[سيزر الروش]

كلمه من قلبى وبقولها يا ناس البابا شنوده علمنى حب الناس

وداعه وحب واحساس وكلامك كله ميزان حساس

يا رجل الصلاه كلامك بخور وعندك حكمه لكل العصور

وفى كل المواقف عندك حلول متعرفش صعب او مش معقول

حياتك صعبه وحملك تقيل يا شايل همومنا وبينا كفيل

تمسح دموعنا وتصلى عنا وتطلب من رب المجد ينزعها عنا

محبه كتيره وقلبك كبير يا صاحب القداسه دموعك كتير

بتبكى عليا وعلى كل خاطى وعلى كل من بعد عن طريق الفادى

بحب وحكمه وقلب حنون دا انت خليت ابليس مجنون

بتجمع ولادك من طريق الهلاك دا كلامك يخلى الخاطى ملاك

كلامك وديع وفيه موعظه باتعلم منك كل يوم عظه

زمنا الصعب اصبح سلام بحب وسماحه ملكت الزمان

صلى من اجلى ياحبيب المسيح لرب المجد يسوع المسيح

يغفرلى زنوبى انا الخاطى الجريح و ارجع فى حضن ابويا المسيح

وارجع واقول
كلمه من قلبى وبقولها يا ناس البابا شنوده علمنى حب الناس

المصدر: †† ارثوذكس †† - من قسم: القسم الادبي