[ملكه الاحزان]

الموضوع بختصار شديد اوي
(( ليه كله بيتكلم علي كله))
او بمعني ادق
ليه كل الناس بتجيب في سيره بعضها
ومش بتكلم الي بيجيب في الخير
لا
في الشر
يعني ليه بدل ما انت قاعد تقول
ده كذا وكذا وكذا
ماتشوف نفسك الاول
ملحظه بسيطه
(( الموضوع ده مش بحاسب في حد ولا بقول علي حد ولا عايزه اغير حد))
لكن الموضوع ده علشان عايزه اعرف
ليه احنا بنتكلم علي بعضنا بالشر
فيها ايه لو اتكلمت بالخير عن اخوك
انا هاقول رائ بسيط
الناس الي بتفضل تجيب في سيره الناس بالشر
ناس فاضيه ومش وراها حاجه تعملها غير تمسك في سيره الناس
انا عايزه اعرف بقي ليه الناس بتمسك الناس بالشر؟؟
ممكن واحد يقول في سره
دي قاعده تقول وتعيد وتزيد علي ايه
ولا بتقول كده ليه
هارد واقولك علشان انا شفت ناس كتير بالشكل ده
من قدامك حبيبك ومن وراك عدوك
ودي حاجه بتزعل اوووووووووووووي انك تحب شخص
ويتكلم عليك وحش من وراك
الشخص الصح هو الي يتكلم قدامك
مش وراك عدوك قدامك حبيبك
ياريت اعرف ليه الناس بتتكلم عن بعضها وحش

(( ملحظه صغيره))
ياريت الرد بتاع كل عضو داخل الموضوع ده
يكون باسلوب كويس ويعرض لنا وجه نظره
وكل سنه وانتو طيبين
صيام عدرا مبارك عليكم

المصدر: †† ارثوذكس †† - من قسم: صندوق مناقشات الاعضاء

[aymonded]

حينما يمتلأ المنزل من أناس يحيون فيه ويرتبونه ويعتنون بنظافته يكون مهندم وتدخله الشمس والهواء ويصير بهياً فيه حياة وكل من يدخله يشهد أنه منزل مريح للعين ومفرح لكل قلب بشركة من يسكن فيه والتأنس به ، أما البيت الذي يُهمل ولا يوجد به أحد يسكنه تسكنه الحشرات وتخرج منه كل رائحة كريهة ويكون كله ميكروبات ومعتم ، ولا يصير مسرة لأحد ولا فرح بل هم وغم وضيق !!!

هكذا النفس حينما تكون شريكة القديسين في حب الله الحلو ، فيسكن في داخلها الله الحي ويظهر ثمار الروح القدس من محبة وفرح وسلام ، فتشبع دائماً من المجد السماوي وتنشغل بالأمور السماوية وتصير فرح الجميع والكل يأنس بها لأن من ثمارهم تعرفونهم ، وحتى في كل حركاتها في الحياة العادية تمجد الله في كل شيء ...

أما النفس الغير مكتسية بالنعمة وعارية من الفضيلة فتكون فارغة من الداخل ، وعقلها معمل لكل الشرور ، فيخرج منها النميمة واغتياب الناس والطعن فيهم ، لأن باختصار العقل الفاضي معمل للشيطان !!!

فلنحذر من أن نكون عراه من النعمة لئلا نخسر أنفسنا ونضيع زماننا في إدانة الناس والحوار عنهم وننسى أنفسنا وحياتنا الأبدية ويقتلنا الفراغ فنضعف ونبتعد عن ينبوع الخير وكلمة المشورة ...

أقبلي مني كل تقدير يا محبوبة الله ، النعمة معك

[miso]

ميرسى على طريقة سردك للموضوع يا مارى بسيطة ومش طويلة بس كبرى الخط هتعمى حرام عليكى
بس يمكن علشان محدش بيشوف ولا بيبص على نفسه دايما بنبص على اللى حوالينا لكن نفسنا لا
بشوف الخشبة اللى فعينك ومش بشوف الخشبة اللى فعينى
وكمان اغلبيتنا بقى عايز الناس تمشى على مزاجه وانه هو اللى صح
علشان كدة مش بنشوف الحلو
لو بنشوف الحلو مكنش هيبقى فى البعد اللى بقى زاااااااااااااااااااااااا اايد اوى بين الناس
ولا بقى الفراق سهل والبعد اسهل

[mr_desigen]

بصى يا مرمر
اول حاجة هقولهاللك انى مفيش محبة بين الناس خلاص نسيوا انى الله محبة وعشان بيحبنا اتصلب عشانا واحنا ولا هنا ولسة غرقانين فى بحر الخطايا

وثانيا حكاية انى حد يتكلم على حد دى بقت كتيرة وتعتبر حاجة عاادية دلوقتى مش جديدة على الناس ولا الاصحاب
الافضل انك تنقى الصاحب الكويس اللى ينفعك
مش صاحب عشان اتخنقتى معاة يطلع كل اسرارك برة وكدة ويفضل يقول ويعيد وكدة

هرجع واقوللك ماتزعليش على حد باعك
ربنا يرحمنا

[ملكه الاحزان]

صح يا استاذ ايمن
معاكي حق ياميسو
ومستنيا باقي الاعضاء

[ملكه الاحزان]

وناس ياامير بجد ماتتوقعش منهم كده
تلاقيهم هما اول من ضدك
ميرسي ليك

[جيوفاني]

في البداية يا ماري قبل ما أعلق أحب أشكرك علي الموضوع الجامد ده إلي ياما كان نفسي أتكلم فيه لكن كنت حاسس إنه مش حايجيب نتيجة
أنا لمست الموضوع ده كتير مع الناس إلي بتعامل معاهم بل وأقرب الاقربين في حياتي الإجتماعية العائلية ووسط صحابي وفالمنتدي هنا

الحكاية دي أصبحت ظاهرة زي السرطان فجسم الإنسان ظاهرة الإدانة والنميمة وفي جميع الحالات بتلاقي الشخص إلي ماسك فسيرة واحد ونازل سلخ في وبرته بيكون للأسف فيه من السيئات مالا تستطيع أن تمحيها
وعادة بيعمل التصرف ده عشان يداري عيبه في عيب إلي بيدينه أو بيحسس نفسه إن كل الناس إلي حواليه بيغلطه غلطات أكتر منه
وياريت نتمثل بأمنا إيريني قديسة معاصرة مش من زمان عمرها ما أدانت بل كانت بتقابل الإدانة ليها بالمحبة

ودي بعض أقوال أبائنا القديسين عن الإدانة وياريتنا نستفيد ونتمثل بيهم وناخد أقوالهم درب وطريق لحياتنا

+ تنهد على قريبك اذا اخطا ، كما تتنهد على نفسك ، لاننا كلنا تحت الزلل +

( القديس بولس السينائى )


+ لا تكن ديانا لاخيك ، لتؤهل انت للغفران . لان الرب يقول : لاتدينوا لكى لاتدانوا +

( القديس انسطاسيوس )


+احذر من ان تكون جالسا وتفكر فى اخيك بالشر ، فان هذا يقلع جميع بنيا برج الفضيلة من قلبك .... حتى ان كنت قد وصلت الى حد الكمال +


+ لا تمقت الخاطىء ، لاننا كلنا خطاة اثمون . وان تحركت عليه من اجل الله ، فابك عليه ، وصل من اجل نفسه +

( القديس ماراسحق )


+ اياك ان تعيب احدا من الناس ، لئلا يبغض الله صلاتك +

( الانبا انطونيوس )


+ احفظوا السنتكم ، وذلك بان لاتقولوا على اخواتكم سرا ... لان الذى يقول على اخيه شرا ، يغضب الله الساكن فيه +

( القديس مقاريوس الكبير )


+ قدتجد انسانا يظن انه صامت . لكن فكره يدين اخرين . فمن كانت هذه صفته ، فهو ابدا يتكلم +

+ ان دنا انفسنا ، لايبقى لنا وقت ندين فيه اخرين +

( الانبا بيمن )

لو كل الناس تكون فحالها أكيد حنتقدم وحالنا حيتظبط

مرة تانية شكراً جداً يا ماري علي موضوعك الجامد ده

[ملكه الاحزان]

ميرسي كتير ياجيوفاني علي ردك الحلو
فعلا معاك حق
ربنا يباركك ياكميل

[جيوفاني]

العفو يا ماري علي إيه دول إلي الواحد حاسس بيهم وشايلهم جواه
نفسي بجد كل شخص يشوف عرق الخشب إلي فعينه قبل ما يبص للخشبة إلي فعين أخوه
ودائماً وأبداً ماينفعش إن الشيطان يعظ ويقول ده عمل وده سوه وهو فيه العبر

[elphilasouf]

متهيالى كفايا تعليقات اخواتى
بس متشغليش بالك بالى بيتكلم عليكى

قله اهتمامك بقوه الشئ يفقده قوته