[Maike]

طيب انا عايز اعرف لما كل اللى بيرد هنا بيفكر زينا و واخد باله ليه مش بيحصل دا برا اكيد فى حاجه بتخليهم يعملو كدا و بتنرفزهم اكتر لدرجه انهم مش بيقدرو يتحكمو فى غضبهم لازم نشوف حل للموضوع دا

[سيف الاسلام]

اولا موضوعك مميز يا ايمي

وكويس ان في صوت قبطي بيقول كده
لان المظاهرات التخريبية ممكن بشكل كبير تكون عكسية عليكم


حاجه اخيرة
الشباب القبطي مش مضطر يعمل مظاهرات اصلا
لان المسلمين نفسهم كل يوم بيعملوا اكتر من مظاهرة ..
وفي وقفات احتجاجية في كل جامعات ونقابات مصر

ومش اشترطوا ان الاقباط يكونوا موجودين

اعتقد ان الشعب المصري كله حزين علي اللي بيحصل
سواء مسلمين او مسيحيين

..

[ناصر الريس]

ربنا يستر على الشباب المسحى لانى ايام صعبه جدا ربنا يكون معانا

[ناصر الريس]

طيب انا عايز اعرف لما كل اللى بيرد هنا بيفكر زينا و واخد باله ليه مش بيحصل دا برا اكيد فى حاجه بتخليهم يعملو كدا و بتنرفزهم اكتر لدرجه انهم مش بيقدرو يتحكمو فى غضبهم لازم نشوف حل للموضوع دا

اكيد يا ميكى اعوان الشيطان كتير

[emmmy]

المشاركة الأصلية كتبت بواسطة maike طيب انا عايز اعرف لما كل اللى بيرد هنا بيفكر زينا و واخد باله ليه مش بيحصل دا برا اكيد فى حاجه بتخليهم يعملو كدا و بتنرفزهم اكتر لدرجه انهم مش بيقدرو يتحكمو فى غضبهم لازم نشوف حل للموضوع دا

انا مش فاهمة حاجة يا ملاك معلش ارجوا التوضيح

[emmmy]

المشاركة الأصلية كتبت بواسطة سيف الاسلام اولا موضوعك مميز يا ايمي وكويس ان في صوت قبطي بيقول كده لان المظاهرات التخريبية ممكن بشكل كبير تكون عكسية عليكم حاجه اخيرة الشباب القبطي مش مضطر يعمل مظاهرات اصلا لان المسلمين نفسهم كل يوم بيعملوا اكتر من مظاهرة .. وفي وقفات احتجاجية في كل جامعات ونقابات مصر ومش اشترطوا ان الاقباط يكونوا موجودين اعتقد ان الشعب المصري كله حزين علي اللي بيحصل سواء مسلمين او مسيحيين ..

عزيزى سيف
انا مش من طبعى المجاملة المزيفة
حقيقى وبكل صدق وامانة مش بعرف
علشان كدة هقولك رايى بصراحة انت واللى زيك الاقلية
جدا جدا جدا
لكن الاغلبية للاسف فيهم التعصب والشماتة وعمى البصيرة والقلب والغباء بمعرفة وجود يوم الحساب والوقوف امام اللة
بعد الحادث سمعنا ناس بتقولنا متزعلوش احنا اخوات ومش ممكن نرضى باللى حصل دة -- منهم للة و-----والخ
لكن الغالب كانت ردود الفعل غريبة على عجيبة وكاننا سبق ودمرنا وحرقنا وقتلنا اولادكم من غير ذنب زى ما انتوا بتعملوا
عموما يا سيف الهنا الة نوايا وكل واحد هيأخد على اد نيتة وعملة
اشكرك على كل حال

[سيف الاسلام]

اعتقد ان الاخ
يقصد يقول ان المسلمين اللي موجودين في المنتدي بيقولوا كلام حلو
ومش فيه عصبية ولا كره للمسيحيين
يبقي مين اللي بيعمل الحاجات دي
؟
مش ده سؤالك ؟

طيب مع كامل شكري ليك علي الاهانة دي
احب اقولك ان المسلمين مش كذابين
يعني الكلام اللي بيتقال فعلا بيكون صدق

ومش بنقول كلام لمجرد التهدئه وانم الامور تبقي كويسة
لا بنقول الكلام ده لانه حقيقة وعمرنا ما بنفكر نأذي اي حد
مسلم او مسييحي او يهودي او غيره

في أية في القرأن بتقول
بسم الله الرحمن الرحيم
" ولا تقتلوا النفس التي حرم الله الا بالحق "
" ومن قتل نفسا انما قتل الناس جميعا . ومن احياها فأمنا احيا الناس جميعا "

صدق الله العظيم

الاسلام مش بيقولنا اقتلوا

وزي ما في ناس عاقله وبتفكر كويس ومعندهاش مشاكل مع اي حد
في ناس تانيه مش بتفهم وبتفكر في الدمار وخلاص

صوابعك مش زي بعضها يا خي

شكرا ليك مرة تانيه

[سيف الاسلام]

علشان كدة هقولك رايى بصراحة انت واللى زيك الاقلية
جدا جدا جدا
لكن الاغلبية للاسف فيهم التعصب والشماتة وعمى البصيرة والقلب والغباء بمعرفة وجود يوم الحساب والوقوف امام اللة

انا واللي زيي دول يا ايمي اسمهم " المسلمين "
فـ ياريت يكون الطريقة احسن من كده

ومش صح اللي بتقوليه
الاغلبية او الكل تقريبا كويسين ومعندهمش مشاكل مع اي حد من دين تاني
وقليل اوي هما زي ما قولتي
ودول مش مسلمين طبعا
لان الاسلام مش بيقولنا كده
ولا بيحرضنا علي القتل والدمار

ارجعوا واقروأ المصحف الشريف .. ولما تلاقوا ايات بتقولنا اقتلوا
يبقي كلامكم صح

ارجوا اعادة النظر في الكلام ده

[emmmy]

اولا بعتذر عن كلام الاخ ملاك
ولو انى حقيقى مش فاهمة قصدة اساسا
ومدام كلامة مش مفهوم ومش واضح منة المعنى يبقى مفيش داعى للزعل والغضب منة يا سيف لحد ما يجى ويقولنا قصدة
واما بالنسبة لى انا وكلامى
انا قلتلك اللى شوفتة ورد الفعل اللى حصل بكل صدق
ومش قصدت الساسية ووقفة المظاهرات والاحداث فى الاعلام
لا انا قصدت التعامل مع الناس والشارع اللى شفتة بنفسى وانا مش بكذب عليك ولا قلت انكم بتكذبوا انا مذكرتش الناس اللى وقفوا مع المسحيين اصلا ولما قلت الهنا الة نوايا الكلام ينطبق على الكل مسحيين ومسلمين
عموما صدقنى مش كلكم طبعا وكلنا عارفين دة كويس

[david201050]

ع فكرة ياايمي كلامك جميل بجد اوي بس انا حابب اقوالك ع شي انتي مش واخدة بالك منة لو اننا كنا شفنا حادثة عادي كنا هنقول اوك مش هنتكلم بس احنا شفنا دم اخوتنا متننور لتاني دور في الكنيسة ودم واشلاء وضحايا مننا كتير واصابات كانت بتموت انا واصدقائي وكل واحد بيجري فية دم المسيح والمسيحية اكيد حس باخاتو ودول ياايمي اخوتنا كان من المستحيل اننا نسكت بس ع العموم ياايمي احنا سيبن ربنا ياخد حقنا واحنا عارفين هو كبيرهياخد حقنا وميرسي ليكي يفرح ع الموضوع الجميل وكلامك العاقل جدا وربنا يفرح قلبك