واحد راح للدكتور قالوه انا عندي صداع قالوا الدكتور انت بتنام والشباك مقفول ولا مفتوح قالو مقفول ، قالو الدكتور افتحوا ....تاني يوم جالو الراجل .. فقالو الدكتور ها راح الصداع ؟ قالوا : الصداع راح.....والبوتجاز راح......والتلفزيوون راح.... و....و
واحد اخنف وقع فى بئر مياه ...فمر عليه واحد وكان اخنف برضه ، قاله اطنعك ...رد قاله ايوه طنعنى.... قاله بتألس علي طيب مش حطنعك
واحد بخيل عنده 4 اولاد ..... جاب لهم حته لحمة ، وقال لهم: كل واحد يمضغها ويديها للي جانبه
مرة دكتور دخل عنبر فى سراية المجانين لقى واحد بيخبط دماغة فى الحيطة سأل الممرضة ماله ده ؟ قالت أصله كان بيحب واحدة ومتجوزهاش .دخل العنبر الى بعده لقى واحد بيضرب نفسة بالشبشب قالها وده ماله قالتله اصل ده الى اتجوزها
مره اتنيين مساطيل مااشيين على شريط القطر فواحد بيقول للتاني
يااخي السلم ده طويل بشكل....
رد التاني عليه الي مضايقنى ان الدربزيين واطي أوي....
بيقولك مرة فار ماشى مع خطيبته فى الغابة وفجاة لاقى الاسد ,فحب يعمل راجل قدام خطيبته فراح للاسد قاله : انت حيوان .. الاسد رد قاله: انت بتشتمنى انا ؟؟ رد الفار وقاله: ايوة بقلك انت ..
و مشى الفار وراح وصل خطيبته لبيتها..
وهو راجع قابله الاسد قالوا : انت كنت بتشتمنى انا يا فار؟؟
قالوا: لا دا انت ملك الغابة هو حد يقدر يشتمك ؟؟
انا اسف وهات راسك ابوسها..
طلع الفار على راسوا عشان يبوسها فلقى خطيبتوا معديه..
فقال للاسد: ادوس على دماغك يعنى مفيش فايدة فيك ؟؟؟