ماحدش خايف
ماحدش ابدا خايف ولا مرهوب
لان حمينا وماقوينا هو المصلوب
حاسس بينا وساكن جوة القلوب
انت بية غالب مش مغلوب
اطلب بصلاة حقك المسلوب
هو عارف ان دمك مطلوب
هو يقدر يعدل الحال المقلوب
تأكد انك على قلبة محبوب
وبيقولك متخفش رصاص او طوب
ومش عايزك تكون على شئ مغصوب
هو اللى علية القلب المعطوب
وبيمهل كمان فرصة للعقل المثقوب
ويمنع عنك كل شر ومكروب
بيدافع عنك شوف كدة المنسوب
تبكى تحزن كلة عندة محسوب
ان طال الظلم هايجى غروب
خليك دايما ماسك فى المحبوب
بينهى علشانك شدة او حروب
قدامة الشر بيجرى يعنى هروب
هو معاك خلية جواك خلية مرغوب
ماحدش ابدا خايف ولا مرهوب
لان حمينا وماقوينا هو المصلوب
بقلمى ...ميلاد:: 27/8/2011