زمالة مش اكتر لية تفتكروا العيب فى مين واية اللى ممكن انا اعملة مع المجوعة اللى بخدم معاها علشان اخلق روح المحبة الشخصية العميقة دى

ارجوا مشاركتكم وحوارتكم

المصدر: †† ارثوذكس †† - من قسم: قسم مدارس الاحد خدمة ابتدائى

[miro_rook]

هو فعلا سوال مهم بس انا هقولك اختماع الخدمه اكيد نوع من انواع الترابط بين الخدام وبعضهم
لكن خذ ان العلاقه سطحيه فا ديه ترجع لمشغوليات كل واحد من الخدام
لكن انا شايف ان لازم كل خادم علي الاقل الخادم الشريك معه في الفصل لازم يكون في مابينهم نوع من انواع الموده
عشان كدا انا اقترح عليكي حاجه انتي اكيد بتنزلي افتقاد مع الخادمه اللي معكي في الفصل
وانتم في الافتقاد حوالي تفتحي جانب من انواع جوانب المناقشه العامه او حتي في الخدمه واحده واحده هتلاقي في مابينكم لغه حوار ومنها اكيد ها يجي المحبه والموده
بس ابتدي انتي الاول

[elphilasouf]

من كام اسبوع كان ابونا بيكلمنا في أجتماع اعداد خدام عن الخادم الايجابي
وبيكلمنا عن مشكله الخادم الى اول مايبتدي يخدم ويشوف من قريب الخدام والخدمات ويشوف الاخطاء والعيوب الى فيها

وطبيعي بيصاب باحباط شديد في الاول عن الخدمات وده يكون سبب انه يبطل خدمه او انه يكون خادم سلبي او يتصف بصفات مش حلوه

ركز ابونا علي اكتر من نقطه
اول نقطه هي اننا نحاول مندينش الخدام التانيين
نكون عندنا روح الخدمه الايجابيه بمعني اني اكون انا الشمعه وسط الظلمه
اعمل انا الخدمه المطلوبه مني باكمل وجه وانتظر عمل ربنا في الباقي من خلال صلاتي من اجل الكل

كتير من الخدمات اتغيرت بعمل خادم واحد فيها
وادانا ابونا امثله زي الارشدياكون حبيب جرجس الى كان بيشتغل لوحده وهو السبب في تأسيس مدارس الاحد ونشرها في كل مصر

[حبيبه]

المشاركة الأصلية كتبت بواسطة miro_rook هو فعلا سوال مهم بس انا هقولك اختماع الخدمه اكيد نوع من انواع الترابط بين الخدام وبعضهم لكن خذ ان العلاقه سطحيه فا ديه ترجع لمشغوليات كل واحد من الخدام لكن انا شايف ان لازم كل خادم علي الاقل الخادم الشريك معه في الفصل لازم يكون في مابينهم نوع من انواع الموده عشان كدا انا اقترح عليكي حاجه انتي اكيد بتنزلي افتقاد مع الخادمه اللي معكي في الفصل وانتم في الافتقاد حوالي تفتحي جانب من انواع جوانب المناقشه العامه او حتي في الخدمه واحده واحده هتلاقي في مابينكم لغه حوار ومنها اكيد ها يجي المحبه والموده بس ابتدي انتي الاول

مرسى ميرو على محبتك ومشاركتك الجميلة
بس انا الخدمة عفتنى من موضوع الافتقاد دة لانى زوجة وام فمسؤلياتى متسمحشى بالافتقاد للاسف وحتى اجتماع الخدمة كمان مش بحضرة لنفس السبب ها اية رايك ؟
اقعقد فى بيتنا صح

[حبيبه]

المشاركة الأصلية كتبت بواسطة elphilasouf من كام اسبوع كان ابونا بيكلمنا في أجتماع اعداد خدام عن الخادم الايجابي وبيكلمنا عن مشكله الخادم الى اول مايبتدي يخدم ويشوف من قريب الخدام والخدمات ويشوف الاخطاء والعيوب الى فيها وطبيعي بيصاب باحباط شديد في الاول عن الخدمات وده يكون سبب انه يبطل خدمه او انه يكون خادم سلبي او يتصف بصفات مش حلوه ركز ابونا علي اكتر من نقطه اول نقطه هي اننا نحاول مندينش الخدام التانيين نكون عندنا روح الخدمه الايجابيه بمعني اني اكون انا الشمعه وسط الظلمه اعمل انا الخدمه المطلوبه مني باكمل وجه وانتظر عمل ربنا في الباقي من خلال صلاتي من اجل الكل كتير من الخدمات اتغيرت بعمل خادم واحد فيها وادانا ابونا امثله زي الارشدياكون حبيب جرجس الى كان بيشتغل لوحده وهو السبب في تأسيس مدارس الاحد ونشرها في كل مصر

مرسى اخ فيلسوف على مشاركتك الرائعة ومحبتك كمان
وانت طبعا عندك حق الادانة بتطفى روح المحبة
ممكن اعرف اية هى صفات الخادم الايجابى ؟

[Jack Jock]

أختي العزيزة
عاملي الناس بالمحبة من الآن ولا تحسبي حساباً لمحبتك، لأن إلهنا إله محبة ولأنه علمنا أننا نقضي على كل الأرواح الشريرة بالمحبة التي تكسر شوكة الشرير.
ستشعرين بادئ بدء أنهم ينفرون منك.. هذا طبيعي لأن من لا يمتلك المحبة في قلبه كيف يمكنه أن يمنحها. ولكن ثقي.. فالمحبة ستغلب أخيراً ويعرفون أنك تسعين وراء المحبة التي علمنا إياها إلهنا ومخلصنا يسوع وليست محبة بهدف اسباب مادية.
وواظبي على قراءة الكتاب المقدس لأنه يمنحنا المحبة والصبر على الإهانات
وأظنك لم تقرأي بتمعن قصة حياة القديس الأنبا بيشوي لذلك أسردها إليك لتعرفي أن الصبر والتواضع والمحبة هم سلاح التغلب على الشرير الساكن في قلوب الناس لأن الإنسان إذا كان فاقد المحبة معناه أنه فاقد للمسيح في قلبه لأن المسيح هو معطي المحبة والحياة:

اثار الشيطان زوبعة داخل اسره كان يرعاها ابونا بيشوى كامل وانزل الغضب والثورة فى الزوج فاسرعت الزوجة فى طلب ابونا بيشوى فارسلت ابنها الى الكنيسة لطلب ابونا وحضر الاب القديس على الفور

واذا بالشيطان يثير الزوج اكثر فيقول: انتم عايزين تضغطوا عليا اكتر يابونا طيب انا نازل ومش راجع البيت تانى وقالها وهو يندفع نحو الباب للنزول

ولكن ابونا بيشوى لم يتركه فذهب وراءه وعندما راة الزوج نازلا خلفة

فقال الزوج له متعجبا : ماتتعبش نفسك يابونا وتيجى ورايا انا مش راجع

ولكن ابونا اجابه فى هدوء : انا مقدرش اسيبك لوحدك وانت تعبان كده لازم اجى معاك

فاكمل الزوج طريقه واسرع خطاه وهو متعجب من امر ابونا ثم نظر ابونا وراءه فاذا ابونا بيشوى يسرع خلفة بنفس سرعته

فوقف الزوج معاتبا قائلا :- ليس هناك داعى لهذا التعب الناس عرفاك يابونا هيقولوا ايه وهما شايفينك كدة بتجرى فى الشارع

اجاب ابونا بيشوى : مش مهم المهم انى مش هسيبك طول مانت تعبان كدة

فاراد الزوج ان يضع حدا لهذا الامر فجاءته فكرة للتخلص من ابونا ومن حصار الحب الذى فرضه ابونا بيشوى كامل عليه فما كان منه الا انه جلس فى الشارع على الرصيف وهو يقول لابونا : واهى قاعدة ولما اشوف هتعمل ايه

وببساطة شديدة جلس ابونا بجاور الرجل على الرصيف امام جميع المارة

وهو يقول: طيب وماله وادى قاعدة

ذهل الزوج واحترق الشيطان امام شده اتضاع ابونا القديس وساله الزوج فى حيرة : ابونا كل الناس شايفاك – كرامتك يابونا ليه كل دا ؟

فاجاب الاب الحنون : وايه يعنى مش المسيح نزل لغاية رجلين تلاميذه وغسلهم ومش عايزنى انا اقعد جنب ابنه وهو تعبان

فغاب الشيطان بلا رجعة واستسلم الزوج فى هدوء ودموع لابيه قائلا : ماذا تريد منى يابى

فاجابه ابونا بيشوى : ان نرجع الى البيت تانى

فقال : بمنتهى الطاعة حاضر ياابى

وكانت هذه هى اخر زوبعة لهذه الاسرة

شوفة بساطة القديس وتواضعة ومهموش كلام الناس قد انه يرجع ابنه لبيته وخدمته الرائعة مع اولادة وعدم تكاسله عن افتقاد النفوس الضائعة والحاحة انه يجيبها لحضن المسيح وتشبه بسيده وتواضعة انه يقعد مع ولده فى الشارع ليسبى هذا القلب ليقول له انه يحبه ولن يتركه ومش هيسبيه للضياع ويهدم الاسرة وانه يرجع معاه

ربنا يدينا نعمل مع الرب ونبحث عن النفوس الضايعة ونجبها للكنيسة لتشبع من المسيح ممكن يكون صاحبك اخوك ابوك امك بعيدة ابحث ودور عن النفوس وارجع لحضن الاب ادينا يارب نرجع اولادك لحضنك واحفظنا من الذئاب الخاطفة

بركة وشفاعة هذا القديس العظيم تكون معنا فى حياتنا

اااااااااااااااااااااااام ين

منقووووووووول

[sharsharl]

يااختى ياوديعة المسيح لن اقول لكى المفروض ولا غير ذلك بل اقول لكى لاتنظرى الى الاخرين لاتنظرى الى موج البحر لكى تستطيعى السير على وجه المياه ثبتى عينيك على من احبك لكى تسيرى على وجه امواج العالم لانه هو الذى نتعلق به كلنا (اما هو فثبت وجهه تجاه اورشليم )(هوذا على كفى نقشتك عينى عليك ) عندما نصل الى هذه المرحلة لاملاك ولا رئيس ملائكة ولاعلو يقدر ان يفصلنى عن محبة ربنا يسوع المسيح المحبة كحبة الخردل هى اصغر حبوب الارض ولاكن اذا دفنت وماتت تكبر وتصبح اكبر اشجار الارض يأوى تحتها كل الطيور لذلك لاننظر الا الى الله وساعتها نخدم داخل بيوتنا وفى اورشليم والسامرة وجميع اقاصى الارض الرب قد ملك ملكوت الله داخلكم ربنا معانا كلنا

[elphilasouf]

المشاركة الأصلية كتبت بواسطة حبيبه مرسى اخ فيلسوف على مشاركتك الرائعة ومحبتك كمان وانت طبعا عندك حق الادانة بتطفى روح المحبة ممكن اعرف اية هى صفات الخادم الايجابى ؟

مممممممم
انا المشكله دي كنت بعاني منها شخصيا بجد
وعظه ابونا كانت جيه فعلا في وقتها عشان كده اتعلمت الدرس كويس اوي

مممم صفات الخادم الايجابي انه هو يعني يكون مركز ع ربنا وخلاص نفسه هو من خلال الخدمه
ميهتمش بالسلبيات عشان اي مكان فيه الحلو والوحش
يعني يركز ع الجوانب الايجابيه ويحاول ينميها ويزودها
ميضيعوش وقته في ادانه وفي نقد غير بناء

[emmmy]

بصى بما انك بتقولى انك زوجة وام والخدمة عفتك من موضوع الافتقاد يبقى على الاقل يا عزيزتى تكونى قدوة للى حواليكى فى الساعتين اللى بتقضيها معاهم -- بصى ممكن لو انتى حاسة ان الخدمات مفيش بينهم محبة دة ميكونشى اكتر من مجرد انشغال منهم فى دراستهم واشغالهم ابداى انتى بالمحبة الايجابية دى اللى بتدورى عليها خدى ارقام تلفوناتهم واسالى عنهم اعملى زيارة خفيفة سريعة للخادمة اللى تغيب اعملى قاعدة خفيفة بعد الخدمة اسالى عن احوالهم واخبارهم واعملوا اعياد ميلاد المسات مع المخدومين مفيش مشكلة كلنا بنفرح وكلة من خير ربنا اعملوا ايام روحية برة كل فترة الايام الروحية بتقرب الخدام من بعض اوى صدقينى اطلبى دة من الامناء والاباء يعنى صدقينى هى مش بالكم اد ما هى بالكيف ممكن انتى يكون تاثيرك فى ساعتين اقوى من تاثير خدام فى شهور اطلبى من ربنا انة يدخل روح المحبة بين الخدمات
انا على فكرة حاسة بيكى اوى صدقينى وعارفة كل اللى بيدور جواكى لانى للاسف شوفت دة وقابلتة وللاسف اكتر علشان صادقة معاكى انا بعانى نفس المشكلة ونفس الضعف انا عندى فى الخدمة خدام مش بعرف اتعامل معاهم خالص مش عارفة دى قلة محبة ولا اختلاف فى وجهات النظر
عموما كلمة اخيرة هقولهالك
استطيع كل شئ فى المسيح الذى يقوينى
وربنا معاكى اشكرك حقيقى على روح الغيرة المقدسة دى ومحبتك الرب يباركك