[emmmy]

المشاركة الأصلية كتبت بواسطة soso-simsim ومعلش فى حاجه تانى ان لازم اعضاء المنتدى يسألو على المشاركين فى المنتدى لما العضو يلاقى اهتماما كده من المنتدى وده بيسأل وده بيشوف ليع مش موجود بقاله كتير مثلا هو ده بيخلى الاعضاء فى المنتدى يحبوا المنتدى لما يلاقوا حد بيسأل ويشوفهم وكده يعنى

بصى يا ساسو انا هكلمك بصراحة العضو الجديد طبيعى انة ميلقيش اهتمام كبير فى الاول ويحس بغربة مشاركاتة قليلية لسة موضوعاتة محدش اخد بالة منها لسة - لكن المفروض انة يصبر ويثبت مكانة بالحب فى قلوب كل الموجودين - انا لما دخلت المنتدى اخدت وقت كبير لحد ما عرفت الموجودين وحبيتهم وحسيت انى منهم
وبعدين مش شرط ان ناس كتير ترد على كل الموضوعات اصل كل واحد بيبقى لية ميل لحاجات معينة صدقينى فى اقسام ان لحد دلوقتى انا مدخلتهاش لانى مليش فيها خالص ومش هفهم فيها حاجة مش لاى سبب تانى
يبقى الموضوع كلة كوضوع وقت وصبر مشكلتنا اننا عاوزين نوصل بسرعة بس مش اكثر

[emmmy]

اين انتم متنموش يا ارثوذكس !!
عاوزة حواركم ومنقاشتكم عاوزة اسمع تعليقات صادقة
انتوا شايفين اية ؟؟ العيب فى مين ؟؟
فى الاعضاء ولا فى المشرفين ولا فى الادراة ؟؟
نفسى تتكلموا بجراءة ومحبة وتوضحوا الامور


فى ناس قالتلى لما افتقدتها انها مش حاسة بالمحبة فى المنتدى
وان كلة بيضحك على كلة - اية رايكم فى الكلام دة ؟؟

[aymonded]

أمممممممممممممم عموما مش نقدر نقول أن أحاسيس الناس مش صادقة، بس صعب موضوع أنه كله بيضحك على كله، لأن مش كل الناس اتعرفت على بعض كويس بعشرة وصداقة علشان يقدر حد فينا يحكم على الجميع حكم مطلق ...

وبعدين ايه اللي الناس شايفاه في موضوع كله بيضحك على كله وفي ايه بالظبط علشان نقدر نصلح من نفسينا كلنا، لأن كل واحد فينا له نقائصة وضعفاته، لأن ليس كلنا في تمام الكمال لكي نكون كاملين في كل شيء، ولكننا نسعى للكمال، ومعاتبتنا لبعضنا البعض ناتج المحبة بل ومن صميم طبيعتها، فبمحبة عاتبونا، وتعالوا نصلح الأمور ونصحح كل واحد لأخيه نظرته ونُعيد حسابتنا ونبدأ من جديد، لأن واجبنا أن حينما يرى أحد أخ له في ضعف أو أن محبته غير صحيحة، لابد من ان نصححها ونتعاتب كقول الإنجيل، وبذلك نربح بعضنا البعض في سر التقوى ومحبة الله، وكلنا خطاة أحبهم يسوع ودائماً يعمل لعلاجهم...

فاعينوا ضعفنا وقولوا ماذا فعلنا عن دون قصد منا جعلكم تتركونا وتشعروا اننا بنضحك على بعضنا البعض، فلربما تربحونا للحياة الأبدية حينما نقدم توبة ونعتذر لكم باخطاءنا فتغفروا لنا ونربح بعضنا البعض في كنيسة الله المقدسة الذي فيها يتعالج الكل بمحبة الله فيشفى ويتمجد اسمه وسطنا هنا ....

واشكرك يا أجمل إيمي على المتابعة في هذا الموضوع الهام للغاية، النعمة معك

[elphilasouf]

هو أخر سبب ده
والمنتدي دلوقتي بيحاول يربط نفسه بالفيس ودي حاجه ممتازه

بس الفيس هيجيب زوار أو مشاهدين أكتر
لكن الجدير بالذكر أن الحكايه دي مش هتأثر علي عدد الأعضاء المتفاعلين واللي لو هيزيد هيكون بشكل بطئ جدا

[aymonded]

دية حقيقة يا أجمل فيلو فعلاً اللي نورنا بعد طول غيبه
ويا رب ما تسبنا تاني خالص

[emmmy]

فيلو مش معقول ازيك يا عسكرى وحشتنا يا لمض
اية النور دة

هو بصراحة يا فيلو دة سبب فعلا بس فى اسباب تانية
لان فى اعضاء مش بيدخلوا الفيس ولا متفاعلين معاة ولا بيحبوة اوى
كان نفسى يكون فى تفاعل اكثر من كدة وصدق وفضفضة اكثر من كدة
عموما المهم ان الاعضاء يكونوا بخير وكويسين ويعرفوا ان ارثوذكس فاكرهم مش ناسيهم