[elphilasouf]

†تقرير اجتماع المشرفين 31-1-2009†

الخاص بنشره للاعضاء

~~~~~~~~~~~~~~~~~~~~~~~

فى بعض التوصيات الى قررها اجتماع المشرفين الاخير المفروض نعرضها ع الاعضاء وهى بعض النصايح الحلوه جدا لكتاب المواضيع وناقليه .

1- اهتمام الاعضاء اصحاب الشعبيات الكبيره بافتقاد الموضوعات او الاقسام الغير نشيطه .

مهم جدا ان الاعضاء زوي الشعبيات او الاعضاء الى يطلق عليهم عمالقه المنتدي يكونوا مهتمين او متبنيين بافقتقاد الاقسام غير النشيطه دي.

2-نقل الموضوعات بطريقه لطيفه جذابه بدون تغير معناها .
محدش ينكر ابدا ان فى فى بعض المواضيع المهمه الاعضاء بيحبوا ينقولها واكيد مفيش مانع فى كده لكن الاجمل انك تضيف لمسه للموضوع من ابداعك الشخصي يعنى ممكن تعدل فى الموضوع فى طريقه العرض فقط من غير تعديل المعلومه الى جواه
يعنى نقل المعلومه مش نقل الموضوع.

3-عدم نقل كميه موضوعات كبيره فى القسم الواحد فى وقت واحد حتى لا تكون مصدر ملل .
فى بعض الاعضاء بينقول موضوعات كتير مره واحده فى قسم واحد ، وبالتالى هتلاقى ان أي عضو بيدخل بيقرا مثلا موضوع او اتنين وبعد كده بيمل ، ولحظوا كده لو نزلت اكتر من موضوع فى قسم واحد عدد الردود والمشاهدات ولاحظ بعد شويه لو نزلت موضوع واحد بس عدد الردود اوالمشاهدات هيكون اكتر اد ايه.

4- مراعاه كل مستويات القراء من حيث كتابه الموضوعات .
لا جدال ان فى بعض الموضوعات مستواها اعلى من ادراك البعض منا ، لكن مفيش مانع جدا ان يكون فى بعض الموضوعات مستواها اكبر من ادراكك بالعاكس ده حلو انه هينمى ثقافتنا مفيش شك ،

لكن لو كل الموضوعات معقده اوي او كل الموضوعات بسيطه جدا يبقى مش هيكون فى فايده ،

وانت ممكن تقري المواضيع الى تفضلها ، بس ياريت تحاول تنمى ثقافتك وادراكك بموضوعات مستواهه اعلى .

5- التأكد من مصداقيه المعلومات المكتوبه لثقه القاريء .
كمان مهم جدا اننا نهتم بمصدرنا كنقال موضوع ، يعنى مننقلش أي موضوع كده غير لما نكون متاكدين من مصدره ، وخاصه المواضيع الاهوتيه والعلميه ... الخ ، هيكون شكلك ايه و نقلت معلومه غلط ؟!

6- كتابه الموضوع بطريقه شيقه و مقنعه .
من الجميل اننا نهتم بطريقه العرض ولا حبذا لو كانت طريقه مقنعه او مدلول - يعنى كلام مقنع و كلام ليه مصادر من الكتاب المقدس - ،

كمان نهتم بنوع الخط يعنى مش لازم الخطوط الى بتكون صعبه فى القرايه ، كمان نهتم باللون الى كتبين بيه الموضوع يكون مريح للعين ، كمان نهتم بحجم الخط يعنى ميكونش كبير جدا كلمه كل سطر ولا يكون صغير جدا نشوفه بميكروسكوب .

صدقونى يا جماعه انا لو موضوع مهم ودخلت عشان اقره بعمل كوبى للموضوع واعدل الخط واللون فى مكان تانى عشان اقراه ،

كمان مفيش مانع ابدا ان يكون العنوان جزاب جدا لكن كون ليه علاقه بالموضوع ، لان لو كتبت عنوان يجزب العيون وبعد كده طلع موضوع " فشنك " يبقى هتفقد الثقه فى قرائك ،

كمان كل ماكان الموضوع منظم وافكارك مرتبه ووضحه كان موضوع اسرع للفهم .

7-محاوله جس نبض الاعضاء عن المعلومات او الواضيع المطلوبه .
كمان مش كل الموضوعات نجبها يعنى فى موضوعات مش من اهتمام الاعضاء وبالتالى لو جبناها مفيش حد هيهتم بيها .

8-التأكد من ان الموضوع غير مكرر .
كمان عشان موضوعك ميتحذفش ، مش صعب اننا فى ثوانى نعمل بحث عنه فى المنتدي .

وفى النهايه احب اعرفكوا بس بحاجه اد كده وهى ان نشاط الاقسام او قوه المواضيع تقاس بعدد المشاهدات بالاضافه الى عدد الردود مش الردود فقط

، سلام ربنا يكون معاكوا

المصدر: †† ارثوذكس †† - من قسم: أعلانات وأحتياجات

[zaza2006]

شكرا جورج على التقرير

[sasaamad]

سلام ونعمةلاولاد النعمة ربنا يقويكم ونشكركم لتعب محبتكم لكى تسعدوا اخواتكم فى الرب والى الامام عمو ايوب

[الناى الحزين]

1- اهتمام الاعضاء اصحاب الشعبيات الكبيره بافتقاد الموضوعات او الاقسام الغير نشيطه .


مهم جدا ان الاعضاء زوي الشعبيات او الاعضاء الى يطلق عليهم عمالقه المنتدي يكونوا مهتمين او متبنيين بافقتقاد الاقسام غير النشيطه دي.

النقطه دى مهمه جدا
وهتساعد فعلا فى نشاط جميع الاقسام
شكرا فيلو

[mmg]

متشكرين على التقرير
الهم اقلل من تقاريرهم واكثر من تنفيذهم وفعلهم

[رويس]

كلام جميل جدا جدا
مرسي كتير استاذي
Elphilasouf

[elphilasouf]

ميرسي
نهى
عم ايوب
ناي
مينا
رويس
لردوكوا الحلوه ، صلوا من اجل الخدمه

[اللة يرعانى]

شكرا يا جورج على نقاط المهمة دى

[elphilasouf]

العفو يا احلى مريم وهبعتلك رابط التقرير بتاع المشرفين ع الخاص