[miso]

اعترفتله بحبى ورفضه
قالى لسة فى حب مالك قلبى
اعتذرت ليه واعتذرت لنفسى
قولت هسافر وابعد وانساه
بدل قربى ليه متعذبه بهواه
سالنى سفرك هروب منى
مقتدرتش اجاوب وجاوب دمعى
كدبت وقولت كدة اريح ليا وليك
مش عايزة اشوف حيرة فعنيك
اخدت شنطتى وقولتله سلام
لقيته بلهفة مسك ايدى اوام
قالى ارجوكى استنى متمشيش
انا بعانى من جرح فقلبى متنسيش
خليكى جنبى واستحملينى
قلبى مش معايا صدقينى
لقتنى فجاة غيرت قرارى
وضميته اوووى بين احضانى
قولتله هستناك مهما طال عمرى
حتى لو بقيت لغيرى ومش جنبى
منا حتى لو سافرت قلبى هنا معاك
وكفايا عليا عينيا شيفاك
هستنى احساسك يرسم كلمة حبيبتى
حتى لو كان قرارك فالنهاية
ترجع ليها وتختار بعدى
بقلم ميسووو
قوليلى رايكم لحسن مش عجبانى الصراحة
بينى وبينكم كنت هرمى الورقة اللى كتبت فيها
بس اللى شافتها قالتلى حلوة وانا بقتنع برايها عايزة اشوف رايكم انتم
ارمى الورقة ولا اخليها

المصدر: †† ارثوذكس †† - من قسم: القسم الادبي

[عماد حسنى]

حلوه جدا جدا يا ميسو
رائعه كمان واسمعى رأى الانسه اللى شافتها لانها بتفهم جدا جدا فى الشعر اكيد
شكرا يا فندم على الموضوع

[miso]

هههههههههههههههه هى من ناحية بتفهم فهى بتفهم
ميرسى يا عماد على الرد الجميل ده

[nermos1982]

لقتنى فجاة غيرت قرارى
وضميته اوووى بين احضانى
قولتله هستناك مهما طال عمرى
حتى لو بقيت لغيرى ومش جنبى
منا حتى لو سافرت قلبى هنا معاك
وكفايا عليا عينيا شيفاك
هستنى احساسك يرسم كلمة حبيبتى
حتى لو كان قرارك فالنهاية
ترجع ليها وتختار بعدى

كلمات بجد رائعة يا ميسو .حلوة اوى يابت
ربنا يفرح قلبك يارب ويكون معاكى دايما . وياللا بقى الشاى برد ههههههههههههههههه

[miso]

ههههههههههههههههههههههههه هههههههههههههههههههههه الله يخربيت فقرك ضحكتينى بجد
ميرسى يا حبيبتى على الرد العسل ده
على فكرة الشاى شربته بس انتى مش خدتى بالك

[وردة حزينة]

الله ياميسو والهى اللى قالتلك نزليه ده استاذه وبتفهم

كلمات جميله اوى ياحبيبتى تسلم ايديك

[نبيل نصيف جرجس]

حلوة يا ميسو كلماتك
ربنا يباركك ويحافظ عليكى يا رب

[اسامة ثروت]

لقيته بلهفة مسك ايدى اوام
قالى ارجوكى استنى متمشيش
انا بعانى من جرح فقلبى متنسيش
خليكى جنبى واستحملينى
قلبى مش معايا صدقينى



جرحى مش سهل يتنسى
وفى يوم وليلة يتمحى
صدقنى ان فعلا حاسس بيكى
شايف حبك جوة عنيكى
وشايف قلبى ليكى ينادى
بس خايف
خايف من جرح تانى
خايف احلم وارسم امانى
وترجع تانى قدامى تتنتحر


موضوع جميل جدااااااااااا بجد احساس عالى واسلوب محكم فى التغبير تقبلى مرورى واضافتى البسيطة

[miso]

المشاركة الأصلية كتبت بواسطة وردة حزينة الله ياميسو والهى اللى قالتلك نزليه ده استاذه وبتفهم كلمات جميله اوى ياحبيبتى تسلم ايديك

هههههههههههههههههههههههه شكلى هكتب اسمها على الموضوع
تحت اشرافها
تسلمى يا وردة يارب
ميرسى على ردك الجميل ده

[miso]

المشاركة الأصلية كتبت بواسطة نبيل نصيف جرجس حلوة يا ميسو كلماتك ربنا يباركك ويحافظ عليكى يا رب

ربنا يخليك يارب
ويحافظ عليك وعلى نبيل كمان
ميرسى على الرد الجميل ده