[keroo82]

عايش حياتي زهقان في ملل
ماليش أي رجاء ولا حتي عندي أمل
مش حابب أعيش لبكره
وامبارح مالوش عندي أي ذكرى
عايش ليومي غرقان في وسط همومي
وياتري أنا مخلوق مهم ولا اصبحت نكرة

أنا ليه طب حي .. طب ليه موجود
ياتري في هدف ولا صدفة بالوجود
أنا عايش ليه وعلي شان إيه

عندي اسئلة كتير وخلاص وقف التفكير
يااااه مش قادر اتكلم خلاص خلص الكلام
ياتري انا بحلم ولا دي حقيقة وسط الايام

بس يمكن هي دي الحقيقة
ده اليوم بيعدي عليّ بالدقيقة
والفرح فيّ دايما مش كتير

اصبحت أنا للحزن أسير
كل يوم مليان اخبار جديدة
كام بركان علي زلزال وكمان اغتيال
طب بالذمة دي تبقي حياة

الظاهر كده إني ماليش فيكي مكان
أصلك يا دنيا مليانه بكا وأحزان
بنخاف فيكي نفرح ونقول ربنا يستر
أصل الفرح ده زياده وكمان فوق العادة
والاخلاق فيكي مافيش ماتتلقاش
وأنت كل اللي فيكي ضحك وترويش
مفيش فيكي أي امان
وملعون اللي يتكل علي إنسان
ياه يايوم دا أنت كلك هموم وغيوم
بالبكاء تعدي وأحزانك بتدوم

ياتري يادنيا فيكي أمان
ليه اتوجدت فيكي كانسان
بدور فيكي علي أي معني
أو حاجة بينا تجمعنا
ونهايتي بعدك أية؟! .. سما ولا نار
من كتر الفكر تعبت ومحتار

ده كلامي اللي جوايا وحاسس بيه
ياريت يوصلك وتفكر فيه

المصدر: †† ارثوذكس †† - من قسم: القسم الادبي

[عماد حسنى]

كلامك مؤثر اوى اوى يا كيرو
بس احنا لنا امل ورجاء
وانت عارفه كويس
هو يســــــــــــــــــــوع
اتمسك بيه واجرى عليه وهو مش ممكن يسيبك
موضوعك وكلامك مميز اوى وكتير اوى اوى صدقنى عايشين كده بالظبط
بس الاهم ان يسوع معانا
ربنا يكون معاك ويفرح قلبك

[nermos1982]

كلماتك جميلة اوى يا كيرو بس ليه الياس ده ؟دى الدنيا جميلة ومفهاش اى حاجة تزعل
لا بجد طول مانت ماسك فى ربنا عمر ما الياس هايوصلك
ربنا يباركك يا كيرو ويكون معاك ويفرح قلبك

كلماتك جميله يا كيرو واحساسك كتير عايشينه
ربنا يفرح قلبك ويعطيك الامل والايمان

[كيرو رافت]

الله عليك يا كيرووووووووووووووووو
احساسك بجد جبار قووووووووووى
ايه يا ابنى ده بجد انت رائع انت ليك فى كل الالوان
وبتعبر حلو قوى قوى
بس بتمنى ان الحاله دى تنتهى من عندك
لانه احساس قاسى جدااااااا على صاحبه

[kamel]

ليه اتوجدت فيكي كانسان
بدور فيكي علي أي معني
كلمات فى سطور تحوى الكثير
ولكن لى وقفة مع هذا القول الخطير
انا من خلقنى الله أنسان
لأشكرة على عطاياة .. وأعمر المكان
ليزهو وينمو كالبستان
ويكون لمن بعدى واحة أمان
ومهما لاقيتُ من أتعاب واّلام
فأنظر الى ربى وأدعوة ليخفف الأحمال
ولا أنسى ربى من خلقنى من أوجدنى
فى هذة الدنيا كفيل بتحقيق الأمال
ومهما طال الشتاء.. فالصيف قريب
يا أنســــــــــــــــان
الرب يفرح قلبك ويبارك حياتك

[zaza2006]

كلمات جميلة اوى يا كيرو بس خلى عندك أمل فى ربنا بلاش يأس

[MICKEY]

ياواد انت مش نكرة ولا حاجه
انت ميه ميه
وسيد الكل كمان
بطل احباط ويأس
وانظر نظرة تفائلية للمستقبل
ربنا يباركك

[keroo82]

المشاركة الأصلية كتبت بواسطة عماد حسنى كلامك مؤثر اوى اوى يا كيرو بس احنا لنا امل ورجاء وانت عارفه كويس هو يســــــــــــــــــــوع اتمسك بيه واجرى عليه وهو مش ممكن يسيبك موضوعك وكلامك مميز اوى وكتير اوى اوى صدقنى عايشين كده بالظبط بس الاهم ان يسوع معانا ربنا يكون معاك ويفرح قلبك

ميرسى يا عمدة يا غالى دى فترة وعدد على خير مفيش غير يسوع هو الوحيد اللى بيريح التعبان

[keroo82]

المشاركة الأصلية كتبت بواسطة nermos1982 كلماتك جميلة اوى يا كيرو بس ليه الياس ده ؟دى الدنيا جميلة ومفهاش اى حاجة تزعل لا بجد طول مانت ماسك فى ربنا عمر ما الياس هايوصلك ربنا يباركك يا كيرو ويكون معاك ويفرح قلبك

ميرسى ليكى يا نارموس
ربنا يباركك ويفرح قلبك