[مايكل عبد الشهيد]

السلام لكم احبائي واخوتي

معلش على الغياب الطويل كنت مشغول شويه فى تجهيز بعض اوراق الشغل قبل سفري الغردقه

هو كمان حصل شويه مشاكل بسيطه كده .....كالعاده وربنا مايقطع لمشاكلى عاده هههههههههه

الشريحه بتاعه التليفون اتحرقت وكل ارقام اعضاء المنتدي مش موجوده
الميل اتنيل اتسرق ياعني الحياه بقت زي الفل فله شمعه منوره

مووووووووووز موز موووووووز

المهم بقي سيبوكو مني .....انا اخدت بالى ان المنتدي فيه حاله هدوء مميته وبصراحه حاله تخوف

فين برنامج ويك اند

فين المواضيع اللى كانت بتنزل

فين الاعضاء اللى كانو بينزلو اكتر من موضوع كل يوم

ادخل على صندوق مناقشه الاعضاء من اسبوع وادخل عليه النهارده اتفاجئ ان موضوعين او تلاته اللى نزلو طول 7 ايام

يالهويييييييييي

دول كانو بينزلو فى ساعتين.....

الرياضه فين

البرامج والخروجات فين مواضيعها

لا طالما كده يبقي..... ان اوان الرجوع فورا.........

مش انا بس ده كل الاعضاء النشيطين اللى الظاهر ان الصيام تعبهم شويه

يقومو كده وياخدو دش ميه سخنه

ويفركو اديهم ويلا بقي ايدينا على الكيبورد

والى الجهااااااااااااد

مش منتدي ارثوزكس يا اعضاء ارثوزكس اللى ينزل فيه موضوعين او تلاته او حتي 20 كل اسبوع

عايزين نصحو كده شويه

انا عامتا السفر اتأجل ليوم 27 \4

ياعني معاكو وعلى قلبكو لغايه ما اسافر ...والورق اهو خلصته....ياعني فاضلكو......

اما نشوف بقي عايزين نعمل ثوره كده عشان المنتدي يرجع زي الاول واحسن

مستني الاعضاء واللى هايشارك فى الثوره معايه

والى الجهااااااااااااااااااااا اااااد

وكالعاده وربنا مايقطعلى عاده ......

اخوكو المتواضع

الاغلب من اغلبكم والاضعف من اضعفكم

مايكل عبد الشهيد

ملحوظه....

انا عملت ايميل جديد هابعته لاصحابي على الخاص

المصدر: †† ارثوذكس †† - من قسم: صندوق مناقشات الاعضاء

[aymonded]

سلام لنفسك يا محبوب الله الحلو
هو يمكن ويك أند وبعض البرامج الأخرى اختفت شوية لظروف الناس ومشاغلهم ، ولكن يا جميل انا لوحدي منزل 8 موضوعات في هذا الأسبوع وناس تاني كتير منزلة موضوعات انا موافق عليها وهما اكتر من 15 موضوع اصلا ، يعني ممكن تقول الموضوعات اللي نزل هذا الأسبوع أكتر 20 موضوع ، دور يا حبي كويس ممكن تلاقي أكتر من 50 مش 20 لأن فيه ناس تانية وافقت على موضوعات كتير ، وعلى فكرة ربما تلاقي هذا الأسبوع وجود أقل للأعضاء بمناسبة اسبوع الآلام وعيد القيامة المجيد ، و قرب الامتحانات عند البعض ....

وأشكر الله على وجودك في وسطنا يا محبوب الله الحلو
وربنا يوفقك يا جميل ونراك دائماً في ملئ السلام وفرح الروح القدس
وأن يعيد كل الغائبين عنا بمسرة وفرح الروح القدس
ليكون لنا شركة مع بعضنا البعض في نور الله الحلو
النعمة معك كل حين

[ليلـي]

هو كمان حصل شويه مشاكل بسيطه كده .....كالعاده وربنا مايقطع لمشاكلى عاده هههههههههه

هههههههههههههههههههههههه فظيع بجد
ربنا يقطع اللي يزعلك
حمدلله علي سلامتك يا مايكل

[مايكل عبد الشهيد]

لا يا استاز ايمن مع احترامي لرأي حضرتك معظم المواضيع اللى نزلت تخص راديو ارثوزكس فين المناقشات الخاصه بالاعضاء معظم المواضيع عباره عن ايه رأيك في برنامج كزا ومواعيد البرامج بس

[aymonded]

لأ يا صديق الحلو مش هي دية الموضوعات الي نزلت يمكن بس مش ظهر عندك كل الموضوعات اللي نزلت ، وعلى سبيل المثال لو تجولت في اقسام كتير ها تجد موضوعات متنوعة ما بين قصص القديسين ولاهوت وموضوعات خاصة بهذا الأسبوع المجيد ومناقشات قسم كلام في الممنوع وموضوعات كنسية وتأملات روحية وأشعار ومقالة إنجليزية وكتابات آبائية ومقالات آبائية وتعليم اليوناني وغيرهم الكثير والكثير نزلوا في هذا الأسبوع لناس كثيرة جداً ، هو يمكن فقط انت ركزت على قسم واحد فقط يا محبوب الله الحلو ...

وبعدين يا جميل انا اللي بافتح معظم الموضوعات وعارف ايه اللي تم في الأسبوع ، تجول يا جميل في باقي الأقسام ومش تقف عند قسم واحد فقط يا احلى غالي ، النعمة معك كل حين

[ميرا الامورة]

الله يقدم الي فيه الخير للمنتدي ....
وفعلا هنا بيبان مين يلي بيحب المنتدي وبيخاف عليه
شكرا لمحبتك يا مايكل

[مايكل عبد الشهيد]

وانا يا استاز ايمن واخد صندوق مناقشه الاعضاء كمثل لانه فى الاحصائيات كان هو اكتر مشاركات بتكون فيه ومعني كده ان القسم اللي بتكون فيها اكتر المشاركات وبعد كده ينزل فيه مشاركات قليله معناه ان المشاركات عامتا فى المنتدي اصبحت ضعيفه ايه يا استاز ايمن مش ممكن تكون مش فاهم قاصدي

[aymonded]

لأ يا جميل أنا فاهم قصدك ، بس ده مش شرط يا محبوب الله لأن كان ناس معينة فقط هي الي عاملة مشاهدات أكتر في صندوق مناقشات الأعضاء ، ولكن هذا ليس دليل على مشاركات المنتدى أو صورة لها على الإطلاق ، أنت فقط علشان كنت مركز عليه يا جميل وتعرف ناس كتير بيدخلوا هذا القسم ، وايضاً يوجد فيه ناس كتير يعرفوا بعض ، ولكن فيه أقسام اخرى مشاهداتها أعلى منه وعليها إقبال ولكنه كان غير ملحوظ بسبب أن كتير من الأصدقاء والمعروفين فقط بيدخلوا على صندوق مناقشات الأعضاء !!!

فيا حبي تجول في باقي الأقسام هاتلاقي عليها إقبال من زمان وهي التي تمثل الأقبال الحقيقي على المنتدى ، ولا علاقة له بصندوق مناقشات الأعضاء اللي غاب عنه ناس كانوا بيهتموا به فقط أكثر من أيه أقسام أخرى ، وصدقني موضوعات كتير بتنزل بغزارة في أقسام أخرى مع مشاركات بل ومشاهدات أكتر كثيراً جداً من صندوق مناقشات الأعضاء ...

أقبل مني كل حب وتقدير يا محبوب الله الحلو ؛ النعمة معك

[@M@R!N]

اللى الجهاااااااااااااد
هههههههههههههههههههه
ميرسي يا مايكل
وفعلا احنا محتاجين ان المنتدى يرجع زي الاول
بس كل واحد بتجيله ظروف بيضطر يبعد ويغيب شويه
بس ان شاء الله هيرجع زي الاول واحسن كمان
ربنا يعوضك يا جميل

[aymonded]

الأحصائيات سريعاً
وأنا هاجيب أكبر الأحصائيات عموماً

المنتدى الاجتماعي عموما بصندوق مناقشات الأعضاء =39,775

المنتديات المسيحية = 50,525

مكتبة القصص والتأملات = 17,545

أدب وعلم وثقافة = 36,379

الملتيميدا المسيحية = 27,650

صور وخلفيات مسيحية = 23,546

الحاسب الآلي = 11,365

المتتدى الترفيهي = 170,803

منتدى المرأة = 10,697

طبعاً انا مش بدافع عن وجهة نظري على الإطلاق ، ولا حتى باعترض على كلماتك ولا افتقادك لمن غابوا عنا وعن نشاطهم وبرامجهم المعتاده ، أنا فقط بوضح نقطة هامة أن صندوق مناقشات الأعضاء مش دليل على نشاط المنتدى أو عدمه يا محبوب الله الحلو ، لأن في هذا القسم موضوعات كتير ليست ذات أهمية ، ويوجد به موضوعات هامة جداً وتهم الكثيرين ...

عموما نحن ننتظر عودة كل من غاب عنا ليرجع ينورنا من تاني
أقبل مني كل حب وتقدير يا أجمل أخ رائع محبوب يسوع والقديسين ؛ النعمة معك كل حين