[hard_age]

بصراحة عندى موضوع تاعبنى شوية لصديقة عزيزة وعايز اعرف رايكم (رايكم مهم جدا لها )
لو جا واحد واتقدملك وانتى ارتحتيلة وقالك انى عندى السكر
مع العلم هى صغيرة وهو مناسب لها فى السن يعنى لايعبها شى
1- تقبلين مع العلم( ان اولادك ممكن يبقى عندهم نفس المرض) ومع العلم (ان عائلتك هتقبل والا لا والاغرب لو والدك ووالدتك واخواتك موافقين هل باقى اقاربك يوافقون)
2-ترفضين مع العلم ( ممكن يكون سبب بركة ليكى ودا صليبك الى انتى ماخترتهوش بل اتى من اللة ) وقد نختار الشر لانفسنا ونحن جاهلين ونرفض الخير من اللة

ارجو من حضراتكم الرد باحد الاختيارين
بس يريت واقعية كانكم انتم مكانها
ولو سمحتم مشاركاتكم مهمة
وانا فى انتظار ردودكم

المصدر: †† ارثوذكس †† - من قسم: صندوق مناقشات الاعضاء

[ادروسيس]

انت جاوبت على السوال لو انا ارتحت
يعنى شرط اساسى اكون مرتاحة او بمعنى اوضح
بحبة اما بخصوص الاولاد يعنى مفيش واحدة عندها سكر
وبتحمل فى دلوقتى ادوية تمنع تقريبا العامل الوراثى
ثم اية يعنى اخواتى وامى وابويا موافقين
هل الاقارب لم دخل فى حياتى هل عمى او خالى راية اهم
من عائليتى ال من الدرجة الاولى لاطبعا اهم شئ اكون انا عارفة
الشخص دة واكون مقتنعة وعارفة ومتحملة كل شئ طالما ان بحبة
ولية اعتبرة صليب هو الانسان اصلا ضامن نفسة مش يمكن
انا ال اكون صليبة اهم شئ الاقتناع بالحياة ال انا هااعشيها
ربنا يقدمهم ال فيه الخير ويسعد حياتهم يارب
شكرا على موضوعك الجميل ال يستحق المناقشة

[حيران]

انا من رايى اللى عنده سكر وخصوصا لو سكر عالى جدا ميفكرش يظلم بنات الناس معاه ويتحمل صليبه لوحده ربنا يعينه وخصوصا لوبنت مفيش اى صله او رباط يربطوا بيها يتقدملها ليها

[bassem8800370]

هى على حسبت طبيعه المواقف يعنى لو الشخص ده كان عنده السكر قبل مايقبلها ولا بعد
والبنت كانت تعرف الموضوع قبل ولا بعد

[kary_alfy]

اباء الكنيسة علمونا انه هنك ثلاث اشياء للزواج هما(التوافق_ القبول_ الاعجاب) فاحسب كل هذاوشوف**********ربنا معاك

[finyara]

السكر ممكن يجى بعد الزواج كمان والخطر على الاطفال برضوا هيكون موجود علشان كده اهم حاجة الارتياح والقبول لكن حكاية المرض ديه بتاعة ربنا لان ممكن جدا المرض يجى بعد الزواج ساعتها هتعمل ايه لكن لو فى حب هنحتمل كل شىء وربنا معاكوا

[ادروسيس]

المشاركة الأصلية كتبت بواسطة حيران انا من رايى اللى عنده سكر وخصوصا لو سكر عالى جدا ميفكرش يظلم بنات الناس معاه ويتحمل صليبه لوحده ربنا يعينه وخصوصا لوبنت مفيش اى صله او رباط يربطوا بيها يتقدملها ليها

ياأخ حيران ولا ياأخ عنيد لو انت عارف يعنى اية
صليب مكنتش تقول كدة يعنى انت ضامن نفسك
ماانت ممكن يكون عندك سكر ولا وباء كبدئى
ولا حتى شلل اطفال طبعا بعد الشر عليك
انا اقصد ان الانسان مش ضامن نفسة
ممكن انت انهاردة بخير بكرة يقولوا فلان الله يرحمة
طبعا بعد الشر عليك وعموما ممكن يكون الشخص ال عندة
السكر عندة اهو عيب ظاهر فيه لكن فى ناس عيوبها مش ظاهرة
وبتخدع وبتعرف تخدع كويس هو علشان طلع عندة امانة
وقالها على الحقيقة كل واحد عندة عيب ولانه مفيش حد كامل
غير بابا يسوع ياحيران طبعا انت تعرف ان بابا يسوع
هو ربنا
بصراحة الواحد مبسوط جدااااااااااااااااااااااا ااااااااااااااااااا
بوجودك فى وسطنا ياسلام حقيقى مش قادرة اوصفلك
انبساطى ربنا يكملك بعقلك

[nemnema2010]

اولا انا اشكرك جدا على هذا الموضوع للمناقشه فيه ثانيا انا رايى من راى استاذه ادوريس كلامها فعلا صح دا مش مشكله اهم حاجه انها تكون مرتاحه للشخص دا واظن لو دا العيب الوحيد فممكن انها تتلاشاه اذا كان ذلك هو سبب الرفض . لان مثل هذه الامراض تاتى بعد الزواج او بعد الخطوبه فلو واحده مخطوبه وبتحب خطبها واكتشف بانه عنده السكر هل هى تلغى الخطوبه ولا هتتمسك او بعد الزواج ما الذى تفعله انا من رايي لو هو شخص كويس والاب والام موافقين يبقا توافق وياريت تقعد مع اب اعترافها وتاخد رايه ايضا

[hard_age]

المشاركة الأصلية كتبت بواسطة ادروسيس انت جاوبت على السوال لو انا ارتحت يعنى شرط اساسى اكون مرتاحة او بمعنى اوضح بحبة اما بخصوص الاولاد يعنى مفيش واحدة عندها سكر وبتحمل فى دلوقتى ادوية تمنع تقريبا العامل الوراثى ثم اية يعنى اخواتى وامى وابويا موافقين هل الاقارب لم دخل فى حياتى هل عمى او خالى راية اهم من عائليتى ال من الدرجة الاولى لاطبعا اهم شئ اكون انا عارفة الشخص دة واكون مقتنعة وعارفة ومتحملة كل شئ طالما ان بحبة ولية اعتبرة صليب هو الانسان اصلا ضامن نفسة مش يمكن انا ال اكون صليبة اهم شئ الاقتناع بالحياة ال انا هااعشيها ربنا يقدمهم ال فيه الخير ويسعد حياتهم يارب شكرا على موضوعك الجميل ال يستحق المناقشة

افهم من كلامك ان القبول هو اهم شرط او الراحة النفسية للشخص
اما الاعتبارات الاخرى فتدرس ولكن مش باهمية القبول
ميرسى لردك ولكن للحديث بقية

[hard_age]

المشاركة الأصلية كتبت بواسطة bassem8800370 هى على حسبت طبيعه المواقف يعنى لو الشخص ده كان عنده السكر قبل مايقبلها ولا بعد والبنت كانت تعرف الموضوع قبل ولا بعد

البنت عارفة انة عندة سكر من قبل ميتقدملها يعنى الموضوع واضح وليس بة اى خلط
ميرسى كتير لمشاركتك