[elphilasouf]

اكيد لحظنا من فتره اختفاء اعضاء مهمين جدا عندنا
وكتير اتكلمنا على كده
بس معملناش حاجه
دلوقتى طقت فى دماغى كده فكره
لازم نشارك فيها كلنا

طيب هنشارك ازاي
اكيد عند كل واحد اصدقاء كتير واخوات اكتر
بقالهم كتير مش موجودين سنه
شهر
اسبوع
ولو حتى يوم
ياريت نسال عليهم

المطلوب منك انك ع الاقل نفتقد 10 بس
ع الاقل ويعنى متبقاش بالزبط 10
لو اكتر يبقى احسن

طيب هتفتقدهم ازاي
بسيطه
هتروح ع 10 اعضاء من الى تعرفهم
وبقالك كتير مش بتشفهم
وتسبلهم رساله زوار فى بروفيل كل واحد فيهم

والاولويه للى كان غايب اكتر

ياريت تبقى إيجابين شويه

وانا عليا افكركوا كل شهر

ياجماعه ياريت نسال بعض
وتشاركوا فى الحمله

زي مأنت عاوز تخش ع المنتدي تلاقى كتير سالوا عليك
يبقى لازم انت تسأل الاول

المصدر: †† ارثوذكس †† - من قسم: أعلانات وأحتياجات

[MICKEY]

قشطات اوي
وموضوع جامد

بص بقي ياعمنا

توني الجامد : مشغول مع والده اليومين دول عشان عندهم بوتيك
والوقتي انت عارف انه موسم الدراسة

نيرموس : الكمبيوتر بتاعها مسروق وهتشتري واحد غيره قريب

ورده حزينه : مشغوله شوية في تحضير نفسها لمناسبة سعيده

حياة الروح : ياجماعه تعبانه اوي وياريت نصللها بالشفاءء

نبيل نصيف : ياجماعه في المستشفي بيعمل شوية تحاليل وياريت ندعيله بالشفاء

مينا 3338 : بيحضر لمشروعه الجديد وياريت ندعيله بالتوفيق

lower : وصلة النت عنده مقطوعه وهيحاول يصلحها قريب

[elphilasouf]

ميرسي يا ميكى انك طمنتنا ع الاعضاء الجمال
دول
واريت تشارك فى الحمله وتسال عن اي
25
عضو غايب من فتره
ع الاقل

[Malak sokar]

موضوعك جميل يافيلوووووووو

فعلا فين الاعضاء فين ايام زمان لما كان الواحد يبص للمتوجدون الان بيلقي عدد كبير اوي
موجود انا مثلا
مش شايفة

ميلانورا ولا جيسيكا ولا روز

الناس دي فين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

ياريت لو حد يعرفهم او بيكلمهم ميل يقلنا اخبارهم
ياريت الادارة تبعت للناس دي افتقاد علي الاميلات
ربنا يعوضك يافيلو ويفرح قلبك

[elphilasouf]

ياجماعه ياريت زي مابتشاركوا برد تشاركوا وانكوا تسالوا لما تيجى منكوا احلى كتر
رساله فى بروفيل 25 عضو مش صعبه يعنى
ومش متعبه

[mmg]

25 بس لا ياراجل قول 100 قول 200
و دول نجمعهم ازاى دول
وبعدين التواجد فى المنتدى مرتبط بالنت
لكن عموما هى فكرة حلوة .

[mmg]

طيب فى حاجة ازاى نفتقدهم ازا كان كتتتتير منهم منعرفهمش معرفة شخصية يعنى مجرد اسماء بس
و المشهورين نسبة كبيرة منهم موجودة والباقى معظمة ظروفهم مش مساعداهم يعنى مشغولين .

[elphilasouf]

خلاص يا مينا انا خلتهم
لكوا 10 بس ان كان ال 25 كتير

وبعدين كفايا انك تعرفهم بالاسم ومن خلال مواضيعهم
انت معقد المساله ليه
الموضوع اسهل من كده
هما كلمتين صغيرين رساله زوار
يمكن متفرقش معاكوا بس هتفرق مع الى
بعتله هيحس ان فى حد بيسال عليه
صدقونى هتفرق معاه كتير

[kamer14]

فكره حلو اوى جد يافيلو فكره افتقاد الاعضاء بجد عشان يعرفوا ان فى ناس بتحبهم وخايفه عليهم وميسيبوناش تانى

[elphilasouf]

اخيرا حد فهم صح
ميرسي يا قمري
ربنا يخليكى
وياريت تفقدي كل الى فى بروفيلك