[mony822]

+ يروى أحد الآباء عن معجزة حدثت فى الأربيعينات من هذا القرن عن لسان الأب المسؤل عن العزباوية فى ذلك الوقت هذه المعجزة حدثت لسيدة يونانية حضرت لأبونا فى العزباوية وكانت تبكى بحزن شديد وحرقة قلب لمدة 12 يوم متوالية كانت كل يوم تبكى امام الايقونة لمدة طويلة ( حوالى نصف ساعة ) وبعد ذلك تعطى أبونا ريال ليضعه فى الصندوق لعمل تمجيد للعذراء العزباوية وكان أبونا يتعجب من أمر هذه السيدة والحاحها وحزنها الشديد فسألها عن سبب ذلك فأجابتة قائلة ابنى فى الجيش الانجليزى وارسلوه الى لبنان وكان دائماً يرسل لى لأطمان على اخباره وفى آخر خطاب له كتب لى أنه مريض جداً وبعد هذا إنقطعت خطاباته وأنا خايفه يكون مات وعايزه الست العزباوية ترجعه لى سليم .:36_1_41:
+ وفى اليوم الثالث عشر يقول أبونا أنى فتحت الباب كالعادة فى الصباح الباكر ووجدت السيدة أول الداخلين وعندما رأتنى صاحت بفرح أبونا أبونا أنا عايزه تمجيد النهاردة بجنيه ( وقتها كان الجنيه له قيمة كبيرة جداً ) فأراد أبونا أن يستفسر عن سر هذه الفرحة فاجابت السيدة : أخيراً وصلنى خطاب من ابنى وبدات تترجم له الخطاب المكتوب باليونانية : يقول الابن لوالدته بعد التحيات والسلام كنت مريضاً جداً وملازماً للفراش والست اللى بعتيها لى بزجاجة الدواء هى سبب شفائى لأنها قالت لى والدتك ارسلتنى اليك وسألتها بعد ذلك عن أسمها فقالت لى أنا أسمى العزباوية وبنفس اللهجة اليونانية وردد قائلاً "الست اللى اسمها العزباوية " اللى انتى بعتيها هى التى شفتنى وكانت أول مرة يسمع بإسم العزباوية فلم يكن يعرفها وهكذا استجابت الست العزباوية لصلاة ودموع وتماجيد هذه السيدة ووصلت إلى إبنها فى لبنان ووهبته الشفاء .

+ بركة شفاعتها تكون معنا اجمعين آمين +
:embarrassed:

المصدر: †† ارثوذكس †† - من قسم: معجزات القديسين والقديسات

[Team Work®]

+ بركة شفاعتها تكون معنا اجمعين آمين +

[sawsaw]

بركه شفاعه امنا العدرا تكون معانا كلنا
وتحفظنى من كل شر
وتشفى امراض نفوسنا
امين

[مينا موحد القطرين]

يعنى اية انا مش فاهم يعنى العذراء فى اليونان اسمها العزباوية ولااية وضح لى من فضلك

[جورج أنور جورجي]

العزباوية دى كنيسة بجوار البطرخانة القديمة وسميت العذراء العزباوية لأن ده المكان اللى فيه الكنيسة
شفاعتها تكون معانا وتشفى كل الأمراض

[ايفون ميخائيل]

نطلب شفاعة ام النور فى طهارة قلوبنا فى هذا الصيام المقدس

[أميرة عبده]

الله ايه الحلاوه والجمال ده معجزه حلوه اوى وشكرا خالص ليك يا مونى يارب تجيب لنا حجات حلوة كده علطول بركة ماما العدرا معاك وتفرح قلبك

[elphilasouf]

اهااااااااا
ميرسي ع الموضوع مونى
وميرسي استاذ جورج للتوضيح

[كيرو رافت]

ميرسى بجد يا مونى على المعجزة اللذيذه دى ودا طبعا موش غريب على امنا كلنا لانها موش بتسيب اولادها فى محنه ابداااااااااااا
بركه شفاعه كليه الطهر والنقاوة تكون معانا جميعا

[شمعة]

بركة صلوات ام النور معانا كلنا
هى اجمل واحن ام علينا
ربنا يعوض تعب محبتك