[مانـــوو]

مين اداكى الحق ف قلبى لما سالتك قولتى ده زنبى

متلمنيش مش بايديا وانت الجانى عليه من حبى

قلبى خلاص قفل الابواب بعد ماداق المر ف دربى

بهرب منك واللى جرالى واللى ف علم الغيب متخبى

فاكره الامر بسيط ويعدى!! مين اداكى الحق ف قلبى؟

تشغلى بالى وتلعبى بيا بكل بساطه زى ماتحبى

افتح ايدى لاجل ماضمك تهربى منى وتنكرى ودى

ينده نبض القلب باسمك لاانتى معايا ولا بتردى

فاكره الامر بسيط ويعدى !!؟ لا يا حبيبتى

اوعى تظنى فيا الضعف وانك راح تقدرى على عندى

او تفتكرى انى هسلم وارضى بنارك قايده ف جنبى

تحرق فيا ولا على بالك واجرى عليكى وانتى تصدى

لا يا حبيبتى زى ماجيتك واترجيتك هتحداكى لو تتحدى

انتى اخترتى السكه الصعبه وانا وياكى منين ما تودى

لو ف النار راح اخطى النار حتى ان كان البحر هعدى

غصب عنك هسكن قلبك هيكون فكرك فيا لوحدى

عيشى ف وهمك او ف خيالك زى ماتحبى

كل دروبك راح تلاقيها بتنتهى عندى

هتكونى ليا مهما تحاولى ومهما تعاندى

انتى اخدتى الحق ف قلبى وانا من حقى انك تدى زى ماخدتى

المصدر: †† ارثوذكس †† - من قسم: القسم الادبي