[انغام الملك داود]

>>الأول : الاتوبيس ده بيروح مــصر الجديدة؟
>>الثاني : على الحديدة !!... ليه انت طالب احسان
>>الأول : بذرة الكتان !! لا ..دي تلاقيها عند العطار
>>الثاني : جزار!! اه ..قوللي كده .. عايز تشتري لحمة
>>الأول : معك حق.. الدنيا زحمة ..علشان ده ميعاد خروج الموظفين
>>الثاني : نور الدين !! لا .. ماعرفوهش
>>الأول : ما بتشربوش!! ليه ..كفا الله الشر
>>الثاني : رأس البر !!! ..ده مــصيف هادي
>>الأول .: عايز تركب للمعادي... دي منطقة جميلة

>>الثاني : بليلة !! انت شكلك كده جعان
>>الأول : عيان!!! أي .انت باين عليك عيان ..طيب ما تروح للدكتور
>>الثاني: الحنطور!! ده احسن من الأتوبيس ، وبيوصلني لحد الباب
>>الأول : هبــــاب !!! وانا اللي كنت فاكرك محترم
>>الثاني : اتخـرم !! هو مين ؟؟
>>الأول : عاوز اسـبرين ! ليه انت عندك صداع ؟
>>الثاني : قراع !!! ينهار اسود . ده مرض خطير
>>الأول : لا مش عايز. وبعدين مش بأحب الفطير. تقيل على المعدة وتمنه غالي
>>الثاني: خالي.. انت تعرف خالي ؟ ده راجل كبير في السن
>>الأول : الجن .. نهارك مش فايت ..انت عليك عفريت .!؟
>>الثاني : لا والله ..ممعاييش.. انت عايز الكبريت ليه . عايز تولع؟
>>الأول : أدلع ! أدلع عليك انت!؟ انت ما تملاش عنيا
>>الثاني :يقبضوا عليا !! ليه !؟
>>الأول : انت غريب يا راجل انت..شكلك شحات ، **يجذبه من القميص** روح
>>اشتغل شغلة تاكل منها عيش
>>الثاني : خيش!! ده صوف انجليزي
>>الأول: بنتك زيزي!!! ربنا يخلي...
>>الثاني : أنتاج محلي .!!!! ده مستورد
>>
>>يمر شاويش من بتوعنا ... يلفت انتباه الحوار، : بتعمل ايه يا جدع منك له!!!
>>الاتنين: ايوووووووووه يا شاويش ...احنا مستنين الأتوبيس
>>
>>الشاويش :! نهاركم مش فايت .... جواسيس !!! قدامي على القسم

ههههههههههه انتظر الردود

منقول

المصدر: †† ارثوذكس †† - من قسم: الضحك والفرفشة

[Team Work®]

عاشت ايدك ربنا يفرج قلبك

[اشرف وليم]

شكرا لتعب محبتك
الرب يبارك حياتك

[انغام الملك داود]

المشاركة الأصلية كتبت بواسطة Team Work® عاشت ايدك ربنا يفرج قلبك

شكرا لمرور حضرتك

[انغام الملك داود]

شكرا لمرور حضرتك

[Malak sokar]

ههههههههه طيب تمام ههههههههههههههه حتي الشويش

[انغام الملك داود]

اشكر مرور حضرتك

[m.m.a]

ههههههههههههه حلو خالص علي فكره انا لسه بضحك لغايه دلوقتي ههههههههه

[انغام الملك داود]

المشاركة الأصلية كتبت بواسطة m.m.a ههههههههههههه حلو خالص علي فكره انا لسه بضحك لغايه دلوقتي ههههههههه

ههههههههههه انتي بتفكريني وبتضخكيني معاااكي
مرسي لمرورك وديما مشرفاني