[emmmy]

هو كلام رائع مقدرشى اقول فية حاجة طبعا
ولو انك بصراحة بعدت شوية عن الموضوع او اخدتة بلفة
لان انا بتكلم فى رد فعل الطفل لما بيتعلم من صغرة ان السيد المسيح لة المجد
هو بابا يسوع الحنين وبس لكن صعب توصفلة المسيح الالة العادل واللى بيحب الالتزام والاحترام
عموما مش مشكلة انت مش رحت بعيد اوى يعنى وهو دة بالظبط القصد اللى بحاول اوصلة للكل وباخد رايى الجميع فية

فأن كان الخادم ذاته لا يوقر الله في حياته وسلوكة ونظام اجتماعه ويوصل للطفل عملياً احترام الله وقداسته وحبه كأب وسيد وراعي عظيم فأن الطفل سيستهين حتماً بالله ويأخذ الموضوع باستهانة طول العمر !!!

والطفل بيستهين برحمة ومحبة ربنا لما بيكبر من كتر الدلع وتوصل اللفظ بطريقة غلط
وزى ما قلت بردوا
المشكلة حتماً لا تكمُن في اللفظ ذاته
ولا حتى فى سلوك الخادم يا عزيزى صدقنى سلوك الخادم دة موضوع تانى بعيد شوية المشكلة فى الطريقة اللى بتوصل بيها الكلمة للطفل من صغرة وتاثيرها علية لما بيكبر ويتعرض للصعوبات بكل انواعها بقى
بص بقى انت بتقول

فحينما يُقدم للطفل أن الله أب ، فلا يُعطية الكرامة اللائقة فينطبع في ذهن الطفل الصورة التي وصلها له الخادم
انا عاوزة اعرف تعبير ولفظ بابا يسوع لية تاثير سلبى على حياة اطفالنا واولادنا لما يكبروا ؟؟
انا شايفة انها كلمة حلوة رائعة فيها شبع نفسى مش بس روحى بتوصل ببساطة فى معاناها وعمقها بس المشكلة انها بتفضل معاهم لحد ما يكبروا وفى كتير بيفهموها غلط وبيستهينوا برحمة وابوة اللة .
اية ممكن يكون البديل والاحسن والانسب وبلاش ندخل فى متاهة سلوك الخادم دلوقتى

[aymonded]

محبوبة الله الحلوة لا نستطيع أن نفصل هذا عن ذاك ، لأن المشكلة مش نقول إيه للطفل ، المشكلة أحنا بنسلم الطفل ايه ، وكيف نسلك أمامه ، أحنا بنسلمه منهج حياة مش مجرد ألفاظ ، فأن قلنا له لفظ بدون مثال واضح وبدون أننا نعيش هذه الحياة فحتماً سنوصل له صورة مشوهه جداً !!!
فالمشكلة تبدأ وتنتهي عند الذي يُسلم التعليم للطفل مش في اللفظة ، لأن لفظ الأبوة يحمل كل المعاني من أبوة ومحبة واحترام وتقدير وتوقير وعدل ، فأن الخادم وصلها بدون حياة مقدسة يحترم فيها الله ويوقره كأب عظيم مصدر حياته ووجوده وفيه خلاصه وشفاؤه وبدونه يموت ، فلا ينتظر أحد من أن يعيش الطفل يحترم الله ويكرمه كأب له الهابة لأنه محبوب جداً لديه ...

والمشكلة الأخرى أننا لا نفهم أبوة الله من جهة الخبرة العملية في حياتنا الشخصية لأن مفهومنا عن الأبوه منقوص جداً ، لأن أبوة الله مصدر وجودنا في المسيح وبدونه نهلك ونموت ، والأبوه تفيض في قلب الإنسان تقوى أي مخافة المحبة ، التي توقرّ الله جداً ، فنحن المسئولين عن تسليم الحياة للطفل يا إما للحياة أو للاستهانة وفقدان الشركة مع الله بالحب في سرّ التقوى !!!

إذن فجوهر المشكلة في فاقد الشيء وليس ما نقوله للطفل ، فالرب لم يعطينا مجرد أقوال لا تنبع منه كقوة حياة ، ومكتوب طوبى لمن عمل وعلَّم ، ولكن علم بدون عمل ، أو تسليم ألفاظ بدون حياة فلن يصل للطفل غير الشكل الخارجي ومجرد ألفاظ للحفظ والاستذكار ، أما روح وحياة لا توجد ، بل سيكبر فارغ لا يعرف الله بل عنده مجرد معلومات عن الله وبالتالي - سوار هناك دلع أم لم يوجد - فأنهه سيستهين بالله جداً ، في القداس وعدم الاكتراث بكلمته ، بالخطية باي شيء ، حتى لو لم يكن باللسان ولكن بالعمل والتصرف ، أليس هذا حال الأجيال التي لم تتربى في التقوى وبتسليم إيمان حي من خدام يعيشون الكلمة والموضوع قبل أن يتحدثوا ويتكلموا !!! ....

فصدقني أنا لم أبتعد عن الموضوع إطلاقاً بل اتكلم في صميم جوهره لا شكله ولا أتكلم عن الألفاظ ، لأن مهما ما كان اللفظ صحيح وسليم أن لم يصل كمعنى وحياة من شخص يعيش به فأنه سيصير مجرد شكل ينتهي مع الأيام وقد يُنسى أو يُساء استخدامه فيما بعد ، فينبغي أن لا نُعالج المشاكل في شكلها إنما في جوهرها ، لأن لا يطلب الرب خُدام يحفظوا الناس كلام عن الله ن بل يُريد من يحيا فيهم فيشع فيهم نوره ليصل بقوة للآخرين فيمتلئوا من صلاحه ومحبته ....
وأختم كلماتي بكلمات القديس بولس الرسول للقديس تيموثاوس الرسول : [ اذ اتذكر الايمان العديم الرياء الذي فيك الذي سكن أولاً في جدتك لوئيس وأمك افنيكي ولكني موقن أنه فيك أيضاً ] (2تي1: 5) ، وهذه هي حياة التسليم التي تُنشأ رجالاً صاحلين لله والكنيسة ....

أقبلي مني كل تقدير لشخصك المحبوب في الرب ؛ النعمة معك كل حين

[emmmy]

يعنى انت شايف المشكلة مش اللفظ خالص
ولكن فى طريقة توصيلها وطريقة الخادم نفسة ؟؟

[رويس]

انا هاقول رائي الشخصي في الموضوع ده
أولاً الوقت اللي بيقضية الطفل في مدارس الاحد لا يساوي 1/100 من الوقت اللي بيقضية في البيت، أذا المشكلة يا استاذه ايمي مش فيكي او الخدام (طبعاً عليهم جزء) ولكن الطامه الكبري انه بيحصل عند الطفل لما بخلية يقول بابا يسوع ربط بين السيد المسيح والاب الجسدي للطفل وللاسف الشديد انا كنت مرة مع بعض اصحابي وبنتكلم في بعض الطرق اننا نوصل بيها للطفل تفكير تخليه يفكر بطريقة صح علشان لما نسيبة بعد كده يبقي هو يقدر يفكر ويحدد ايه الصح والغلط، فوجدنا اننا لو ربطنا ابوية المسيح بالطفل هايصبح صورة المسيح او الله عند الطفل مشوهة علي الاقل بنسبه 70% وده مش بسبب سلوك الخادم او الكنيسة ولكن بسبب سلوك الاب الجسدي للطفل في البيت.
تخيلي معايا انا طفل قاعد في البيت ابويا طول النهار علي بقة كلمة ذاكر بدل ما انت قاعد فاضي، انت فاشل ومش زي فلان اللي جاب كذا في المية، ليه متبقاش زي فلان، دايما زعيق وضرب وفي الاخر اروح اقوله بابا يسوع بيحبك ... ده اللي هو بأمارة ايه بقي ؟!!! لان الطفل بيشوف صورة المسيح في ابوة (ده شئ طبيعي) أذاً هيجي يوم وتلاقي طفل يقولك معقول ربنا يسامحني انا ؟ لالا مش ممكن.
والكلمة دي اكد كل واحد قابلها في حياته في شاب او هو نفسه، لانه لما الاقي ابوة مش بيسامحة لما يعمل غلط ودايما لازم يبقي في عقوبة وضرب فمن الطبيعي كطفل معندش ادراك كبير او خبرة هاتصور ان ربنا زي ابويا .. ايه اللي هايفرقهم عن بعض يعني ؟.
دي فقط نقطة واحدة بس واتمني بقي منوصلش للطفل صور مشوهة عن الله خاصة حكاية ربنا يزعل منك دي، رغم اننا بنقولها ببساطة وهدفنا ان الولد ميزعلش ربنا ولكن لازم افكر بطريقة الطفل علشان اعرف ممكت الكلمة دي توصلة لأية، انا بدل ما اقولة ان ربنا يزعل منك لما تعمل خطية أقولة " اول ما تعمل خطية نادي علي يسوع علي طول علشان يجي وينجيك .. علشان يجي ويغفرلك خطيتك .. ودة لانه عمرة ابدا ابدا ما يزعل منك لانه بيحبك "
بدل ما اخلق عند الطفل حكاية تعذيب الضمير، اخلف فيه الرجاء بالمسيح علشان لما يجي عليه الزمن ويكبر ويقع في خطية كبيرة بدل ما يصاب بصغر النفس والشيطان يحاربة باليأس زي يهوذا، الاقي عنده قوة رجاء في ربنا كبيرة زي القصة اللي فيها الراهب كان كل يوم يقع في خطية وبعدين يمسك الانجيل يقرا فيه لغايه ما جاله الشيطان وقاله مش مكسوف من نفسك وانت تعمل خطية وتمسك الانجيل بعدها، فرد عليه انت تضربني بمطرقة وانا اضربك بمطرقة ونشوف مين اللي هاينتصر فرد عليه الشيطان وقاله دا انا كده بزودلك اكاليلك فسابه الشيطان وبعد عنه.
قيسي علي كده بقي كل حاجه، فانا مقولتش هل الكلمة حلوة او مش حلوة
أحسن واحد يجي يزعل.

[رويس]

ياريت تسمعي (للاستزادة)
عظة ابونا مرقس ميلاد
القدوة في الاسرة المسحية
التربية الصحية لابنائنا
عظة ابونا أغسطينوس موريس
صور مشوهة عن الله.
عظة البابا شنودة
الاسرة السعيدة
الاسرة المسيحية
الاسرة المثالية وكيف تكون
الاسرة المسيحية
التربية العائلية
عظة ابونا اشعياء ميخائيل
الخلاف بين الاسره والابناء
التحديات فى تربيه الابناء
نربيهم حسناً
الدكتور ماجد
احتياج الطفل للتقدير بدوانى

بجانب كام كتاب عن علم النفسي التربوي للاطفال

[emmmy]

اولا ازيك يارويس عاش من شافك تصدقنى لو قلتلك انى كنت لسة هدخل برفايلك اسال عنك بقالك مدة حرمنا من ردودك الفلسفية وخناقاتك الحلوة ههههههه
بجد وبكل امانة مبسوطة بوجودك

ثانيا اشكرك على مشاركتك الجميلة
بص هو انت يمكن تكون اكتر واحد قربت المعنى اللى نفسى اوصلة بالمثل اللى ذكرتة بتاع الاب اللى بيشوة صورة ربنا عن الطفل لانة بيشوف ربنا فى ابوة
بص انا عاوزة اقول ان كلمة بابا يسوع بتخلط الامور عن الطفل بين الاب السماوى والاب الجسدى وكمان الاب الروحى ( الكاهن ) كل واحد فيهم لية دور مختلف فى حياتنا يبقى منخلطشى المسميات
دى حاجة
الحاجة التانية الطفل بيستلم شخصية السيد المسيح لة المجد كأب حنون وبس لكن الحزم والعدل والالتزام لأ مش فى السن الصغير -- وبالتالى بيكبر يتعلم الدلع وميكونشى عندة القدرة عن تحمل اى ضيقة او مشكلة او تجربة لانة اتعود ان بابا يسوع دة طيب بس -- فلما يسمح بالضيقة يبقى هو مش بابا ومش بيحبنى
وفى نفس الوقت علشان اقدم للطفل شخصية المسيح كألة عادل وبيحب الالتزام والاحترام واب فى نفس الوقت هتشتتة لانة معندوش القدرة على الافراز دة وخصوصا لو كان الاب الجسدى فى البيت معاملتة غلط فعلا زى ما قلت
بالضافة ودى ممكن تكون حالات قليلة شوية كلمة بابا يسوع فيها اشباع نفسى جميل جدا وفى حالات معينة
فهمت بقى قصدى

قيسي علي كده بقي كل حاجه، فانا مقولتش هل الكلمة حلوة او مش حلوة
أحسن واحد يجي يزعل.


قولى بقى مين دة اللى انت خايف انة يزعل
قول قول متخافشى مش هجبلة سيرة
هههههههه

مرسى يارويس على رايك ومشاركتك
اسعدنى حضورك حقيقى

[اناستاسيا]

المشاركة الأصلية كتبت بواسطة emmmy حبيبة قلبى انستاسيا ازييك وحشتنى ردوك الجميلة اوى طبعا تشاركى وتنورى كمان يا قمر طبعا انتى عندك حق فى كلامك وانا موفقاكى بس دة هيكون صحح لو صلنا كلمة بابا يسوع صححح لان كتير من الخدام بيوصلها غلط وجورج من ردة مرتين مفهمنيش بردوا ومفهمشى قصدى الطفل بيتعود على كلمة بابا يسوع وبتفضل معاة لحد اعدادى بيبقى اخد انطباع خاص معين عن شخصية المسيح لة المجد انة الاب الحنين والطيب والجميل اللى بيحبة ويخاف علية ويسامحة وطبعا انا مقدرشى اقدم شخصية ربنا للطفل غير كدة لكن لما بيكبر بيحصل عند البعض من الفتيان والفتيات والشباب كمان اختلاط الامور الدالة بتتحول للدلع بمعنى انا طبعا اطلب من ربنا واتعشم فية ومؤمنة بعملة وقدرتة بس فى نفس الوقت لو ربنا معملشى الحاجة دى يبقى مش بيحبنى مش بابا يسوع لأ انا عاوزة اعلم ابنى ان ابانا السماوى غير بابا الجسدى ممكن اطلب حاجة منة وميعملهاش مش لانة مش بيحبنى لكن لانة عارف المستقبل وممكن الحاجة دى تضرنى اعلمة ان فى حدود للدلع وانة لما تحصل مشكلة او ضيقة او اضطهاد ميتفزعش ويكون عندة خلفية وانة ميفدتش الصورة اللى وصلتهالة وهو طفل وخصوصا من كلمة بابا يسوع اللى بتدى احساس بالشبع النفسى كمان مش بس روحى وخصوصا لو طفل مش عندة بابا الجسدى فهمتينى يا انستاسيا

عزيزتى ايمى ارى انة يجب ان نغرز فيهم منذ صغرهم سر عظيم وهو سر الاعتراف فبهذا السر العظيم يكون لهم مثل الدفة التى تحدد اتجاههم وتصحح لهم مفاهيم خاطئة
الاب الكاهن لة تأثير قوى جدا جدا مع هذة المرحلة فهو يفرش لهم الطريق ويرفع من امامهم الصخور والعقبات بواسطة هذا السر العظيم

[emmmy]

المشاركة الأصلية كتبت بواسطة اناستاسيا عزيزتى ايمى ارى انة يجب ان نغرز فيهم منذ صغرهم سر عظيم وهو سر الاعتراف فبهذا السر العظيم يكون لهم مثل الدفة التى تحدد اتجاههم وتصحح لهم مفاهيم خاطئة الاب الكاهن لة تأثير قوى جدا جدا مع هذة المرحلة فهو يفرش لهم الطريق ويرفع من امامهم الصخور والعقبات بواسطة هذا السر العظيم

حبيبتى انستاسيا صدقينى وبكل امانة
اد اية انتى مميزة فى ردودك بحبها اوى يا استاسيا
بلمس فيكى حاجة جميلة مش عارفة اوصفها
حبيبتى الكلام دة جميل جدا بس للاسف مش عملى
بمعنى !!
الاب الكاهن مش هتلاقية عندة وقت للاطفال واهتمام بالاطفال
وعلى سبيل المثال احنا عندنا اربع اباء كهنة مفيش حد منهم غير واحد بس ممكن يهتم شوية بالاطفال وياخد اعترافتهم والاعتراف لا يتعدى 5 دقائق بيتعود الطفل انة يادوب يبقى عندة الجراة بس يقعقد مع ابونا مع العلم الطفل بيكون وصل على الاقل لسن خامسة او سادسة ابتدائى علشان تتكلمى فى موضوع الاعتراف دة وتقدرى تفهمية يا دوب يعنى اية اعتراف
وابونا معذور بيبقى قدام طابور واقف مستنى دورة فى الاعتراف وكل دة فى كنيسة صغيرة جدا زى كنيستى فمبالك من الكنائس الكبيرة والعدد الكبير زى شبرا والاسكندرية وغيرها
ثم الطفل هيعقد مع ابونا كل شهر مرة لكن مع الخادم اكثر من كدة بكتير وخصوصا لو كان خادم بجد وبيخدم بامانة وفية افتقاد فى البيت بلاش كل حاجة نحملها على الاباء الكهنة

[رويس]

تمام يبقي علشان نبقي اكثر دقة هانقول نقتطين
الاولي هايعتمد الكلام اللي انا وغيري قولته علي خبرة الخادم وحسب الفئة العمرية اللي بيخدمها، وبالتالي يبقي عارف امتي يكلمهم عن المسيح المحب فادي البشر وامتي لما يكبروا شوية يطلع بيهم مستوي اعلي ويفهمهم ان علي الرغم من ان ربنا سامح ادم وحواء الا انه علشان عادل كان لازم ينفذ حكمة بالموت (الروحي وهو الابتعاد عن الله والموت الادبي وهو اطلاع الانسان علي الشر) فكان لازم يطردهم من الجنة، يبقي تعتمد علي الخادم وعلي الفئة اللي بيخدمها.
النقطة الثانية
علي الاقل لما نيجي نتكلم عن الله العادل منشوهش صورته الخيالية عند الطفل ونحكيلة قصص شبه متطرفة اوي، وعلشان اوضح هاقول مثال حصل مع احد الخدام وقاله لي :-
مرة صاحبي كان بيكلمهم عن ربنا وبيقول ان الواحد لما يمسك ايد بابا وماما وهو بيعدي الشارع ويسمع كلامهم ربنا وشه بيبقي بيضحك ومبتسم ولما متسمعش كلام ماما وبابا ربنا وحشة بيبقي حزين، نط عيل رخم اوي وقاله طب انا شقي ومزعل ربنا وانت كويس ومفرح ربنا وجهة ربنا يبقي عامل ازاي بقي ؟ ... لان الاستاذ وصلة فكرة ان ربنا ليه وش واحد فخلي الولد يفكر طب لو في واحد مزعل ربنا وواحد مفرح ربنا يبقي ازاي ربنا هايضحك وحزن في نفس الوقت ؟! عيل رخم اوي
ولكن كان المفروض يقولة علي سبيل المثال ان ربنا يزعل منك ويفرح منك مش مجرد وش بيضحك ووش بيحزن.
وحاجة تانية انا عملتها في خادم (غتاتا) كان بيدرس في نفس النقطة اللي هي حكاية يمسك ايد ماما وبابا يبقي كويس واللي مش بيمسك يبقي وحش وربنا يزعل منه، قولتله علي كده المسيح كان (...) مش هاقول انا قولت ايه، قالي ليه قولتله لان ده مش بس ساب ايد ماما وبابا بل ده كمان بات برة البيت تلات ايام بحالهم، علي كده ده مش يستاهل الضرب، ده يستاهل(...).
هاختم بأن منحاولش نستخف بمخ الطفل ونعمل قصص ساذجة بل يبقي قصص تخلي عنده وعي وفهم لربنا (ومهواش شئ صعب عن الاطفال، علي العكس تماماًَ).

وبعدين ايه حكاية لسه كنت داخلة بروفيلك ومش عارف ايه
راكن الفيل انا عند الباب مثلاً ؟
أو يكونشي داقق عصافر وانا مش واخد بالي ؟
جايز ...

[emmmy]

المشاركة الأصلية كتبت بواسطة رويس تمام يبقي علشان نبقي اكثر دقة هانقول نقتطين الاولي هايعتمد الكلام اللي انا وغيري قولته علي خبرة الخادم وحسب الفئة العمرية اللي بيخدمها، وبالتالي يبقي عارف امتي يكلمهم عن المسيح المحب فادي البشر وامتي لما يكبروا شوية يطلع بيهم مستوي اعلي ويفهمهم ان علي الرغم من ان ربنا سامح ادم وحواء الا انه علشان عادل كان لازم ينفذ حكمة بالموت (الروحي وهو الابتعاد عن الله والموت الادبي وهو اطلاع الانسان علي الشر) فكان لازم يطردهم من الجنة، يبقي تعتمد علي الخادم وعلي الفئة اللي بيخدمها. طبعا هو كلام جميل ومقدرشى اقول فية حاجة المشكلة يا رويس ان على ما بيوصل للمرحلة اللى فيها هتقدملة شخص السيد المسيح العادل اللى نفذ حكمة بالموت بيكون اتعرد من صغرة واخد انطباع خاص عن شخصية ربنا ( بابا يسوع ) بتلاقى صعوبة فى تغيير دة عند كتير من المخدومين وهتلاقى الموضوع يدخل فى امور نفسية كمان الطفل اللى معندوش بابا والطفل اللى بابا بيتعامل معاة غلط بيلاقى الشبع النفسى فى كلمة بابا يسوع وعلشان كدة بيبقى صعب على الخادم انة ينقل الطفل من مرحلة لمرحلة وعلشان كدة هتلاقى الناس اللى معندهاش قدرة على تحمل التجارب والضيقات هى نفسها اللى استلمت شخص المسيح بابا وبالتالى يبقى ميسبنيش وميتخلاش عنى ابدا مهما حصل حسب ما فهمتة من صغيرة ان بابا يسوع بيحبة اوى وبيسامحة وبيحافظ علية وللاسف معندناش خدام على مستوى عالى كتير تصحح المفاهيم دى وتوصلها صحححححح النقطة الثانية علي الاقل لما نيجي نتكلم عن الله العادل منشوهش صورته الخيالية عند الطفل ونحكيلة قصص شبه متطرفة اوي، وعلشان اوضح هاقول مثال حصل مع احد الخدام وقاله لي :- مرة صاحبي كان بيكلمهم عن ربنا وبيقول ان الواحد لما يمسك ايد بابا وماما وهو بيعدي الشارع ويسمع كلامهم ربنا وشه بيبقي بيضحك ومبتسم ولما متسمعش كلام ماما وبابا ربنا وحشة بيبقي حزين، نط عيل رخم اوي وقاله طب انا شقي ومزعل ربنا وانت كويس ومفرح ربنا وجهة ربنا يبقي عامل ازاي بقي ؟ ... لان الاستاذ وصلة فكرة ان ربنا ليه وش واحد فخلي الولد يفكر طب لو في واحد مزعل ربنا وواحد مفرح ربنا يبقي ازاي ربنا هايضحك وحزن في نفس الوقت ؟! عيل رخم اوي هههههههه علشان بس تدوق اللى بتعلمة فينا ربنا بيخلصلنا منك بجد طفل فى منتهى الذكاء وعلى فكرة !! صدقنى احنا بتعلم من الاطفال اكتر ما بنعلمهم ولكن كان المفروض يقولة علي سبيل المثال ان ربنا يزعل منك ويفرح منك مش مجرد وش بيضحك ووش بيحزن. وحاجة تانية انا عملتها في خادم (غتاتا) كان بيدرس في نفس النقطة اللي هي حكاية يمسك ايد ماما وبابا يبقي كويس واللي مش بيمسك يبقي وحش وربنا يزعل منه، قولتله علي كده المسيح كان (...) مش هاقول انا قولت ايه، قالي ليه قولتله لان ده مش بس ساب ايد ماما وبابا بل ده كمان بات برة البيت تلات ايام بحالهم، علي كده ده مش يستاهل الضرب، ده يستاهل(...). هاختم بأن منحاولش نستخف بمخ الطفل ونعمل قصص ساذجة بل يبقي قصص تخلي عنده وعي وفهم لربنا (ومهواش شئ صعب عن الاطفال، علي العكس تماماًَ). غتاتا بس ؟؟ طيب مع لينا المهم !! هو طبعا مينفعشى الاستخفاف بعقل الطفل وذكائة بالعكس انا بحزن جدا لما ابونا بيجى يوزع الخدام بيختار الخدام القدام اللى يعنى اخدوا شوية خبرة ويخليهم يخدموا اعدادى وثانوى والاطفال يبعتلهم المبتدئيين اللى لسة ميعرفوش يعنى اية خدمة وبيعتلموا فى الاطفال مع ان الطفل دة البذرة الاساس اللى هيطلع منة اثناسيوس واغسطينوس وغيرهم حذارى من الاستخفاف بعق الطفل والتعامل معاة وبعدين ايه حكاية لسه كنت داخلة بروفيلك ومش عارف ايه راكن الفيل انا عند الباب مثلاً ؟ أو يكونشي داقق عصافر وانا مش واخد بالي ؟ جايز ...

يانهارك ملوش لون لية كدة ؟؟
تصدق ان انا اللى غلطانة اوك مش عاوز تصدقنى براحتك
الموضوع كلة موضوع نيات على العموم اوك اوك بكرى تلاقى عيال رخمة كتير اوى تخلصلى منى دة