[elphilasouf]

بـصراحه أحترت فى العنوان بس اخيرا استقريت ع العنوان
انا فخور انى مصري ...أنا فعلا فخور انى مصري
مش بس عشان الفراعنه وتاريخهم العظيم الى يشهد بيه العالم كله
ومش بس عشان احنا بنتحمل الظروف الصعبه وبنطلع منها انتصرات تُذهل العالم كله والى اخرها كان الى عمله مجموعه البحاره المصريين فى القراصنه بمساعده المخابرات المصريه
مش بس عشان كده
ومش بس عشان احمد زويل ومجدي يعقوب و و ,, كتير جدا أضافوا للعالم حاجات مهمه جدا تنفعه
ومش بس عشان ربنا بنفسه بارك مصر عن اي بلد تانيه وكأنت هى ملجئه فى الهروب من هيرودس
ومش بس عشان انتصارات اكتوبر و الفراعنه
ومش بس عشان الاقباط الى سهمو فى حفظ الارثوذكسيه حتى اليوم
صـدقونى لو مفيش ده كله انا برضه فخور انى مصري

لأن ده الطبيعى .. الطبيعى أن الانسان يكون منتمى للبلد والجماعه الى هو عايش فيها ... مش بس عشان مصلحتهم واحده
ومش بس عشان شعوره بالامان لانه وسط مجموعه ...لكن أكيد لان ده الطبيعى والفطري ..
مش لازم يكون فى سبب عشانه أفتخر بوطنى الى عايش فيه
ومش لازم استنى ان الوطن ده يدينى حاجه ويعيشنى عيشه فل عشان افتخر بيه واحافظ عليه..

الوطنيه والحمدلله مزروعه فينا كلنا وفى غالبيتنا
وميغركوش ان الشباب دلوقتى مش بيظهرلها ميل وطنى.. هتقول اسكت ياراجل دول وصلوا كمان أنهم يشتموا مصر باغانى سخيفه
لكن الشباب دول بيهيظهروا بس وقت الشده القويه اوي

مـش هطول عليكوا
بس لازم نعرف أن مش كل حاجه غلط أساسها انى مصري
لأ ده يمكن العكس
مش كل ماتحصل حاجه نقول ادي المصريين
وادي المواطن المصري
شوف المواطن المصري بيعمل ايه
صدقونى سعات تبقى صور متصوره فى بلد غير مصر وظهره جدا ويقول أن ده فى مصر - صور تعيب البلد الى فيها يعنى -
مش كل حاجه وحشه اساسها المصريين .. أكيد العكس
رجاء متسهموش فى نشر الصور الغبيه دي ع مصر والمصريين
احنا احسن من كده بكتير

المصدر: †† ارثوذكس †† - من قسم: صندوق مناقشات الاعضاء

[luc]

مش كل حاجه وحشه اساسها المصريين .. أكيد العكس

هو الموضوع مش قاعدة عامة و فعلا عندك حق ان مش كل حاجة وحشة اساسها المصريين بس في نفس الوقت مش اي حاجة كويسة ممكن تحصل بيكون اساسها المصريين برده .موضوع ان الشخص يكون كويس او لا ويسيب انطباع كويس عن البلد الي هو فيها مش متوقف علي جنسيته ايه لكن علي تصرفاته واسلوبه في التعامل.

ميرسي علي موضوعك المهم

[kamer14]

موضوعك جميل اوى يافيلو بس يمكن انت مبصتش للحاجات السلبية ايلى فى مصر ؟! رغيف العيش الوسطة الموظف المصرى وهلم جر حاجات كتير


رجاء متسهموش فى نشر الصور الغبيه دي ع مصر والمصريين
احنا احسن من كده بكتير


لالالا الصور دى بتعبر هم خفة دم المواطن المصرى مش اكتر ولااقل








مش لازم يكون فى سبب عشانه أفتخر بوطنى الى عايش فيه
ومش لازم استنى ان الوطن ده يدينى حاجه ويعيشنى عيشه فل عشان افتخر بيه واحافظ عليه..


فعلا عندك حق يافيلو كلامك مظبوط وميرسى بجد على موضوعك ايلى بيصحى جوانا روح الانتماء للوطن

[ELMAGEK]

بلدك دى بلد جميلة نظيفة متطورة رغيف العيش متاح
الشاب مننا يادوبك بيخلص دراسة تانى يوم بيشتغل
الناس كلها بتاكل ومفيش حد جعان ولا بيموت من الجوع
والقانون بصراحة بيحمى المواطن المصرى من جشع التجار
وفى عدالة فى التوزيع وفى مرافق وخدمات كتييير فى كل المحافظات
والمدارس والمستشفيات على اعلى مستوى
ياااا واية المرتبات معيشة الناس فى هنا وسعادة
من الزهق مش لاقين حاجة يعملوها وكل ما ييجو يخرجو
بيحتارو بين العربية البيضا ولا السودا ولا الرمادى فا يزهقو يقعدو فى البيت
يا عم ارحمنا بقى



مش لازم يكون فى سبب عشانه أفتخر بوطنى الى عايش فيه
ومش لازم استنى ان الوطن ده يدينى حاجه ويعيشنى عيشه فل عشان افتخر بيه واحافظ عليه

على كدة الصومالى فاخور انو صومالى
ولو جاتلو فرصة انو يعيش فى فرنسا هيتمسك بتراب البلد
الى مبتدلوش حاجة

[zaza2006]

بص يا فيلو فى اسباب كتير اوى بتخلى الانسان يعمل كده
ويجيب اللوم على بلده بس يمكن علشان هى السبب فى حاجات كتير
زى اللى قالها فادى وفيكى لما نبص حولينا ونشوف اللى بيحصل لازم نلعن البلد واللى فيها
لكن زمن الشعارات انتهى نموت نموت وتحيا مصر
دلوقتى بقيت تموت مصر بس احنا نعيش
عامة هو موضوع مهم واللوم مش على البلد اللوم على الناس اللى عايشين فيها
شكرا ليك يا فيلو

[elphilasouf]

أشكر تفاعلكم فى الموضوع بس يا جماعه المفروض نفرق بين مصر والمصريين
حتى لو العيب فى مصر الى هى المكان الموقع فده مش معناه ان ميكونش لينا انتماء ليها

لكن المشكله والعيب مش فى مصر
فى المصرين نفسهم
والمصريين دول الى هما انا وانت والجيران والناس الى فى الشارع وجوز خالتك الى فى الاسكندريه وابن عمتك الى فى اسوان

واي مجتمع فيه سلبيات وفيه الايجابيات مع اختلاف النسبه طبعا
والمفروض ان كل واحد فينا يكون فيه روح الانتماء للوطن تبعه ، ومن روح الانتماء هنقدر نقاوم اي سلبيات فى البلد ونعالجها ،

يعنى الى اقصده ان اي مجتمع فيه سلبيات ومش معنى ان بلدي فيها سلبيات دي ميخلنيش انتمى ليها واخاف عليها ومحاولش اعالج سلبيتها

لان مصلحتى من مصلحه المكان الى انا عايش فيه

[kottah_sh]

عمال تقول فخور فخور
خنقتنا ياعم


























































اجرى شوفلك حته العب فيها بعيد عننا

[jojo2020]

الفكرة مش كدة يا فيلو الفكرة هى ان مصر المفروض تكون بتخاف على مواطنيها اللى هما المصريين وفنفس الوقت بتديهم حقوقهم الطبيعية للعيشة بص على امريكا كدة لوفية جندى او مواطن واحد حصلوا خدش بس او حقة ضاع بتهد الدنيا وترجعلة حقة دة الفرق ان البلد تكون بتحبنا اصلا دى وحهة نظرى وثاااااااااااانكس يا مصرى هههه

[SAMOOOOO]

الله يباركلى فيك

والموضوع فعلا صح

[M!SS N@NO]

موضوعك جميل أوى يا فيلو
وفعلا اى واحد مننا جواه وطنيه مبتظهرش غير وقت الشده
احنا صحيح بنقعد ننتقد ونعيب فى البلد وظروف البلد
بس صدقنى ده من غولبنا
والمصريين معروفين بالحكايه دى
بيقولك هم يبكى وهم يضحك
فاحنا بناخد من مشاكلنا وسيله للضحك عشان منفرقعش
بس اكيد جوة كل واحد فينا حب كبير لوطنه
زى حبه لابوة وامه
بيحبهم بميزاتهم وعيوبهم زى ماهما كده
حتى لو كانو فقرا
حتى لو كانوا مش شبهه ريدج وكارولين
بس بيحبهم عشان دول ابوة وامه
بحلوهم ومرهم بيحبهم
يارب تكون فكرتى وصلتك
وميرسى ع الموضوع
واسفه ع الاطاله