[keroo82]

بعد ماكنت ساكت و فى حالي
و واخد بالي من شغلي و أعمالي
قلت اروح الكـنيسة و أريح اعصابي
و بالمرة اشوف اصــحابي
كان استقبالهم لي مســكر
علشان زاد عليهـم الســكر
فأغم عليهم و دول الاكتــر
و اللي فضل قال من غير ما يفكر
انت تاني ياكركر…………

لاحظت في الكنيسة شئ غريب و مريب
حاجة مش حلوة خالص و كمان شكلها عيب
بعض البنات لابسين لبس عجيب
قاعدين بيضحكوا بصوت عالي و رهيب
لقيت ان لبس بعضهم ابداً مش لبس اقباط
ده حاجة تانية خالص.. ده لبس اكروبات
برمودة شكلة بايخ رجليه ما كملتش
و بادي لونه فاقع كمامه ما خلصتش
و كله ضيق جداً و شكله مش لطيف
و قماشه مش غالي اكمنه شفاف و خفيف
يا اخواتي منظرنا بايخ فين السلوك المسيحي
الناس هاتبص و تسأل لبسهم ليه ارديحي
و اللي يعاكس بكلمة و تكون رزلة و سم
تخلي الاعصاب تتشد و كمان تحرق الدم
لا يا أخوتي ده لا يليق
ببنت مسيحية ماشية في الطريق
البنت المسيحية نموذج في كل شئ
أدب و طهارة و عفة و ماتعملش شئ مسئ
لبسها المحترم هو مسيحيتها و كلام الرب هو حياتها
ياريت نرجع لقيمنا و دينا و كل القديم اللي اترما
عشان يشوفوا اعمالنا و يمجدوا ابونا اللي في السما
سامحوني ان كنت زودتها و اترازلت عليكم
يمكن عشان كدة اول ما دخلت اغم عليهم؟؟؟!!!
أهو اديني بفكر ……………مع تجياتى كركر

المصدر: †† ارثوذكس †† - من قسم: القسم الادبي

[Team Work®]

ربنا يفرح قلبك

[شمعة]

ربنا يرحمنا ويرجع كل البعيد عن حبة
ممرسى جدااا على خوفك على اخواتك

[كيرو رافت]

بعض البنات لابسين لبس عجيب
قاعدين بيضحكوا بصوت عالي و رهيب
لقيت ان لبس بعضهم ابداً مش لبس اقباط
ده حاجة تانية خالص.. ده لبس اكروبات
برمودة شكلة بايخ رجليه ما كملتش
و بادي لونه فاقع كمامه ما خلصتش
و كله ضيق جداً و شكله مش لطيف

الموضوع ده تكمله لمشوار رائع انت بدأته يا كركر
من اول كباريه
وموش عايزك تخلص بجد يا ريت كل شئ يرجع زى زمان
الهيبه والوقار والحشمه
وبجد موش هانبقى موضه قديمه ولا حاجة
فيه بنات كتير بتلبس لبس بسيط موش غالى
لكن بيحمل كل المعانى فى الحشمه وجمال الزينه المسيحيه
ربنا يخليك يا احلى كيرو فى الدنيا
ويخليك لمنتدانا الجميل
ويا ريت الغيرة تبقى موجودة عند الكل
ساعتها بجد هانكون افضل فى عيون الكل
وفى عيون نفسنا

[zaza2006]

ميرسى ليك ربنا يعوضك

[keroo82]

المشاركة الأصلية كتبت بواسطة team work® ربنا يفرح قلبك

ميرسى لمرورك يا هيما
ربنا يبارك خدمتك

[keroo82]

المشاركة الأصلية كتبت بواسطة شمعة ربنا يرحمنا ويرجع كل البعيد عن حبة ممرسى جدااا على خوفك على اخواتك

ميرسى ليكى يا شمعة على مرورك
ربنا يبارك حياتك

[keroo82]

المشاركة الأصلية كتبت بواسطة كيرو رافت بعض البنات لابسين لبس عجيب قاعدين بيضحكوا بصوت عالي و رهيب لقيت ان لبس بعضهم ابداً مش لبس اقباط ده حاجة تانية خالص.. ده لبس اكروبات برمودة شكلة بايخ رجليه ما كملتش و بادي لونه فاقع كمامه ما خلصتش و كله ضيق جداً و شكله مش لطيف الموضوع ده تكمله لمشوار رائع انت بدأته يا كركر من اول كباريه وموش عايزك تخلص بجد يا ريت كل شئ يرجع زى زمان الهيبه والوقار والحشمه وبجد موش هانبقى موضه قديمه ولا حاجة فيه بنات كتير بتلبس لبس بسيط موش غالى لكن بيحمل كل المعانى فى الحشمه وجمال الزينه المسيحيه ربنا يخليك يا احلى كيرو فى الدنيا ويخليك لمنتدانا الجميل ويا ريت الغيرة تبقى موجودة عند الكل ساعتها بجد هانكون افضل فى عيون الكل وفى عيون نفسنا

ميرسى لمرورك وردك الجميل يا كيرووو يا غالى
ربنا يباركك ويفرح قلبك

[MICKEY]

موضوع جميل جدا جدا ياكيرو
وهاتف كتير
وفي كتير من العبر
لكن ليا ملحوظة صغيرة
لو البنات كلها اتحشمت
يبقي انا انزل امشي في الشارع اعمل ايه
يبقي اقعد في بيتنا احسن


نياهاهاهاهاهااهاهاه

( بصراحه بنزل ابص واطلع ههههههههههه )



ربنا يحفظنا كلنا ونرفع رايه المسيح كمان وكمان بسلوكياتنا
ربنا يباركك كيرو

[ميلاد صدقى]

لقيت ان لبس بعضهم ابداً مش لبس اقباط
ده حاجة تانية خالص.. ده لبس اكروبات

موضوع حساس يا كيرو
و خد وقت كتير و كمان مفيش رجوع
و مش ها يبتدوا من الزيرو
لسة الجاى اخطر
ياريت نملى الكنيسة عليهم شموع
بس اقولك من فات قديمة تاة
مش عارف دة موضة ولا لسة هما فى الروضة
استخبى يا كيرو