[نظره رجل]

أقل من يومين
أقل من يومين مش فاكر كنا فين
قربت منىّ وقالتلى انا بتاعتك
أقل من يومين دى فاكرها كنا قاعدين
نامت فى حضنى وقالتلى انا منك ..

وانا بالحب عاهدتها
صدقت كلامها وعنيها وقلبها
واتفقنا شويه اتفاقات
نبقى واحد فى كل الازمات
صدقت كل اللى اتفقنا عليه
كنت فرحان وماشى بيه ..


وكأنى فى حلم مش عارف ولا ايه
قالتلى فوق انت بتحلم بأيه
دى حياتى وحاجه ماتخصكش
عاجبك عاجبك وانت عندى ماتفرقش ..

ودول سطرين بأقل اختصار
شوفوا الفرق بين الليل والنهار
ومن وقتها وانا مش مصدق
بأقل حاجه قدرت تفرق ..
وانا من يومين ال كنت بعشق
اتارينى بوهم فى نفسى واضحك
بس اللى تاعبنى انى لسه بحبها
مع كل دقه فى قلبى بقولها
حرام عليكى تخلينى اصدق
انى ليا حق فيكى وادقق
وفى الاخر يطلع شىء مايخصنيش
يطلع قلبى عندك مافيش

المصدر: †† ارثوذكس †† - من قسم: القسم الادبي

[عماد حسنى]

بس اللى تاعبنى انى لسه بحبها
مع كل دقه فى قلبى بقولها
حرام عليكى تخلينى اصدق
انى ليا حق فيكى وادقق
وفى الاخر يطلع شىء مايخصنيش

شكرا لموضوعك
ربنا معاك ومع كل ولاده

[nariman]

نظرة رجل



(اتارينى بوهم فى نفسى واضحك
بس اللى تاعبنى انى لسه بحبها)

عِشْ بالوهم
وأحبّها كما تشاء
ربّما يكون الوهم
أوفى لك من... الحقيقة

[بنت الراهب الصامت]

قالتلى فوق انت بتحلم بأيه
دى حياتى وحاجه ماتخصكش
عاجبك عاجبك وانت عندى ماتفرقش
ايه النداله اللى فيها دى
معلش
بس بجد شعرك جميل اوووووووووووووووى
ربنا يباركك

[kamel]

كل ليل وفى أخر نهار
وربما تدخلت فى رحلتك الأقدار
وأنقذت حياتك..قبل بداية المشوار
فخذ لنفسك اليوم قرار
فلا تنظر الى ماطار
وخذ نفساً عميقاً..جدد ما بداخلك..وأبدأ من جديد المسير
واللة يفرح قلبك

[nermos1982]

بس اللى تاعبنى انى لسه بحبها
مع كل دقه فى قلبى بقولها
حرام عليكى تخلينى اصدق
انى ليا حق فيكى وادقق
وفى الاخر يطلع شىء مايخصنيش
يطلع قلبى عندك مافيش

كلمات بجد جميلة اوى . وحشتنا بجد موضوعاتك الجميلة ورجعت نورت المنتدى من تانى
ربنا يفرح قلبك ويكون معاك

[نظره رجل]

المشاركة الأصلية كتبت بواسطة عماد حسنى بس اللى تاعبنى انى لسه بحبها مع كل دقه فى قلبى بقولها حرام عليكى تخلينى اصدق انى ليا حق فيكى وادقق وفى الاخر يطلع شىء مايخصنيش شكرا لموضوعك ربنا معاك ومع كل ولاده

تحياتى ليك عماد حسنى
مرورك اسعدنى

[نظره رجل]

المشاركة الأصلية كتبت بواسطة nariman نظرة رجل (اتارينى بوهم فى نفسى واضحك بس اللى تاعبنى انى لسه بحبها) عِشْ بالوهم وأحبّها كما تشاء ربّما يكون الوهم أوفى لك من... الحقيقة

احيانا ناريمان الوهم بيكون اوفى من الحقيقه
الوهم بيخلى الانسان عايش فى عالم مختلف ومش شايف حاجات كتير
تحياتى ليكى ناريمان
اسعدنى مرورك

[نظره رجل]

المشاركة الأصلية كتبت بواسطة بنت الراهب الصامت قالتلى فوق انت بتحلم بأيه دى حياتى وحاجه ماتخصكش عاجبك عاجبك وانت عندى ماتفرقش ايه النداله اللى فيها دى معلش بس بجد شعرك جميل اوووووووووووووووى ربنا يباركك

ياريت كانت ندله
اختى العزيزه
لكنها صادقه جدا جدا فى عشقها
ولكن .....................................
مرورك اسعدنى بنت الراهب الصامت

[نظره رجل]

المشاركة الأصلية كتبت بواسطة kamel كل ليل وفى أخر نهار وربما تدخلت فى رحلتك الأقدار وأنقذت حياتك..قبل بداية المشوار فخذ لنفسك اليوم قرار فلا تنظر الى ماطار وخذ نفساً عميقاً..جدد ما بداخلك..وأبدأ من جديد المسير واللة يفرح قلبك

شاكر مدخلتك اخى الغالى كامل
تفسيرك يستحق الاشاده
الرب يسوع معك