[Malak sokar]

ربنا موجود

[emmmy]

ياااريت رجاااء محبة اللى يعرف اى اقتراح حلو
بالاضافة لحساب المنتدى الموجود يقولة يا جماعة
يعنى الارسال على حساب البنك دة مش سهل لبعض الناس
لان ممكن جدا واحد ينكسف يدخل بنك علشان يبعت 15 او 20 جنية
وصدقونى انا واحدة من الناس لولا ان الموضوع سهل بالنسبة لى واقدر اوصل العطية يدا بيد مكنتش هعرف اعمل حاجة وموضوع البنك وحساب البنك دة مش سهل بالنسبة لى فأكيد مش هيبقى سهل لبعض الناس بردوا
انا عاوزة اقتراح او طريقة تانية مع طريقة الحساب للناس اللى مينسبهاش فكرة حساب البنك
ممكن حد يساعد بفكرة سهلة وبسيطة ؟؟؟؟؟

[zaza2006]

وانا معاكى يا ايمى ياريت لو حد عنده فكرة تانى
لان موضوع البنك صعب فعلا على ناس كتير

[ofa2011]

سلام ونعمة يا اخوتى الاحباء ف المسيح ربنا قادر يتدخل ويحل المشكلة دى ويحافظ على هذا الصرح العظيم الشامخ وطبعآ متاكدين بدون ادنى شك ان كل الاشياء تعمل معآ للخير لمجد اسمه القدوس وان ربنا مش ممكن يتخلى عن هذه الوسيلة المهمة جدآ من وسائل الخدمة التى تساهم بقدر كبير فى نشر ملكوته على الارض وفى جذب النفوس البعيدة وتواصل القريبة ايضآ
متقلقوش ربنا مش هيعمل غير كل مافيه خير

[شنوده جرجس]

ياجماعة أنا عندى إقتراح كويس جداً وبأعتبره الحل الأمثل

أنا من الأسكندرية وأى أخ أو أخت مش قادر أو محرج يتعامل مع البنك لضآلة المبلغ .. ممكن يحدد معايا ميعاد أو يرسل لى رقم هاتفه المحمول فى رسالة خاصة ومتخافوش أرقام هواتفكم فى الحفظ والصون وفى أياد أمينة لكى نحدد زمان ومكان المقابلة ( أعنى فى أى كنيسة ) أنا أروح أقابلة وأرسل أى مبلغ أحصل عليه لأخونا هيما عن طريق البنك ويبقى أخذت بركة هذه الخدمة . وياريت كل الأعضاء الذين يريدون المشاركة المادية فى المحافظات الأخرى يعملوا كده ويبقى أى مبالغ تجمع شهرياً بهذه الطريقة واللى هيروح البنك هيبقى مش محرج لأنه أكيد هيبقى معاه مبلغ مش أقل من 100 جنيه وحتى لو جمع 50 جنيه فقط مش عيب ولا إحراج أنه يحولها لهيما عن طريق البنك .. وأرجو أن كل واحد يتبرع على قدر إستطاعته أقصد ممكن واحد يبعت 10 جنيه وواحد آخر 20 وممكن واحد أكثر وأنا عن نفسى سأتبرع شهرياً بمبلغ 25 جنيه . ومعتقدش أن فيه واحد ميقدرش يتبرع على الأقل ب 10 جنيه كل شهر .

ملحوظة هامة : المقابلات فى جميع المحافظات لإستقبال التبرعات الخاصة بالمنتدى تتم داخل الكنائس فقط خاصة مع أخوتنا البنات وليس فى أى مكان آخر من الأماكن العامة حفاظاً على سمعتهم وشعورهم .

لأنه من المستحيل تجمع كل الأعضاء فى البدرشين فقط . فإذا أراد أحد من الأسكندرية الإتصال بى يأخذ أرقام هاتفى من أخونا الحبيب ماروجرافيك أو من أخى الحبيب الأستاذ / أيمن أو منى شخصياً عن طريق الرسائل الخاصة . وبعد تحديد أى موعد معى اللى عاوزنى هيعرفنى على طول لأنى سأعلق على صدرى ورقة فى حجم الكارت مكتوب عليها كلمة ( أرثوذكس ) وأنا تحت أمركم جميعاً ومنتظر مبادرتكم . وربنا يعمل كل ما فيه الخير . بس رجاء محبة منكم سرعة المبادرة والرب يعوض تعب محبتكم .

[ماروجيرافك]

هو الحل الي حضرتك بتقوله يا استاذ شنودة يعتبر هو الأمثل
وبجد احنا بس مستنين نوصل لاخر خطوة وبعد كده هنشوف افضل حل نقدر نجمع بي التبرعات
ربنا يرتب

[شنوده جرجس]

أخى الحبيب مارو .. سلام ونعمة

أنا كنت أتمنى الكل يشارك فى هذا الموضوع وللأسف مر على كتابة هذا الموضوع

أكثر من 24 ساعة ولم يجاوبنى أحد المفروض انتم كإدارة بتعملوا اللى ربنا يقدركم علية

وإحنا لينا دور آخرنقوم بيه يعنى نشتغل من الناحية التانية وفى الآخر النتيجة تصب لصالح

المنتدى عموماً منتظر تعاونهم بالمشاركة الفعالة

المهم أشكر ربنا لأن الفلاشة اللى عندك شغالة وظهرت الحمد لله

ههههههههههه