[مينا11]

انا عندى سوال عن الموت بسبب ان جدتى اتوفت وبعدها بست شهور خالى اتوفى الانسان قبل الموت بيبقا عارف انه هيموت؟ يعنى فيه حاجه بشوفها حاجه بتظهرله وهل وهو فى الاخر الالم اللى بيكون فيه بيكون بسبب ان الروح بتخرج فبيتعذب يعنى ده بيكون حاله تطهر مش بسبب اشتداد المرض ؟ وبعد الروح لما بتخرج بتتحول علطول لجسد نورانى يعنى خلاص مبتبقاش حاسه بالجسد الارضى وهو فى القبر خالص يا ريت لو حد عنده معلومات عن الموضوع ده يشرحه

سلام المسيح

المصدر: †† ارثوذكس †† - من قسم: صندوق مناقشات الاعضاء

[نبيل نصيف جرجس]

اللى حصل معايا
ان اعز انسان كان عندى خلتو
هية اللى ربتنى
قبلها بشهر كانت تقولى كلام مش كنت فاهمة
وقبل ما تموت بيوم بقت توصينى على نفسى
وتنبهنى من حاجات اعملها بعد ما تموت
بس انا من وجهة نظرى مش كل الناس
بتعرف انها هتموت قبلها الانسان القريب منة
مش بمدح فى خلتو بس هية شافت كتير من قديسين وحصلتلها كتير معجزات
بس كانت بتصلى دايما فى الاجبية رغم ان كان نظرها ضعيف وكانت بتشجعنى انى اعمل كدة .الرباط الزى يربط بين قلب الانسان والله يعطية على حسب قوتة او ضعفة يعيطة المفدرة على معرفة هزا الامر
دى وجهة نظرى بتمنى اكون افادتك
وربنا يعزى قلبك

[soozy]

انا هتكلم من خلال تجربتى مع ناس ماتو قدامى كل واحد بتبقى نهايتة على حسب اسلوب حياتة على فكرة ودا انا شفتة بعينى يعنى الى عاش حياة كلها حقد ونميمة وقسوة بيلاقى صعوبة لحظة خروج الروح من الجسد
لكن كمان شفت ناس تانية عاشت حياة هادية وفى سلام مع الناس وربنا وكانت نهايتهم زى حياتهم ماتو وكانهم نايمين من غير اى الم او تعب واعتقد ان الروح طالما تفارق الجسد بيبقى مافيش احساس بالجسد خلاص الروح بتاخد شكل نورانى ودا راى الشخصى .

[kottah_sh]

صدقنى مش عارفه اجابه لسؤالك
بس انا تيته قبل ما تتوفى بنص ساعه
كانت بتنده علينا واحد واحد فى العيله
علشان يصليلها
كانت تعبانه اوى
وندهت علينا علشان نصليلها حتى اخواتى الصغيرين
وبعدين صوتها بقى واطى جدا
ونده على بابا واخدها على دراعه لحد ما اتوفت

بس مش عارفه بقى هيه كانت حاسه بكده
ولا لا

يارييييييت اللى يعرف حاجه عن الموضوع ده
يجاوبنا

ميرسى لسؤالك

[مينا11]

يا ريت لو حد قراء كتب عن الموضوع ده يقولنا عليه

[emmmy]

وهل وهو فى الاخر الالم اللى بيكون فيه بيكون بسبب ان الروح بتخرج فبيتعذب يعنى ده بيكون حاله تطهر مش بسبب اشتداد المرض ؟

عزيزى مينا اولا اشكرك على سؤالك الجميل ومقدرة مشاعرك لفراق الاحباب الرب يعزيك
بس فى حاجة صدرت منك من غير قصد تقريبا مرفوضة عندنا نحن الارثوذكس تماما وهى تعبير المطهر انت بتقول بيكون فى حالة تطهر يعنى اية يا مينا قصدك اية بالتطهر لو تقصد المطهر اللى بيعتقدون بوجودة الكاثوليك لا مفيش حاجة اسمها مطهر الالم يا مينا قبل الموت مش شرط يصاحب كل الناس ومش شرط يكون للاشرار او القديسين بدليل ان الشهداء انتقلوا وهما فى عز الالم وفى ناس ماتت وهما نايمين
واااة البعض من الناس ربنا بيكون معرفهم ساعة انتقالهم من العالم بس مش كتير طبعا على حسب ارادة الله وقصدة
لانة مقاصد اللة لا يعلمها الا اللة --- ما ابعد احكام اللة عن الفحص وطرقة عن الاستقصاء
ممكن جدا ومن القصص والحكايات الحقيقة بنعرف ان الالم والمرض بيكون هنا لانسان على الارض ممكن جدا تكون بسبب خطايا وهفوات ناسيها الانسان وربنا علشان بيحبة بيخلية يوفى كل حاجة هنا على الارض علشان لما يطلع السماء يبقى عدل الله يساوى رحمتة ومحبتة وكل ما الانسان اتحمل الالم كل ما ارتفع فوق مستوى الجسد ودة اللى بيخلينا نحس انهم بتعاملوا مع السمائيين وبيشوفوا ناس من العالم الاخر وطبعا الروح لما بنفصل عن الجسد مش بتشعر باى حاجة خالص وبتترك الجسد الترابى اما التعذب اثناء انفصال الروح عن الجسد فدة على حسب استعداد الانسان يعنى لو هو مستعد للحظة الوقوف امام عرش الله مش هيخاف بالعكس هيفرح ويتمنى اللحظة دى ويستناها كمان ويقول لى اشتهاء ان انطلق واكون مع المسيح ذالك افضل جدا
لكن لو مش مستعد وحاس بانة مدان ومش هيقدر يقف قدام الله بسبب اعمالة الشريرة بيكون مفزوع وخايف فعلا ودة اللى بيخلينا نتصور ان البعض بيتعذب اثناء انفصال الروح عن الجسد بس مش اكتر

اشكرك مرة تانية ويارب اكون قدرت اجاوبك على سؤالك
اقبل منى كل التقدير والحب والاحترام

[bassem8800370]

الصراحه انا مش عارف بس ممكن نسال فيها مين بردوا مش عارف
بس على ما اعتقد انى محدش يعرف امتى هينقل

[مينا11]

بشكر كل الناس اللى اشتركت فى الموضوع بس انا مقصدش موضوع المطهر خالص لكن ساعات الواحد يسمع ان الروح وهى بتخرج من الانسان قبل الموت هى اللى بتسببه الالم بسبب خطايا الانسان

[menovich]

اسمح لى بنقل الموضوع الى قسم المناقشات

وان شاء الله تجد اجابة لسؤالك هذا

[newnasry]

سؤال وجيه
بس دايما في حاجات احنا مبنعرفهاش لان اللي بيحصل معاهم الكلام دا بيكونوا رحلوا