[القطة كيتي]

[align=center]

ليه يا زمان بعتنا

ضيعت منا قلبنا

لا احنا بقينا بشر

ولا الحب بيهمنا

اتجرحا ورضينا

اه من عذابنا قاسينا

وجراح غيرنا داوينا

ما احنا للاسف حبينا

واتجرحنا ورضينا

وتعبنا بقي مكتوب علينا

ازاي يا قلبي علي خاين بكينا

وهو بكل جوارحه نسينا

ده حتي مسالش علينا

مفكرش لحظه فينا

راح وبعنا بس كله كان بإدينا

مش مصدقه انه جرحنا ونزلت بسببه دموع عنينا

لا تلومه يا قلبي ده خاين

والخاين لازم يبعد عن قلوبنا

نبيعه زي ما بعنا

نداوي بإدينا جراحنا

لكن مين ع الطريق هيدلنا

اوعي يا قلبي تقول حب جديد

ما انت شايف اهو الحب ذلنا

صدقني يا قلبي ما انا عارفه

احنا في كابوس ولا من احلامنا صحينا

ولو صدقت ان حبيبك باعك اقنعني يمكن نرتاح

وننهي بقي طريق الجراح

لكن المصيبه انك لسه بإسمه بتدق

ومن جرحه جراحك اللي منه بتتهد

ونخاف بس عليه

ازاي لسه عايشين العمر بيه

يا قلبي انسي بقي وارتاح

انت مش ناقص تاني جراح

وكفايه لحد كده

تعب والم وعذاب

بترجاك تنساه

لو كنت فعلا قلبي

بلاش ترجع تهواه

[/align]

المصدر: †† ارثوذكس †† - من قسم: القسم الادبي

[عماد حسنى]

الله على الموضوع الجميل يا
كيتى
موضوع وكلمات جامده جدا جدا
ربنا يفرح قلبك ويبعد عنك كل الم وحزن
وشكرا على الموضوع الهايل ده

[nermos1982]

ازاي يا قلبي علي خاين بكينا
وهو بكل جوارحه نسينا
ده حتي مسالش علينا
مفكرش لحظه فينا
راح وبعنا بس كله كان بإدينا
مش مصدقه انه جرحنا ونزلت بسببه دموع عنينا

كلمات راااااااااااااااااااااائع ة يا احلى كيتى.ربنا يباركك ويفرح قلبك

[القطة كيتي]

ميرسي عماد ربنا يباركك

[القطة كيتي]

ميرسي نرمو ياقمر ربنا يفرحك