[وردة حزينة]

ياللي تعبان وزعلان .. يمكن علشان القطر إللي فاتك
و ياللي حزين ومكتئب وقال بيقولو عليك رزين
وياللي دمعتك على خدك مبتتمحيش ..



وجوة قلبك خنقة ونكد وحزن يغطي الكون
لية تقفل على نفسك باب حزنك ؟؟ ولية تستسلم للضيق؟؟
لية تقعد في غرفة ضلمة وإنت معاك المفتاح؟؟
لية تمشي بكآبة و تستنى وقتك وسنينك تعدي ولا تتبسط؟؟ربنا قالها " إفرحوا في الرب كل حين وأقول أيضا إفرحوا "( فيلبي 4 : 4 )
قوم إفتح عينك على نور ربنا
دة الطير بيطير حاواليك .. والهوا بيعدي بحور علشان يطس وشك ويديك بهجه عمرك إللي محدش يقدر يقدمهالك
قوم شوف الفراشات بألوانها والسما إللي كلها نجوم ولا حد له سلطان إنه يوقعها
قوم شوف إزاي الطير بيجيله أكله لغاية عنده من غير مايسأل
الفرح دي أحلى كلمه يتزوقها الإنسان .. من غير ما حد يشرحها هي بتتحس
حب الدنيا زي ماهي ..

صدقني ولا حاجة في الدنيا تستاهل بكائك وحزنك دة كله .. مادام ربنا موجود يبقى نطلب من حد تاني يدينا الفرح؟؟هو قالها
"إسألو تعطوا. أطلبوا تجدو إقرعو يفتح لكم . لأن كل من يسأل يأخذ ومن يطلب يجد. ومن يقرع يفتح له . أم أي إنسان منكم إذا سأله إبنه خبزا يعطيه حجراً. وإن سألهسمكه يعطيه حيةً ". ( متى 7 : 7-10 )
يبقى نطلب من نبع الفرح الفرح الحقيقي.. مش إبتسامة صفرة وبس..لالالا فرح سعادة وإنبساط
نطلبها منه هو ..وهو هيعطيهالنا .. بس على شرط قوم نفض هدومك من الهم دة.. قوم ولو جه الشيطان قالك ... طريقك مسدودٌ مسدودٌ ياولدي .. قوله خلاص إللي قالها مات بيها وإندفن .. أنا إبن النهاردة.. النهاردة وبس
دعوة للتفاؤل ياجماعة بجد ... إرمي الهم وإتبسط وإتنطط وزقطط .. إجري إلعب إمسك الفراشات وإشرب عصير في الساقعة
بص لنور الشمس وضوء القمر إللي ربنا عملهولنا علشان يبسطنا
طب وبكرة؟؟ هعمل فيه إية؟؟
لكن ربنا قالها
"فلا تهتموا للغد .لأن الغد يهتم بما لنفسه . يكفي اليوم شره ".. (متى6 : 34 )

ولو خايف .. خايف من إية؟؟ مفيش حد يسندك؟؟
طب خايف إزاي وهو بيقول "وأما أنتم فحتى شعور رؤسكم جميعا محصاة فلا تخافو . أنت أفضل من عصافير كثيرة " (متى10 30-31 )
يبقى إية معنى للحياة من غير تفاؤل
يلا ياجماعة عاوزين ننادي بالتفاؤل .. تفاؤل وتفاؤل وبس

شعارنا ياشباب هنااااااااا
خليك فريش علشان الوش ميتكرمش
ولا إية؟؟
__________________

المصدر: †† ارثوذكس †† - من قسم: التأملات الروحية والخواطر الفكرية

[adel baket]

الله على تاملك الرائع والكلمات المعبرة الجميلة
الرب يبارك تعب محبتك

[nermos1982]

تامل اكثر من رائع يا احلى وردة.ربنا يعوضك يا قمر

[rozy lover]

تامل اكثر من رائع
جميل جداً جداً يا جمل وفاء
ميرسى يا اجمل قمرايه فى المنتدى

[كيرو رافت]

وأما أنتم فحتى شعور رؤسكم جميعا محصاة فلا تخافو . أنت أفضل من عصافير كثيرة
موش عارف ليه فعلا خايفين من بكره ودايما حاسين انه موش احلا من النهارده ليه دايما الياس مالينا والامل اختفى من قدام عينينا ليه بنخاف من بكره مع ان اله النهاردة وبكرة معانا وبيطمنا دايما وما احلى العشرة والوجود معاه هو وحده اللى يطمن
ميرسسسسسسسسسسسسسسسسسسسسسس سسسسسسسسسسسسسسسسسسسسسسسسس سسسسسسسسسسسسسسى يا اجمل ورده فى بستان القديسين

[miso]

ادااااااااا اداااااااا بس يا شيخة الجمال ده
مش ممكن تحفة تحفة بجد
بس عندى سؤال مدام احنا متفائلين كدة ليه بقى يبقى اسمنا وردة حزينة
بتدعينى للابتسامة والامل وانتى حزينة
متهياقلى لو بقيتى كدة يبقى تغير اسمك وتبقى الوردة السعيدة
او الوردة المبتسمة
وبلاش الحزن ده وزى نا قولتى سيبى بكرة بكرة ده بتاع ربنا خلينا فى النهاردة افرحى بيه

[man new]

كلمات جميله توحى بالتفائل لم اتوقع ان تخرج من حزن الورد فهل سيتحول اسمك الى ورده سعيده

[nana222]

شكرااااا لتعب محبت

[روفــــا]

موضوع جميل بجد وخلانى اقوم اظقطط

[roset]

الموضوع جميل جدا و فعلا مافيش حاجة فى الدنيا تستاهل البكاء والحزن عليها
ميرررررررررسى اوى ليكى يااجمل وردة