[M!SS N@NO]

برنامج .. للحب.. و عن الحب

مع اوووسامه منير


الحب
ذلك الشعور السهلبيسي الذي يزعزغ عقول البشر
و يهشك قلوبهم


مستمعينا لسه بنتكلم عن الحب وحلقتنا النهارده عن

الاستهبال في الحب
معاكم اسامه منير علي نجوم fm مزيكا علي كيف كيفك

في.. انا و البطيخ و هواك

من دلوقتي ولمدة ساعتين
مستنين تليفوناتكم علي 6066
او علي 8555022
او علي ايميل البرنامج
علي هواك ات نيل راديو بروداكشن دوووت كوووم
برعاية ابليس كومباني و ان تاتش و كريمات زحلقها

دايما بتمر بينا اوقات بنحس فيها اننا مش قادرين نعيش من غير الحب و من غير الحبيب
و الشعور دا متولد و منبثق من الاحساس التواجدي الكوني في اللامركزية العصبية للقلب
و دايما بتقابلنا مواقف كلها استهبال في الحب
ياترى احنا بنعمل ايه و رد فعلنا بيكون ايه لما نقابل حد بيستهبل في الحب ..
وخصوصا اننا جيل موبايلات و انتوا عارفين ان انا عندي 16سنة
فحاسس بيكم و حاسس بمشاكل الجيل كلها ...



اولا الرصيد اللي بيخلص في يوم و انت لسه شاحن كارت ب 100 و تفضل تحرق في دقايق علي حبيبتك و في الاخر لما الرصيد يقرب يخلص تقولها بحبك بحبك امموووه
تقولك انت بتستهبل يا حبيبي اتلم لساويرس يشوفنا



او حبيبتك اللي تفضل تكنسل عليك تكنسل عليك عشان استخسرت فيها كوزين دره علي الكورنيش
و انت اصلا مفلس مش لاقي تاكل و لما تيجي تصالحها علي الموبايل تلاقيها بتكنسل ..
فتضطر تصالحها بكارت ب 5 و تستهبل .. تلاقيها بتصرخ في وشك و تقول
انت بتستهبل؟؟
اقل من 200 متورنيش وشك


و حبيبك اللي ييجي في اوقات يعمل فيها عالم فلك و يقولك انا بقرا الكف
و يفضل يفعص في كف ايدك ولا كأنه شاف ايدين قبل كدا
و في الاخر تقوليله
انت بتستهبل ؟؟ حد يشوفنا
و انتوا اساسا قاعدين في الشارع


مستمعينا الاستهبال في الحب حالة بتمر بكل المهاطيل و المهابيل من ابناء الجيل. و لو مستخدمناش عقلنا في الاستهبال بيقلب عباطه
وممكن مغص كلوي


مستمعينا مستني تليفوناتكم علي 6066
او علي 8555022
او علي ايميل البرنامج
علي هواك ات نيل راديو بروداكشن دوووت كوووم
برعاية ابليس كومباني و ان تاتش و كريمات زحلقها ياما زحلقها



نستقبل اول اتصال تليفوني و نقول الوو

الوو


الووو


الووووو

واضح ان الخط قطع

- الوو ايوا يا اثامه

- اهلا نتعرف بيكي ..


- بثمه

- اهلا بيكي يا بسمه ياريت تعلي صوتك شويه

- معلش يا اثامه اثل انا بتكلم من تحت البطنية ..

- مفهوم طبعا عشان محدش يقفشك و انت بتتكلمي
بسمة بنتكلم النهارده عن الاستهبال في الحب .. تقدري تقوليلي يعني ايه الاستهبال في الحب و بيمثل لك ايه

- بص يا اثامه اولا انا بموت موت موت جدا طحن في البرنامج بتاعك و واللهى مش بفوت ولا حلقة منه ابدا خالث
و ثلملي علي الشقي الحكروت موت موت حتومه و قوله انه لذيذ اووووي و بنحبه مووت موووت ..


- هو بيضحك وفاتح بقه اهوه و بيقولك
مرسي ليكي يا بسمه

- يا اثامه انا بكلمك عشان الحلقة بتاعتك النهارده مخثوث عشاني
انا كنت بحب واحد و انا في 2 ابتدائي و فضلنا نحب بعض للجامعة


- جميل


- اهـء اهـء اهـء


- لا اهدي يا بسمه و قوليلي ايه اللي حصل

- يا اثامه اخد كل حاجة كل حاجة

- اححمم
حتى الموبايل


- يا اثامه بقولك كل حاجة
اهـء هـء هـء

- طيب اهدي يا بسمه
بصي يا بسمه
الحب شعور متبادل بين اتنين
مينفعش طرف واحد من غير الطرف الاخر و لازم الاتنين يكونوا متفاهمين و متعاونين
هو دا الحب اللي هايدوم طول العمر و بكدا نحل كل المشاكل اللي تقابلنا حتى مشكلة غسيل الالوان مع الابيض .. لان تايد
برغوته الجديدة حل المشكلة

مستمعينا نسينا نقول ان تايد من رعاة البرنامج
مع تاااااايد في الغسيل مفيش مستحييل
بشكرك يا بسمه علي اتصالك و بهديلك اغنية السوبر ستار عمرو دياب
قاعدة علي الترعه و بتغسلي المواعين
جاتك ستين وكسه دا اسمك بقا في الطين




نص ساعة اعلانات ..




انا و البطيخ و هواك برنامج للحب و عن الحب
مع اوووووسامه منير



الحب
لحظات من الامل متولدة في وسط غابات الغضب البشري الجارف المتعارض مع احداث الحياة
فالحياة بدون حب
كالشجرة بدون موبايل ..

مستمعينا لسه بنتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
او علي ايميل البرنامج
علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..



الوقت بيمر معاكم بسرعة و حاتم بيضحك مش عارف علي ايه بس تقريبا عشان البت اللي بتبيع ترمس علي كوبري ابو العلا حولت له 5 جنية رصيد ..

هاه ؟؟ عشره رصيد

طيب اشطه يا حتوم .. اخوك بقا هاه
نستقبل اتصال تليفوني و نقول الووو

الووو

الووو


الوووووو

الظاهر الخط قطع

- الوو ايوا يا اسامه

- اهلا نتعرف بيكي
ياريت تعلي صوتك لان الصوت بعيد اوي

_معلش اصل انا بكلمك من الحمام
انا سمر من المنوفية

- اهلا بيكي يا سمر
سمر بتكلم النهادرة عن الاستهبال في الحب
انت ايه رأيك في الاستهبال عامة و خصوصا في الحب

_اسامة انا عاوزه اقولك في الاول ان انت احلى و اجمل اعلامي و صوت شفته في حياتي و انا بسجل كل الحلقات بتاعتك و بحبك اوووي يا اسامه

- ربنا يخليكي يا سمر ..

انا كنت بحب واحد نجار مسلح و بعدين كنت في يوم ماشية في الشارع لابسه بادي جميل و ديق موووت و بعدين واحد عاكسني فحبيبي شلحف

- مين ياسمر ؟؟

_شلحف هو اسمه شادي بس انا بدلعه شلحف
قام ضارب الواد اللي عاكسني بالعتله الحديد شاقق له دماغه
هو دلوقتي في السجن
و انا بحبه اوي يا اسامه و مش عارفه اعمل ايه
و اهلي بيضغطوا عليا مووووت مووووت عشان اتجوز واحد قد ابويا
اسامه انا مش عارفه اعمل ايه

- بصي يا سحر

- لا سمر

- اه سوري
بصي يا سمر
بنقابل ناس في حياتنا بنحبهم و بيحبونا و دايما كتير بنكون شبهمم و زيهم .. حتى الحب نفسه سعات بيحب انه يتكون على حبيب و حبيبه
و حبيبك بيحبك و ان شاء الله يطلع بالسلامة
بس تعرفي هو لو كان العتله الحديد مصنوعه من حديد عز اكبر مصنع في الشرق الاوسط و المصدر الرسمي لحديد الجدار العازل كان حبيبك زمانه مشنوق دلوقتي لان حديد عز يتميز بالصلابة و القوه و السيخ مظبوط و بالتمام ..

شكرا يا ساره على اتصالك و بهديلك اغنية السوبر ستار محمد فؤاد

يا مسجون في لومان طره
نفسي اكل معاك كوز دره




مستمعينا لسه بتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
او علي ايميل البرنامج
علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..



نص ساعة اعلانات



مستمعينا لسه بنتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
او علي ايميل البرنامج
علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..

اس ام اس كتيرررر جدا النهارده

هااي اسامه بحبك مووت... وبحب صوتك .. صوتك بيريحنى ولا احسن علبة دوا اسهال .. بجد وهدؤك بالكلام انا بحبه اوى موووت انا اتعرفت على واحد من ع النت وقابلته بس نفسى احسسه بمشاعرى اعمل ايه ارجو الرد يااحلى اعلامى واعذب صوت فى الكون..
__________________

هاى يااسامة ازيك يا جميل
البرنامج جميل جدا وانت كمان مواضيعك تحفة .. وعايزاك تقول لجابر انى بحبه جدا وميزعلش منى ابدا.. رغم كل اللي بيعمله و رغم انه قليل الادب و دايما بيعمل حاجات سوفاج بس بحبه
اصل انا منحرفه و بحب الانحراف ..
بحبك يا تامر
قصدي يا جابر
حبيبتك شاهيناز

__________________

هاى اسامه انا محمود من الاردن عاوزك تقول لهبه اننا مش هانفترق تاني ابدا ابداا
حتى لو فضلت تقرقض في ضوافر رجليها ببقها ..
__________________

هااي يا اسامه ازيك
يا اسامه عاوز الايميل بتاعك بجد في مواضيع مهمة أوي عندي عاوز الحل ليها .. معلش يا اسامه بليز و الله يا اسامه انا تعبانة موووت و انت الامل الوحيد ليا ..

__________________

هااي اسامه يا احلي و اجمل صوت في الدنيا
اسامه بليز ممكن حلقه عن الحب من طرف واحد اصل اخوك كهربائي سيارات ...
بحبك مووووت يا سوكا

__________________

هااي يا اسامه انت اجمل و احلي صوت في الكون كله
ارجوك يااسامه قول لحسن انه مهما دور على حد ممكن يحبه ويسامحه ويغفر له كل حاجه مش هيلاقى غيرى لانى بحبه بصدق ومش عاوزه منه اى حاجة
خالص.. و هتنازل عن تمن الموبايل اللي ضربوا مني في الشهر اللي فات و باعه و جاب بيه كوله عشان يشمها ..
_____________________
اسامه اسامه اسامه
ازيك يا جميل
على فكره يا عم انت شوفلك حل .. حبيبتى بتحبك
انا محمدين من دمياط .. بحبك قوى يا رضوى
________________________

هاااي يا اسامه ازيك عامل ايه
انا عارفه ان الحب مفهوش كرامه وهو الى خلانى بقيت كدة ازاى بعد كل دة هو اللى يبعد ويختار هو علمنى ازاى معرفش اعيش من غيرة ونسى يعلمنى لما يبعد هعيش ازاى ... بحبك يا بعجررر
__________________

هاااى اسامه انا فى عندى مشكله انا بحب واحده ومش عارف اصرحها خايف يكون الحب من طرف واحد
بحبك يا سندس ااوووي و نفسي اخد الرصيد اللي في موبايلك كله ..

__________________

هاااي اسامه ازيك
انا سنية من القاهرة
انا بحب واحد قد ابويا و مش عارفه اعمل ايه بحبه موووت مووووت يا اسامه عشان شعره الابيض الجميل و فجأة اكتشفت انه سمكري سيارات و ان البويه جت علي شعره
اسامه انا مش عارفه اعمل ايه انت املي الوحيد
__________________

هاااي ا س اس ازيك
انا عيوشه من شبرا و بحب واحد من الصعيد
و اتخانقنا بس لما سمع الحلقة بتاعت البرنامج اللي فاتت جاني تحت البلكونه من الصعيد مشي و قعد يعيط و انا بحبه خالص يا اسامه
بحبك يا صميده موووت موت


الوقت بيمر معاكم بسرعة وقت حلقتنا انتهى و حاتم فرحان مش عارف ليه
باين البنت بتاعت الدره حولت له رصيد تاني
كان معاكم اسامة منير علي نجوم اف ام مزيكا علي كيف كيفك
في........ انا و البطيخ و هواك من 12 لـ 2
بشكر كل اللي كلمنا و اللي بتعت ا س ام اس
مع انا و البطيخ و هواك استنوتا يوم الحد في نفس الميعاد قبل ساعتين من دلوقتي علي نجوم اف ام 100.6
مزيكا علي كيف كيفك

برعاية



ان تاتش
و ماكدونالدز
و مؤمن
و اريال و تايد
خديجه جمال مبارك
سوزان
و كنتاكي
و مصنع كوبايات ام سمير
و كراسة الاول
سلاح التلميذ
سوق الخضار في السبتيه
مصنع كريمات ام وائل
كوافير ام ابراهيم للسيدات و قسم خاص للمحجبات
مزرعة دواجن ام احمد لتسمين العجول
النادي الاهلي و الزمالك
اديداس و بوما و نايكي و لوتو و امبروو
اميجو كوتشي بيينور
امريكانا الجودة
لانشون حلواني الإخوان
منظمة التحرير الفلسطينية
مجلس الشعب
سمنة الهانم


اتمنى يكون البرنامج ده عاجبكم واتمنى اكون قدرت ارسم بسمة على شفاه كل.............. مش فاكر فيكم حد يلا باي

المصدر: †† ارثوذكس †† - من قسم: الضحك والفرفشة

[bolalover]

و حبيبك اللي ييجي في اوقات يعمل فيها عالم فلك و يقولك انا بقرا الكف
و يفضل يفعص في كف ايدك ولا كأنه شاف ايدين قبل كدا
و في الاخر تقوليله
انت بتستهبل ؟؟ حد يشوفنا
و انتوا اساسا قاعدين في الشارع

لا تعليق

[M!SS N@NO]

ههههههههههههههه
فعلا يا بولا
لا تعليق
هتشهر على ايدى يا بولا
مرة شحات المنتدى ومرة..................عالم فلك
ههههههههههههههه

[الناى الحزين]

المشاركة الأصلية كتبت بواسطة Hanan Sadeq و الشعور دا متولد و منبثق من الاحساس التواجدي الكوني في اللامركزية العصبية للقلب و دايما بتقابلنا مواقف كلها استهبال في الحب ياترى احنا بنعمل ايه و رد فعلنا بيكون ايه لما نقابل حد بيستهبل في الحب .. وخصوصا اننا جيل موبايلات و انتوا عارفين ان انا عندي 16سنة فحاسس بيكم و حاسس بمشاكل الجيل كلها ... مستمعينا الاستهبال في الحب حالة بتمر بكل المهاطيل و المهابيل من ابناء الجيل. و لو مستخدمناش عقلنا في الاستهبال بيقلب عباطه وممكن مغص كلوي - نص ساعة اعلانات .. انا و البطيخ و هواك برنامج للحب و عن الحب مع اوووووسامه منير الحب لحظات من الامل متولدة في وسط غابات الغضب البشري الجارف المتعارض مع احداث الحياة فالحياة بدون حب كالشجرة بدون موبايل .. _ انا كنت بحب واحد نجار مسلح و بعدين كنت في يوم ماشية في الشارع لابسه بادي جميل و ديق موووت و بعدين واحد عاكسني فحبيبي شلحف - مين ياسمر ؟؟ من ع النت وقابلته بس نفسى احسسه بمشاعرى اعمل ايه ارجو الرد يااحلى اعلامى واعذب صوت فى الكون.. هاى يااسامة ازيك يا جميل البرنامج جميل جدا وانت كمان مواضيعك تحفة .. وعايزاك تقول لجابر انى بحبه جدا وميزعلش منى ابدا.. رغم كل اللي بيعمله و رغم انه قليل الادب و دايما بيعمل حاجات سوفاج بس بحبه اصل انا منحرفه و بحب الانحراف .. بحبك يا تامر قصدي يا جابر حبيبتك شاهيناز

[/quote]

هاااي ا س اس ازيك
انا عيوشه من شبرا و بحب واحد من الصعيد
و اتخانقنا بس لما سمع الحلقة بتاعت البرنامج اللي فاتت جاني تحت البلكونه من الصعيد مشي و قعد يعيط و انا بحبه خالص يا اسامه
بحبك يا صميده موووت موت

[/quote]


















ايه يا بنتى ده

انتى متأكده ان ده برنامج اسامه منير

ده انتى شحورتى الراجل على الاخر وبهديلتيه هو وزباينته
يوووووووووو
اقصد معجبينه


وانتى يا بت بتسمعى البرامج دى

وانا اقول هى البنات بتوع اليومين دو عيارهم فلت ليه


روح يا أوس أوس انت وحتوما
منكم للى كلت دراع جوزها

[M!SS N@NO]

ههههههههههههههههههه
ماشى يا ناى
بس انت ايه اللى عجبك فى المقطع بتاع صميده ده بالذااااااااااات
اهاااااااااااااا سورى نسيت
بلدياتك بقا ياعم
بص هو زى مابولا علق على عالم الفلك وبتاع الكف
وانت على صميده
كل واحد هيخش الموضوع ده هيلاقى اللى يخصه
كل حاجه موجوده هنا
متروحوش بره

[M@@@NOOOO]

- يا اثامه اخد كل حاجة كل حاجة

- اححمم
حتى الموبايل

ههههههههههههههههههههههههه ه
ههههههههههههههههه
بجد انا فطسان وهفضل فطسان لحد بكره الصبح
بجد احلى حلقه سمعتها للواد اثامه بجد حلقه كانت جميله موت موت موت موت
هههههههههههههههه
ميرثى ليكى اوى ياحنا على الحلقه الجامده دى
ومستنين تسجللى ياقى الحلقات
ههههههههههههه

[M!SS N@NO]

ههههههههههههههههه
ايه يا مانو ؟؟؟؟؟؟؟؟؟؟؟؟؟؟
طب الواد بولا وعلق على قرايه الكف عشان لقا فيها نفسه
والناى علق على الصعايده عشان هو صعيدى
طب انت علقت على الحته دى ليه؟؟؟؟؟؟؟؟؟؟؟؟
هببت ايه يا منيل الله يحرقك
هههههههههههههههههه
أخدت موبايل ميييييييين؟

[نيرو12]

مع انى بحب اسامه ومش بحب حد يتريق عليه
بس مقبوله منك ياحنان
ماشى ياستى

[b o b b a]

ههههههههههههههههههههههههه ههههههههههههههه
اخد الموبايل واللي يتاخد منه موبايله كانه فرط في مناخيره
ههههههههههههههههههههههههه ههههه

[M!SS N@NO]

هههههههههههههههههههههههه
ميرسى ليكى يا نيرو
ومتزعليش بقا
هههههههههههههههههه
يخربيت ردك يا بوبا
فطسنى من الضحك
هههههههههههههههههه
ميرسى على مروركم الجميل اللى بجد أسعدنى