[elphilasouf]

قامت مؤسسه "انتي" في الشرق الأوسط بمراقبه وفحص برنامج أنجز (يذاع إعلانه الأن في الكثير من القنوات الفضائيه ) لتعديل أرقام الهواتف النقاله ، وتم إكتشاف فيروس يتضمنه البرنامج فمبجرد تحميل البرنامج علي الهاتف ويبدأ المستخدم في تعديل الأرقام يرسل البرنامج عن طريق الإنترنت المتصل بالبرنامج معلومات تحتوي علي أرقام الهواتف المسجله به و نصوص الرسائل الsms و الmms ، وتنصح المؤسسه بفصل الإنترنت عن الهاتف النقال بعد تحميل البرنامج ثم خدفه وعمل فورمات للذاكرة الهاتف بعد تغيير الأرقام ، لضمان عدم تبقي أي ملفات للبرنامج .














لا تصدق كل شئ علي النت ، ما سبق إشاعه من تأليفي

المصدر: †† ارثوذكس †† - من قسم: صندوق مناقشات الاعضاء

[new.marina]

هع كان باين هو فى مؤسسه اسمها كدا

[ماروجيرافك]

اتمني المرة االي جاية تختار القسم المناسب للهزار
انا طبعا ما اخدش بالي من اخر جملة لانها في الاخر
واعتقد اني مش لوحدي االي ما اخدش بالي من جملتك الاخيرة
ونقلتها علي صفحتنا علي الجروب ياريت ناخد بالنا شوية عشان نحافظ علي مصدقية الصفحة
الرب يباركم

[اشرف وليم]

شكرا علي التحذير

[elphilasouf]

إعتقد إنك مفهمتش هدف الموضوع يا ماريو
انا مقصدش أهزر و مش من طبعي إني إنزل موضوعات لمجرد الهزار
في ناس كتير بتخترع موضوعات من دماغها أو تنقل موضوعات غريبه المعلومات من غير ما تعقل الكلام
يعني مثلا يقوله إنك لو في صحفيان حطو بيضه بين اتنين موبيل متصليين ببعض لمده كام ساعه وجدوا البيضه اتسلقت ...
أنا شوفت تجربه قدامي و تم وضع بيضه بين عدد كبير من الموبيلات وتم الإتصال بها في وقت واحد و البيضه محصلهاش اي حاجه ......

[aymonded]

هو الموضوع بصراحة عجبني بجد
لأن الفتاوي المصرية لن تنتهي مش بس في الموضوعات العادية وكمان في الروحية
وفعلاً ناس كتير ممكن تصدق كل حاجة واي حاجة وبخاصة الإعلام والنت
أشكرك يا جميل على هذا الموضوع اللي اتمنى بجد يكون لفته حلوة لكل واحد بيصدق كل حاجة بدون مراجة وتفكير
النعمة تملأ قلبك سلام ومسرة آمين

[elphilasouf]

أشكرك يا أستاذ أيمن علي تعليقك الحلو ,
رجاء إضافه الجزء ده للموضوع عشان يكون واضح أكتر

كود PHP:

لاتصدق كل شئ علي النت إلا بعد أن تتأكد من الكلام أو تعقله
هل هو معقول أم غير معقول ؟
هل ممكن ؟؟
حتي لو كانت مستدله بصور أو فيدوهات .. ما اسهل الفبركه في هذه الأيام 


[ماروجيرافك]

يبقي كان المفروض يا غالي انك توضح كلامك في النهاية بشكل مباشر
لو راجعت الردود قبل نعليقك هتلاقي كلهم اخدو الموضوع عن جد
مكنتش هتخسر حاجة لو كنت حتي رديت بعد الموضوع مباشرة في وجهه نظرك االي بجد احترمها ومؤيد طبعا ليها وخاصتنا اشاعات النت
انا بس ردي كان يخص طريقة عرض الموضوع وعدم وضوح هدفه بصورة المطلوبة
وسامحني لو كنت ضايقتك حبيبي

[elphilasouf]

و هو مين فهم الموضوع غلط غيرك اصلا ، كل الردود بتقول كده
وبعدين أنا متضايقتش
وكمان بتزعقلي
ههههههههههههههههه :d

[ماروجيرافك]

انا مقدرش ازعق يا غالي هو انا اقدر
بس اشرف والاخت االي قبلي برده فهمه غلط ههههههه