[nana222]

رساله حب

رسالة الى أبنى - أبنتى

يمكن أنت مش عارفنى كويس لكن أنا أعرف أدق تفاصيل حياتك

أنا واحد بيحبك قوى . مشغول بيك فى كل لحظة فى حياتك . وحتى من قبل ما

تكون ليك وجود .

بأبدع فى تحفتى الجميلة ...... أنت ,

ومن ساعتها وأنا شايفك بتكبر قدام عيني يوم بعد يوم بيمر بيبقى نفسى

تيجى تيحكى معايا

عن كل حاجة نفسك حد يسمعك فيها !!

زى الموقف الى حصل معاك من كام يوم لما كنت متضايق ومخنوق كنت بتدور

على حد تحكى معاة

صحبك كان مشغول

وصحبك التانى مش فاهمك

فعلاً مكانش حد فيهم مقدر الى أنت فية .

بس انا كنت حاسس بيك

كنت شايفك وأنت قاعد مهموم بتبكى

كان نفسى أخدك فى حضنى وأقولك أن ليك مكان فى قلبى .

طب ممكن أنا كمان يكون لى مكان فى قلبك ؟

هتدينى الفرصة دى أن أنا أغمرك بالحب والحنان والفرح الى كتير دورت علية ؟

لو نفسك فى كدة بجد يبقى لازم اتقابل معاك . تفتح الباب وأتعشى معاك

ونقعد نحكى مع بعض أعرف أخبارك من خلال الصلاة وتعرف أخبارى لما تقراء

الكتاب المقدس

المصدر: †† ارثوذكس †† - من قسم: التأملات الروحية والخواطر الفكرية

[aser]

كلمات معزية جداااااا
ما اعظم حبك و حنانك يارب
ما اجملك يا الهى

[نبيل نصيف جرجس]

بجد يعنى يا تاسونى تامل فى غاية الروعى والجمال مرسى اوى لحضرتك