[البوب الجديد]

السؤال الأول: التعبير

اكتب ما لا يقل عن 650 سطر فى أحد الموضوعات التالية

لم يجدالطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة
......................
شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز
.......................
بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط..الورق متراقب
ـــــــــــــــــــــــــ ـــــــــــــــــــــــــ ـــــــ
السؤال الثانى: القصة
من قصة " و الله ما انت داخل الانتخابات" .. اقرأ القطعة وأجب عن الآتى
ثم أتى إليه وضربه بالجزمة وقال: انت عايز تترشح فى الانتخابات يا معفن؟؟دانت عايز معجزة..مش كفاية بتاكلوا لحمة ومستورين.. عايزين إيه تانى؟


ما هى اللحمة؟ أو على الأقل حدد أقرب معنى خيالى لها

مرادف معجزة فى اللغة ( تغيير وزارى – زيادة المرتبات – رغيف العيش)

لماذ ضربه الرجل بالجزمةوليس بالعصى مثلا؟؟
أهو كسل .. لسة هيرفع العصاية؟-عشان العصاية قلة قيمة برضه واحنا فى عصر الديمقراطية– افهم انت بقى

حلل بمزيد من التفصيل جملةضربه بالجزمة ومدىتوافقها مع جملة مصر بتتقدم بينا
ـــــــــــــــــــــــــ ـــــــــــــــــــــــــ ــــــــــــ
السؤال الرابع النصوص
أجب عن أحد النصين الآتيين
من نص ( ماشربتش من نيلها)..اقرأ ثم أجب

ماشربتش من نيلها.. جربت تغنى لها.. جربت فى عز ماتحزن تمشى في شوارعها وتشكى لها

بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فىالنص؟
المسيسبى - الأمازون – يونجيانج

هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..ورجَّعُه مكانه

أكمل الأبيات إلى آخر كحكة فى الكليب

قوبل النص بانتقادات بسبب بعده عن الواقع..وضح من النص ما يتفق مع القول المأثور
اطبخى ياجارية ..كلف ياسيدى
ـــــــــــــــــــــــــ ـــــــــــــــــــــــــ ـــــــ
من نص (حين ميسرة)..أجب عن الآتى

اذكر اسم مصيبة واحدة محصلتش فى النص الأسود ده

وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقى

سبب وجود الشرطة كل خمس دقائق فى النص
موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص
ـــــــــــــــــــــــــ ـــــــــــــــــــــــــ ـــــــــ
السؤال الخامس النحو
أعرب ما تحته خط.. لومالقيتش القطعة أصلا ..اتصرف
ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا ياكلب
كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده
فُرِضت الضرائب عليناببشاعة ..أعرب الجملة .. وارفع الضرائب أبوس إيدك
ـــــــــــــــــــــــــ ـــــــــــــــــــــ
السؤال السادس الخط
كوز المحبة انخرم..طرطش علي كمى..ياحبيبى بطل جفا وارحم عذاب امى

اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء

المصدر: †† ارثوذكس †† - من قسم: الضحك والفرفشة

[modo]

هههههههههه للاسف يابوب مش هحل الامتحان لاني زهقانة من الامتحانات
وبعدين انا مش عايزة كوبايات لو في لاب توب بقي احلة طبعا

[البوب الجديد]

خلاص هاجبلك لاب توب هدية وتسبينى فى حالى اوكى

[modo]

ماشي و انا موافقة

[hany1982]

انا مستعد اجاوب بس اخد طن حديد عز

[medhat atef]

ايه يا بوب مش تقول ناقل الموضوع منين وتعرفهم اللي حاطه

ههههههههههههههههههههههههه ههههههههههههه

[samerco75]

ايه يا ابنى الاسلوب الرائع دة

[البوب الجديد]

على اساس يا مدحت انك كاتب الوضوع اصلا
ههههههههههههههههههههه
النقل لية ناسة يابنى

شكرا لمروركم جداااا

[modo]

ههههه اللة يفضحك

[البوب الجديد]

هههههههههههههههههه
اهى حضرت اهى