[elphilasouf]

ان حياه بلا هدف هى حياه بلا معنى
وان مكنش للانسان هدف فى حياته يبقى من الافضل ان ميكنش ليه حياه من الاصل

وسط الزحمه الى حواليك وسط الناس الكتير دي والمشاغل الى انت فيها ، هل فكرت مره وسالت نفسك انت ليك هدف ولا لأ... ؟!
وهل حاولت تنفذه ولا لأ ....؟!
انت حاسس انك زهقان ، تعبت من روتين الحياه اليومى ، حاسس بملل ، حاسس انك فاشل ... ؟!
يبقى اعرف ع طول انك مش محدد ليك هدف ف حياتك وانك ماشيها بالبركه ..!!

مهما كان ردك هقولك انت بقالك كتير مقعدتش مع نفسك ، ومحددتش اهدافك ايه من حياتك
الموضوع بسيط وسهل
اول حاجه روح ادخل اوضتك واقفل الباب عليك وهات ورقه وقلم - احتمال متلاقيش فى اوضتك قلم روح هات من بره -
المهم هات ورقه وقلك واقعد فى هدوء لمده دقايق وجاوب ع الاسئله دي

1- هدفك فى حياتك ايه ؟
المفروض ان الانسان المسيحى يكون ليه هدف اساسي
واهداف تانيه ثانويه
الهدف الاساسي هو ربنا
والاهداف الثانويه دي كتيره اوي ودي انت الى تحددها زي مثلا خدمته نجاحك فى شغلك او درستك او منتدالك او مجتمعك او او ..الخ
ودي فعلا اصعب نقطه اوسؤال فى الموضوع كله وانا هسعدك فيها اهوه

يعنى دلوقتى حدد هدفك الاساسي واهدافك الثانويه
الاساسي : ربـــــــــنــــــــــا وازاي توصل للـســـما
الثـانويـه : ده انت الى تحطها لانها خاصه بيك انت

2- ازاي تحقق هدفك؟ وايه المشاكل الى ممكن تمنعك ؟
بعد تحديد هدفك مهما كان رئيسي او ثانوي المفروض تفكر هتحققه ازاي وايه المشاكل الى ممكن توجهك او الى وجهتك
تحدد المشاكل كلها فى ورقه بانتظام

3 -التفكير فى الحلول
بعد تحديد المشاكل هتلاقى نفسك بتحاول تحط حلول لمشاكلك
واحتمال حلولك تفشل جرب تانى وفكر تانى واستفيد من غلطاتك واتعلم منها

+تطبيق عملى+
عشان اساعدكوا فى فهم موضوعى
هنجيب مثلا هدف بسيط اوي
انا من اهدافى الثانويه فى الحياه مثلا انى انشط القسم الى ماسك اشرافه

يعنى انا كده حددت هدفى
الهدف : تنشيط القسم العلمى والثقافى

طيب الخطوه التانيه وهى المشاكل او المعوقات
القسم مش نشيط عشان
المشاكل :
1- اممممم مفيش زوار كتير بتدخله وبترد فيه
2- امممممممم الموضوعات تقيله جبتين ودمها تقيل
3- امممممم موضوعات كتير ممله ومش هتفيد الاعضاء وهما مش مهتمين بيها

الخطوه التالته
التفكير فى الحلول للمشاكل
1- اممممم مفيش زوار كتير بتدخله وبترد فيه
1- محاول عمل اعلانات او موضوعات جديده تخلى فى زوار جداد او اكتر للقسم.
2- امممممممم الموضوعات تقيله جبتين ودمها تقيل
2-هحاول اكتب وانقل موضوعات بشكل ظريف او خفيف عشان اجذب عيون الاعضاء
3- امممممم موضوعات كتير ممله ومش هتفيد الاعضاء وهما مش مهتمين بيها

3-هحاول انصح الاعضاء بازاي يكون موضوعهم مميز واحاول اجيب الحاجات الى ممكن يكون الاعضاء محتاجين يعرفهوها

وفرضنا مثلا ان الحلول دي اتنفزت لكن لسا مكنش فى تغير كتير
هقولك عادي جدا
استمر وحاول تعرف مشاكل جديده وتحلها
وكل ماكانت المشاكل الى قدرت توصلها اكتر والحلول اكتر واحسن يبقى انت بتقرب اسرع
وكل ماكتير عدد مرات فشلك كل ماكان الحل قريب

نفسي حد يكون فهمنى يا فلل - جمع فله-...

المصدر: †† ارثوذكس †† - من قسم: قسم المناقشات الثقافيه والعلميه

[zaza2006]

انا الموضوع عاجبنى جدا بامانة يا فيلو والكلام بسيط وسهل ازاى مش هنفهمك يا قلة قصدى يا فلة
فعلا لازم يكون لينا هدف ونشوف ايه معوقات تحديد الهدف ده ونحلها ميرسسسسسسسسسسسسى بجد على الموضوع المفيد ده

[elphilasouf]

هيييييييييييييييه ازغرط طيب الحمدلله
يللى ع الاوضه بقى اقعدي مع نفسك حبتين
هتتطلعى احسن كتير
وسيبى القله متخديهاش معاكى

[عماد حسنى]

كلامك جميل يا فيلو ومنطقى جدا جدا
بس عارف ايه هى المشكله
كل اللى انت قولته رائع وجميل اوى اوى ويمكن يكون صعب او سهل بس كويس خالص
بس الاهم ان الواحد فعلا يكون من جواه عايز يقعد مع نفسه
المشكله ان الواحد ساعات كتيره اوى اوى بيهرب من القعده دى
لكن ان قدر يقعد يبقى بدايه كويسه اوى لتنفيذ كلامك بالحرف وهتكون النتايج اكيد لصالحه
شكرا يا جميل على الموضوع الرائع ده

[eng_fofa]

يعنى انا ادخل الاوضه ازاى دلوقتى واسيب المنتدى
كده انت بتطفش الاعضاء يافيلو
هههههههههههه
لا بجد موضوعك جميل ومفيد هو الكلام سهل بس التنفيذ صعب حبيتين
لان متنساش لما الواحد بيقعد مع نفسه بيسرح وبيفكر فى مواضيع غير اللى حابس نفسه فى الاوضه علشانها
ميرسى ليك يافله

[kamer14]

ميرسى يافيلو بجد لموضوعك طول عمرك مخك فلة وربنا يعوض تعب محبتك

[Malak sokar]

انا بقي مش هقعد مع نفسي لاني اساسا قاعدةلوحدي
المهم
طبعا موضوعوك جميل ودة مش جديد عليك ياعبقرينو
طبعا الهدف الاساسي لاي انسان مسيحي هو السما انة يوصل للسما لرب المجد
كمان انة يعيش علي الارض كمسيحي حقيقي من خلال افعالة مش
يبقي مسيحي بالاسم لازم يبقي الهدف الاسمي لة هي المحبة
قبول الناس لان ربنا قبل الخطاة كمان ميجرحش حد وياخد بالة من مشاعر
الاخرين قدر المستطاع ويحاول يكسبهم

طبعا في اهداف ثانية
زي الاسرة ورعايتها
زي الخدمة وانا بكرة هدفي بقي افرح العيال في مدارس الاحد
لاننا عمين يوم لعب
هههههه
طبعا في اهداف تانية زي الشغل وتحقيق الزات
وطبعا بيختلف ترتيب الاهداف تبعا لاهميتها لكل انسان
بس طبعا لكل انسان مسيحي بيكون اله
ف الاول هو السما
ربنا يباركك ياعبقرينو وارجوك ازكرني في صلاتك

[MICKEY]

بصراحه يافيلو اجمل حاجه عجبتني في الموضوع كله كله كله

هي الصورة دي

[ELMAGEK]

مرسى طبعا يا فيلو على الموضوع لاكن
انا معتقدش انى لو عملت كدة هخرج من الزهق
والخنقة الى الواحد فيها يمكن يكون الى بتقولة صح
لاكن انا من رئى اننا محتاجين تغير جزرى فى الحياة
بمعنى تغير كل شئ الروتين الاشخاص الى معاهم كل يوم
الاماكن الى بتروحها وساعات الاصدقاء
الزهق والملل مش انك تكون عايش فية لا
ان تكون عارف ان بكرة هيبقى زى النهاردة وبعدة
هيبقى زى بعدة وبعدة وبعدة
مرسى يا فيلو بجد موضوع جميل وكويس انا كنت فاكر ان
انا لوحدى الى كدة شكرا يا باشا

[elphilasouf]

المشاركة الأصلية كتبت بواسطة عماد حسنى كلامك جميل يا فيلو ومنطقى جدا جدا بس عارف ايه هى المشكله كل اللى انت قولته رائع وجميل اوى اوى ويمكن يكون صعب او سهل بس كويس خالص بس الاهم ان الواحد فعلا يكون من جواه عايز يقعد مع نفسه المشكله ان الواحد ساعات كتيره اوى اوى بيهرب من القعده دى لكن ان قدر يقعد يبقى بدايه كويسه اوى لتنفيذ كلامك بالحرف وهتكون النتايج اكيد لصالحه شكرا يا جميل على الموضوع الرائع ده

اكيد لازم يكون انت عاوز تتغير لانك مش هتقعد مع نفسك الا وانت متشتت ومش عارف هدفك وتقعد عشان تحدده
ميرسي يا عمده لمرورك