[elshbah]

الاخوه الافاضل / شباب مصر الشرفاء والمنتدى العظيم الارثوذكسى

اننا فى هذه الايام نمر بظروف عصيبه علينا جميعا

نتمنى ان تزول عما قريب ان شاء الله


ولكن اليوم اكلمكم فى شىء اخر لم يتكلم فيه احد


وقد مررت منذ تفعيل النت اليوم بعدة منتديات مصريه هامه


لاحظت شىء عجيب وغريب


ما هو ؟


مشاركات كثيره فى جميع المنتديات وخاصه منها العامه

بمواضيع تساند ومواضيع اخرى معارضه

ومشاركات كثيره باخر الاخبار وما فعلته بعض القنوات


لاحظت اننا نختلف فى الواقع ونختلف ايضا على الانترنت

ولكننا للاسف ايضا اختلفنا فى حبنا لمصر

فلم ارى مشاركه تتكلم عن التضامن فيما بيننا الان


ولا نرى امام اعيننا سوى شىء واحد


هو حب مصر الحقيقى نجتمع جميعا تحت رايه حب مصر



فان الوطن يتفتت وزادت الشائعات التى نتسابق جميعا فى فردها فى مشاركاتنا


يا اخواتى هيا بنا نبدا من هنا

ونقول ماذا نفعل كى نرتب البيت من جديد

فلا يختلف معى احد

اننا بسبب هذه الثوره كسبنا الكثير

ولكن كما يقول المثل البلدى

الطمع يقل ما جمع

تعالوا نتكاتف ونضع مصر نصب أعيننا جميعا وننهض من هذه المحنه

فانى ارى اذ مررنا من هذه الازمه فسوف تشرق على مصر شمس جديده

كلها خير لهذا الشعب الرائع

وأخيرا انا اسف للآطاله عليكم



يارب احفظنا واحفظ شباب مصر


نجينا من كل شر

وارسوا بها الى شاطىء الامان


امضاء


مصرى بيحب بلده اوى

من الناس الى تحت الصفر

المصدر: †† ارثوذكس †† - من قسم: صندوق مناقشات الاعضاء

[ميلانيه]

موضوع فى غايه الاهمية اخى
ربنـــــــــــــــــا موجود ويساعد مصر للتقدم وتبقى احسن من كده انشاء الله

[Milad87]

عزيزى كاتب هذا الموضوع أنا واثق أن كل ما يحدث فى مصر من ترتيب وحكمة الرب يسوع وأنا أثق بالرب يسوع

[elshbah]

ربنا يبرككم وخلى بالكم من نفسكم شكرا ليكم

[اشرف وليم]

شكرا لتعب محبتك
الرب يبارك حياتك
موضوع اكثر من رائع

[elshbah]

مرورك الاجمل ربنا يبركك ويعوضك

[emmmy]

بصراحة انا مش بحب الشعارات
وكلمات المجاملة
انا عاوزة اعرف حاجة هى مصر دى فى حد ذاتها عبارة عن اية بالظبط ؟
هل هى مجرد ارض وتراب ومبانى ومعالم من الطوب والحجارة اللى احنا ساكنين فيها
ولا هى مجرد بيت كبير محتوينا ولممنا تحت جناحة من ظر المطر وهول الجبال
ولا هى كيان وناس وعشرة واسرة كبيرة من كل الاجناس والطوائف عايشة مع بعض فى سلام وود وحب ؟
مصر اينعم كبلد فى موقعها وجوها تعتبر ممتازة بالنسبة لبلاد اخرى كتير
لكن ككيان وعشرة وناس لا خالص
انا وغيرى كتير حاسين بغربة فى بلدنا وخصوصا دلوقتى بعد ما خرجت الافاعى من جحورها وبدات تبخ سمها فى كل مكان ولسة ياما هنشوف منها بعد ثورة 25 يناير
انا شخصيا رايى الشخصى مقدرشى اقول مصر وحشة مقدرش حقيقى
بعد مارب المجد قال عنها حلوة ( مبارك شعب مصر )
بس بردوا مقدرش اقول مصر حلوة مش عافية احنا اللى شوهنا صورة مصر باعمالنا والخصومات والكراهية والفساد وحاجات كتيررر لا حصر لها
مصر بالنسبة لى مجرد ارض عايشة عليها لكن مش حاسة انها بتاعتى حاسة بغربة فيها وخوف فيها من اصحاب الطمع والجشع والسلاطين الارضية

انا لو اتكلمت وطلعت كل اللى جوايا هحتاج صفحات كتير اوى

[ميلاد صدقى]

فلا يختلف معى احد

اننا بسبب هذه الثوره كسبنا الكثير

اولا : ميرسى على تعبك ومحبتك اخى الشبح

ثانيا انا مختلف معاك لابعد الحدود وفوق ماتتصور

اريد من حضرتك ..سرد لى ماهى مكاسب ثورة 25 يناير
حتى اصادقق القول اننا كسبنا بعد الثورة
منتظرك تقولى اخى ما هى المكاسب حتى الان

ميرسى على محبتك وتفائلك وربنا معاك

[emmmy]

وانا كمان منتظرة الرد على تعليق ميلاد
اية هى مكاسب الثورة يا نادر ؟؟؟

[david201050]

ياشبح مصر ف دمنا ومهما يحصل فيها هي لينا والمسير الحق لو غاب مسير يترد لصحابة واحنا صحابها ومصر ليس وطننا نعيش فية بل تعيش فينا وبجد موضوعك اكتر من هايل ربنا يباركك ويكون معاك