مفلس وحالتى حالة عليا ديون للنور والجزمجى والبقالة
باجى الشارع ومخبى وشى بعباية ولما حد يسالنى اقولو انا امو محمد الداية
يخربيت الفلوس والى بيطبعوها مبتتقسمش ولا بيعرفو لمين يدوها
اعمل اية وقلبى بيقول اهات هخش السجن وكاتب على نفس شيكات
كل ما اروح خروجة واجى اطلع من جيبى فلوس
جيبى يقولى مدخلهاش هتطلع فاضية يا موكوس
يا بشر يا عالم يا هو انا جيبى عندو ازمة ارجوكو حلوة
انا مش بقلد بولا ولا بقيت شحات انا مديون وعليا فلوس وكمبيلات
روحت لعمى عشان يشيل همى قالى تعالى يا ابنى دا انتا فى روحى ودمى
قالك هشغلك شغلانة تحل كل الازمات قالى هنط على الفلل وهنبقى من البهوات
رفضت وضميرى مسمحنيش قولت الحكومة هتجرى ورايا ومتسبنيش
قولتلو لا وانا مرفوع الراس قالى هترجع تانى ومن الناس هتداس
قولتلو لا متقلقش يا حرامى انا هروح اكلمهم وعلى الله همى هبقى رامى
روحت كلمت البقال قولتلو يا عم حسين لسة مكملتش مسك القميص وقالى فلوسى فين
روحت للست سكينة الجارة والى هى اصلا صاحبة العمارة
قالتلى انا ليا عندك متين دولار هتجبهم ولا ابلغ عنك الحكمدار
والية قربت من التسعين انا عارف عذرائيل غايب عنها فين
روحت لباقى الناس الى انا مديونلهم قالولى يا روح ستك ومخلصتش من بقهم
قولت لا بقى كفايا ضمير انا هوقفو تماما عن التضمير
كفاية فقر وزل ومهانة كفاية قرف وخنقة وديانة روحت
لعمى الحرامى وقولتلو انا معاك يا معلم
قالى واحدة واحدة وبالزوق بالعافية هتتعلم
طلعت معاه الطلعة الكبيرة وفتحنا خزن ومحلات كتيرة
جريت البلية وكترت الدولارات قولت لازم انتقم واخرج الاهات
رجعت الشارع وروحت لعم حسين قال اتفضل يا فادى يا حبيب العين
قولتلو انا مديونلك بكام يا تيت قالى عيب يا باشا دا انتا مظبطنا اخر تظبيط
قولتلو يا راجل يا ضلالى دا انتا مكنتش بتعتقنى فى حالى
رميتلو فى وشو الخمسين جنية وقولت خلاص يا ابو الفدا بقيت بية هه
وروحت للست سكينة الكركوبة قامت وقفت ولابسة شبشب زنوبة
ضربتلى تعظيم سلام ولا اكنى فى احدى الافلام
اديتها الفلوس وقولتلها مفيش احساس وهتفضلى قرن ورا قرن تاذى فى الناس
روحت لباقى الناس بتوع الديانة قالولى يا باشا دى فلوسنا عندك تزيد بامانة
قولتلهم اة يا شوية اوباش يا الى بتبيعو نفسكو ببلاش
سدد كل ديونى وبقيت مرتاح البال غيبت ضميرى وبقى مش شغال
وقولت اة يا بلد فيكى الضمير نايم وكل ظالم وطماع هو الى قايم
كنت فقير بضمير كبير دلوقتى حرامى ونصاب وحقير
عشان مكنتش عارف اعيش فيكى ولا فلوسك كانت يوم ليكى
احنا ابناء الطبقة المتوسطة الفقيرة والى خليتنا نبوص للناس العالية بغيرة
دنيا بتدى للهبيش وياعينى علينا يا حرافيش
نشقى عشان حبة ملاطيش ميكفوش العيش والشاى
خلصت كل ديونى وخرجت من الحارة لاقيت باب الكنيسة مفتوح بطهارة
خوفت تخطى رجليا وانا خاطى لاقيت ابونا جاى روحت قدامو مطاطى
قالى يا ابنى مالك فية اية حكتلة ازاى الفقير بقى بية
قالى يا ابنى انتا صحيح سدد كل ديونك وبان عليك الثراء
بس واضح يا فادى انك نسيت الله السماء
خرجت من الكنيسة لاقيت البوليس وقالولى بتريقة سلم نفسك يا قديس
اتقبض عليا وحكم عليا بالاعدام عشان سرقت وفى يوم قتلت ودا نوع من الاجرام
بكيت فى زنزانة سودا بكيت وطلبت قبل موتى التوبة
لاقيت نور ابيض جاى عليا ماشى راح مسك الصليب وضربنى على راسى
فوقت وقومت لاقيت نفسى نايم بحلم وبفتح عينى
قولت اشكرك يارب ومن فقرى كمان ادينى
نزلت الحارة وانا فرحان لاقيتة واقف ابويا سمعان
دفعلى كل ديونى وسددهالى وقالى ربك فرجها وبقيت خالى
وقالى كلمة جميلة عمرى ما انساها
قالى يا ابنى روحربنا معاك ومن تجارب الشيطان خلاص حماك
قولت يارب المر الذى تختارة لى افضل من الشهد الذى اختارة لنفسى