[hard_age]

سلام المسيح


فى ناس كتير تقولك انا صريح جدا ومع ذلك من كترة صراحته بتقلب ضده يعنى بيخسر ناس كتيرررر.


حتى كمان بين الاصدقاء الصراحة مطلوبة لانها هى اساس الصداقة. ساعات يا جماعة الصراحة بتكون ايجابية وساعات بتبقى سلبية!


وفي نفس الوقت حياتنا بتكون محتاجة فيها جراءة بس بحدود!


وساعات الصراحة بتوقعنا في مشاكل من غير ما نقصد!


وكمان بتخسرنا اصحابنا !!!!



انا بجد عايز اسمع وجهات النظر ورايكم في الموضوع ده!


انتوا ايه رايكوا !!


فى فرق بين الصراحة والوقاحة(اسف على الفظ)
لان فى مقولة بتقول :
سهل تخسر الا قدامك صعب انك تكسبهم مرة تانى


عايز اقول ياريت كلنا نخلى بالنا من طريقة كلامنا مع اى حد من خلال التعامل مع بعض

فى انتظار مشاركاتكم

المصدر: †† ارثوذكس †† - من قسم: صندوق مناقشات الاعضاء

[hard_age]

لية الناس مش مشاركة برايها فى الموضوع دا
دا موضوع للنقاش

[amgad nagy]

هى الصراحة الجامدة قوى طبعاً متنفعش يعنى أنا صريح أه بس مجرحش الى قدامى يعنى بمعنى أنى أكون صريح مع صحبى لأبعد الحدود لكن فى نقط مينفعش أصرحوا فيها ممكن تكون خصوصيات ممكن تكون لو صارحته هينجرح ممكن تكون نقد فى شخصيته ممكن أصرحوا بس بطريقة ظريفة متجرجهوش لأن فعلاً الى بنخسرهم مش بنعرف نعوضهم تانى أو حتى نرجعلهم تانى. شكراً على موضوعك الجميل قوى دة.

[hard_age]

المشاركة الأصلية كتبت بواسطة amgad nagy هى الصراحة الجامدة قوى طبعاً متنفعش يعنى أنا صريح أه بس مجرحش الى قدامى يعنى بمعنى أنى أكون صريح مع صحبى لأبعد الحدود لكن فى نقط مينفعش أصرحوا فيها ممكن تكون خصوصيات ممكن تكون لو صارحته هينجرح ممكن تكون نقد فى شخصيته ممكن أصرحوا بس بطريقة ظريفة متجرجهوش لأن فعلاً الى بنخسرهم مش بنعرف نعوضهم تانى أو حتى نرجعلهم تانى. شكراً على موضوعك الجميل قوى دة.

هو من رائى انة يوجد صراحة لها حدود وان تعدت اصبحت وقاحة (اسف للفظ)
فمكن ان نقول شى بس بلطف ولكن لانجرح ويمكن ان نقول نفس الشى بطريقة تجعل المتلقى يبتعد عنى
ميرسى لردك

[وردة حزينة]

سهل تخسر الا قدامك صعب انك تكسبهم مرة تانى

ماهو ده المفروض للى يحصل فى التعامل بين البنى ادمين ممكن اختار لفظ مايجريحش بدل ماجرح واخسر الكل واندم بعد كده وانا مع الصراحه المحترمه للى بتراعى الانسان للى قدامى
شكرا ياقمره للمناقشه وبعد اذنك هانقله لقسم مناقشه الاعضاء

[ادروسيس]

الصراحة مهمة جدااااااااااااااااااا
على أد انها تكون احيانا مؤلمة بس احيانا كتير بتفوق الواحد من غيبوبة
كان فيها بس مش معنى كدة اجرح انسان
لا طبعا فى حدود
ثم فى حاجة مهمة اية مدى علاقتى بالانسان اللى ممكن هاأكون معة صريحة هل صديق حبيب قريب مش اى حد ممكن اكون معه صريح
يعنى احيانا كتيروعلى سبيل المثال فى شغلى ممكن اعرف
فى حاجة غلط لانسانة ممكن اكون باعزها بس مش هايقبل من صراحتى
لذلك باعمل نفسى عبيطة مش فهمة حاجة
الصراحة تتوقف على مدى المحبة اذاكانت تقبل من عدمة
اسفة طولت عليك
بس الموضع شدنى
شكرا لك

[hard_age]

المشاركة الأصلية كتبت بواسطة وردة حزينة سهل تخسر الا قدامك صعب انك تكسبهم مرة تانى ماهو ده المفروض للى يحصل فى التعامل بين البنى ادمين ممكن اختار لفظ مايجريحش بدل ماجرح واخسر الكل واندم بعد كده وانا مع الصراحه المحترمه للى بتراعى الانسان للى قدامى شكرا ياقمره للمناقشه وبعد اذنك هانقله لقسم مناقشه الاعضاء

دائما فى قاعدة بتقول الخسارة سهلة والمكسب صعب
وحضرتك انقلى الموضوع فى اى حتة احنا تحت امرك احنا نقدر نتكلم ادام انتى الحاجة الكبيرة اترينى كنت غبى كنت عامل حضرتك عضوة عادية وكنت برد عليكى عادى من النهاردة هنظبط الرد ههههههههههه
وميرسى لردك الرقيق

[هاني شاكر]

انا عاوز اشكركم علي مناقشة الموضوع ده لان الصراحة فعلا في الزمن ده مشكلة كبيرة للشخص الصريح وبتسبب له مشاكل كتير بس انا من راي ان الصراحة دايما بتريح حتي ولو كانت بتجرح لان الشخص العاقل هو اللي بيبقا عاوز يسمع الصراحة ومحدش يغشه بس عاوز اقول ان الصراحة بين الاشخاص القريبين منا لازم تكون من غير جرح بس لو في شغل او في اي موضوع بيعتمد حله علي الصراحة لازم يكون الكلام من غير حساب لجرح حد لان ديه امانة ولازم تتقال زي ماهي

[hard_age]

المشاركة الأصلية كتبت بواسطة ادروسيس الصراحة مهمة جدااااااااااااااااااا على أد انها تكون احيانا مؤلمة بس احيانا كتير بتفوق الواحد من غيبوبة كان فيها بس مش معنى كدة اجرح انسان لا طبعا فى حدود ثم فى حاجة مهمة اية مدى علاقتى بالانسان اللى ممكن هاأكون معة صريحة هل صديق حبيب قريب مش اى حد ممكن اكون معه صريح يعنى احيانا كتيروعلى سبيل المثال فى شغلى ممكن اعرف فى حاجة غلط لانسانة ممكن اكون باعزها بس مش هايقبل من صراحتى لذلك باعمل نفسى عبيطة مش فهمة حاجة الصراحة تتوقف على مدى المحبة اذاكانت تقبل من عدمة اسفة طولت عليك بس الموضع شدنى شكرا لك

عارفين انا كتبت الموضوع دا لان معاى واحدة فى الشغل لابتفرق بين كبير وصغير ولا راجل ولا ست ولا مدير ولا غفير وعاملة الى بتعملة دا صراحة بس احنا شايفينها .......... هو الشيطان سعات يهيى لللانسان ان الى بيعملة هو الصفة الصح وكل صفة بينها وبين ضدها شعرة ان زادت تحولت للضد
فحبيت نستفاد من هذة التجربة
وساعات العباطة الى بتقولى عليها تكون حكمة وحنكة نخرج من حاجة تزعل
وميرسى لردك

[hard_age]

المشاركة الأصلية كتبت بواسطة هاني شاكر انا عاوز اشكركم علي مناقشة الموضوع ده لان الصراحة فعلا في الزمن ده مشكلة كبيرة للشخص الصريح وبتسبب له مشاكل كتير بس انا من راي ان الصراحة دايما بتريح حتي ولو كانت بتجرح لان الشخص العاقل هو اللي بيبقا عاوز يسمع الصراحة ومحدش يغشه بس عاوز اقول ان الصراحة بين الاشخاص القريبين منا لازم تكون من غير جرح بس لو في شغل او في اي موضوع بيعتمد حله علي الصراحة لازم يكون الكلام من غير حساب لجرح حد لان ديه امانة ولازم تتقال زي ماهي

ميرسى لتعليقك الجميل
وعلى فكرة انا بحب اغانيك كلها هههههههههههه
ومنورنى فى الموضوع