بقلـــم : مايكـــل سامـــي
صحيت من النوم علي التليفون كان عمال يرن يرنده مش ميزد ولا حتي كول ده المنبه كان بيزن
-----
طفيته وجريت اغسل وشي .. لقيت الميه مقطوعه
قولت افطر عقبال ماتيجي .. اتاري امي علي الطابونه ملطوعه
-----
قولت اتسلي واكوي لبسي لحد ماتيجي حاجه من الاتنين
حطيت الفيشة بتاعت الماكوه ، وقطعت الكهرباء بعد دقيقتين
-----
لبست ومشيت وانا بقول يلعن تيت تيت تيت تيت
لبسي مبهدل ، وشي معمص ، وشكلي زي العفاريت
-----
دخلت المكتب والكل باصصلي ، مانا شكلي زي الهاربيين
قميص مكسر وش مكشر شعري واقف زي المجانين
-----
قولت ياواد متاخدش في بالك شوية والوضع يروق
سيبك منهم وشوف حالك ، ناس تعبانه وعاوزة تفوق
-----
بشغل الكمبيوتر ملقتش الويندوز ، دمي فار زي الحريق
لقيت مديري بيقولي شاطر .. انت متحول للتحقيق
-----
لبسي مكسر ، وشي مكشر ، ناس بصالي ويندوز محروق
مديري بيزعق وعمال يهزق ويقولي دي شركة مبتقش سوق
-----
جالي مكالمة في نص اليوم من شركة محتاجه لغات
قولت الدنيا هتضحك تاني وياواد انسي اللي فات
-----
زميلي بيقولي شكلك مبسوط متفرحني ياعم معاك
وايه يعني حرقت الويندوز سيبك منه ياعم فداك
-----
قولتله مهما عملت ياصاحبي انسى انسى انا مش هقول
بطل خبث وحيلة ومكر ده انا واد صاحي مش واكل فول
-----
لو عاوزين يحققوا معايا انا مستعد اسيبلهم مكاني
ده انا الف شركة مقدم فيها وكل الشركات تتمناني
-----
عدت ساعه بعد المكالمة ، رحت لقيت مكالمة كمان نفس الرقم نفس الراجل ، دي حاجه ولا في الاحلام
-----
لقيت بيقولي معلش يامايكل ده تشابه كان في الأسماء
مش انت اللي مطلوب ده واحد تاني بس سكرتيري جاله غباء
-----
لبسي مكسر وشي مكشر ناس بصالي بكل غباء
مدير بيزعق عمال يهزء وتشابه كان في الاسماء
-----
خلص اليوم ، ركبت تاكسي ، وقولتله علي البيت علي طول
مديري رفدني ودموعي علي خدي وبنطلوني كان مبلول
----
السواق كان ماشي بسرعه ، فرامله سابت مانا منحوس
موت خمسة بسبب السرعه ، وياعيني دلوقتي محبوس
-----
انا اغمي عليا من اللي شفته ، ماهو يوم خلاني مدبوح
لقيت واحده بتقولي اصحي لحسن ميعاد شغلك هيروح
-----
اتارييني كنت نايم بحلم ، وصحيت منه اعصابي مفزوعه
خايف ادخل اغسل وشي الاقيها فعلا مقطوعه 
مشاهدة صفحة طباعة الموضوع
أرسل هذا الموضوع إلى صديق
احداث 24 ساعه
المواضيع المتشابهه
العرض المتطور
