[iloveusomuch]

ده قبل الماتش ميبدء بدقايق
^
^
^
^
^
اقتباس:
يالا يجدعان على بركه الله الماتش على وشك البدء كله يدعى ومنصورين اكيد
اقتباس:
الاهلى هيفرج العالم كله ان بطل افريقيا جاى يوصل فاينال ان شااااء الله
اقتباس:
انا قاعد منزلتش فتحت الورشه المهم افرح انا وعيالى يالا يااهلاويه شدو حيلكو شويه
اقتباس:
انا متفائل والله وهنكسب 3 صفر
اقتباس:
معانا فرقه تخوف بجد يارجاله وسمعتهم سبقاهم من غانا 2008 انا مش مقلق غير من امير ربنا ينفخ فى صورته

اقتباس:
هو لما نكسب هنلعب يوم الاربع الساعه كام مع بطل فنزويلا بتاع اميركا الشماليه
اقتباس:
انا وحوده وعاطف نفضنا لامتحان الميد ترم فى الكليه وقعدنا توز المهم الاهلى يمتعنا
اقتباس:
متتصل ياشادى صحى الولا كالوشا ده قاللى انه ظابط 4 منبهات عشان يصحى ولسه مجاش صحيه ياعم لو راحت عليه نومه ومحتفلش معانا هيضرب هيثم
اقتباس:
يالا يااهلاااويه الماتش بدء ثلاثيه مع الرأفه ان شاء الله
وبدءت المباراااه
^
^
^
اقتباس:
الحكم ده كويس اوى مش سايب اى هفوه ومظبط لاعبتنا قصاد الحمير الوحشيه دى مش حكام مصر الاغبيه
اقتباس:
الكبييييير كبيييييير بنحبك يااميييير ايوه هو ده السد العالى بتاعنا بقا شال حته فاول قاتل ان شاء الله شهاده ميلادك هتكتبها فى البطوله دى وتقودنا للفاينال ياامير
اقتباس:
ربنا يحميك ياامير تسلم ايدك يابنى ان شاء الله تبقا احسن حارس فى البطوله دى
اقتباس:
العب يااهلى يالا انا راهنت بـ 100 عالثلاثيه ومش هتنازل عنها وانا واثق من مهرجان اهداف ياولاد الاسطوره صالح سليم
اقتباس:
امير شال جون تانى محقق من انفراد لالا مش ممكن ياامير ربنا يخليك لينا يابنى

اقتباس:
حقك علينا ياامير حقك على راسنا ياكبير انت اسطوره فى المرمى
اقتباس:
الاووووووووووووووووول زيدان افريقيا ياسلام عليك ياتريكه افتحها يابنى جون ماركه مسجله بااسمه حط زيه فى السودان فى غانا بس دى خبطت
اقتباس:
دلعوهم يارجااااله ايوه هو كده بركاتك ياامير
اقتباس:
الحكم ده مشكله ياجدعان جامد اوى يارب يكمل كده للاخر
اقتباس:
التااااااااااااااانى فلافيلو ادى اديلو ادى اديلو جاينلك يامانشستر الحق استخبى
اقتباس:
لالالا ايه الابداع اللى بيعمله الاهلى ده تسلمو يارجاله كل الاهلى رجاله النهارده ابداع ما بعده ابداع
اقتباس:
النهارده مهرجان اهداف يارجاله جوزيه الفنان ناوى يولع اليابان
اقتباس:
ولسه ولسه ولسه ولسه
اقتباس:
يالا يارجااااااله حطو جون كمان دلوقتى واقفلو على كده عاوز الثلاثيه اللى قلت عليها عشان اخد ال100 ج
اقتباس:
انا قلتلكو هناخد البطوله دى محدش صدق ادى اول البشاير جونين فى واحنا لسه الدقيقه 43
اقتباس:
انا قايلك امبارح يارامى ايه مش قلتلك هنكسب 4 مع الرأفه وهنمرمط بيهم الارض وجوزيه هيبدع
اقتباس:
ياااه الحمد لله والله انا كنت قلقانه بس طلعت فرقه عيانه لو الاهلى نزل بالاحتياطى هيظبطهم
اقتباس:
safr el 7km 5ols el shot ya 5sara kona 3awen netmt3


ما بين الشوطين والتفاؤل والافراح والاهازيج الحمراء
^
^
^
^

اقتباس:
خلص الشوط راحه صغيره ياجدعان ونتفرج عالمتعه ان شاء الله 6-1 زى اخواتنا البعدا
هيخافو يروحو ناحيته تانى
اقتباس:
و6-1 ليه ياعم هيه 6 من غير 1 الوحش امير اللى واقف مفيش ولا جون هيدخل ده خلاص كدر مهاجمين باتوشكا بالكورتين اللى صدهم هيخافو يروحو عنده تانى
اقتباس:
ANA 3AWZA EL 3OGEZY YENZL 3SHAN YEMT3NA SHOWIA 5ALAS KDA EL MATSH 5OLS
اقتباس:
مبروك يااهلاويه وان شاء الله هنكسب يوم الاربع فرقه الاكوادور دى وهنقطعها ونوصل فيانال طريقنا مفروض بالورود
اقتباس:
انا حلمت ان كسبنا اربعه والله ياجماعه والله والله حلمتها كسبنا 4 سبحن الله اتحقق نصها اهو وانا واثق فلافيو وبركات هيحطو جونين كمان الشوط التانى
اقتباس:
انا بعشق جوزيه ده بجد ايه الابداع واللعب ده بجد جوزيه افضل مدرب جه فى تاريخ افريقيا بس ربنا يستر لما يقودنا النهائى بالابداع ده البرتغال هتخطفه احنا نربى وهما ياخدو عالجاهز
اقتباس:
والله ياولاد مش خساره القعده عالصبح دى فى اللى مفرحنا ومنسينا همنا انا والله مفتحت المحل لسه ومش هفتحه الا بعد متمتع
اقتباس:
انا مش فرحان ولا شمتان غير فيك ياحضرى يابطيخه ياللى كنت ناحسنا معاك مخدناش اكتر من المركز التالت والخامس قبلها مع امير حبيبنا واصلين فاينال ان شاء الله بمنتهى السهوله
اقتباس:
احمد فتحى نجم الشوط الاول مكوك فى اليمين ونص الملعب
اقتباس:
انا مش مصدق عنيا انا راحت عليا نومه ولسه صاحى 2-0 والشوط الاول لسه عاش ياولاد مختار التتش عاش ربنا يحميكو يارب ان قلت الاهلى راجع بالكاس محدش صدقنى
اقتباس:
بجد شكرا احمد ناجى مهيئ امير وموصله لفورمه خرافيه البطوله دى امير فايق ومصحصح ومالى الجون ومدى ثقه لخط الدفاع قدامه فعلا صبرنا ونولنا يااهلاويه اسطوره جديده فى المرمى الاهلاوى بعد اكرامى وثابت البطل اذهب الى الجحيم بطيخه
اقتباس:
انا اخويا كان جايب بوستر لامير من شهر مرضتش اعلقه فى الاوضه عشان بتخنق منه والله لقايمه معلقاه دلوقتى الشوط التانى مش هيبدء الا ونت منور الحيطه يااجمد امير
خدو بالكو بعد كده هيقولو ايه عالمدرب بتاع باتشوكا
اقتباس:
جوزيه يهجم اكتر الشوط التانى وقضى عليهم عاوزين مهرجان اهداف المدرب بتاعهم شكله عبيط وجبان وغبى واقف مذهول من اللى اساطير الاهلى بيعملو على ارض الملعب الله يكون فى عونه الشوط التانى حقيقى الاهلى مش هيرحمه
اقتباس:
انا فى نادى الجزيره اهو والنادى مولع الناس اللى كانت بتتفرج فى البيت نزلت دلوقتى كلها جت النادى تتفرج عالشوط التانى وتحتفل والنادى بقا زحمه جدا لحد الجون التانى كان النادى يعتبر فاضى كله وصل النادى يحتفل اهو اهلى الابداع هيمتعنا
اقتباس:
المعادى عندى هنا مولعه زفات العربيات بدءت من دلوقتى
اقتباس:
ياشباب اهدو شويه واجلو الاحتفالات لبعد الماتش لسه فاضل ساعه الا ربع كامله والكوره ملهاش كبير بلاش نتغر الله يكرمكو باشوكا هتنزل هتهاجم ومعندهاش حاجه تخسرها ودفاعنا كان شوربه الفتره الاخيره فى الدورى
اقتباس:
طاهر ابو زيد خلاص قالك مبروك للاهلى التأهل للمربع الدهبى والاهلى هيزيد الغله الشوط التانى وانا بثق فى تحليلاته جدا فعلا كده مبروك للاهلى
اقتباس:
انا قاعد انا وابويا واخواتى واجوزا اخواتى عندنا من الساعه 6 الصبح واصحاب ابويا واصحابى عملنا البيت استاد والحمد لله كلنا هيصنا وفرحنا واحلى لمه ولسه هنتمتع باقى الماتش ربنا يخليك لينا يااهلى يامفرنا ومجمعنا دايما فى الافراح
وهيه عامله ايه دلوقتى بعد ال4
اقتباس:
ياجدعان والله حرام بجد الاهلى يلعب فى دورى القذورات بتاع مصر ده مع الفراخ البيضا وبتوع المانجو والله بنوسخ نفسنا واسمنا لما بنلعب وسطهم وننافسهم الاهلى خلاص بقا فرقه اوربيه الاهلى برقبه فرق فرنسا كلها والمانيا لو راح لعب فى البوندزليجا هينافس بايرن عاللقب ولو راح البيرمير هينافس المان وتيشلسى والليفر وهيسكع الارسنال كل ماتش حرام بجد فرقه زى دى تدفن فى مصر
اقتباس:
ياسلام لو حلمى يتحقق والمان يتغلب فى مفاجأه من فرقه اليابان اللى هيقابلها بفعل الارض والجمهور واحنا بالمنظر ده ماتش الاكوادور فى جيبنا ونلاقى نفسنا فى الفاينال مع فرقه اليابان والاهلى ينكد عاليابان كلها زى مسبق ونكد على تونس والمغرب والجزاير والكاميرون يضم اليابان للقايمه ياااااارب حقق امنيتى
اقتباس:
والله كنت لسه بقول لمصطفى الكلام ده امبارح ان الاهلى حرام يلعب فى البلد منتخبها عمال يتسيط على قفانا ويقولك الفرخه البيضه اللى اسمها شحاتيلى عمل وسوا بالمنتخب وهو لحم كتاف اهله من خيرنا وخير لاعيبتنا وجوزيه لولانا مكنش بقا فى اسم لمصر عالساحه العالميه بس يالا سيبوهم يسترزقو بلد غلبانه
اقتباس:
احنا ننسحب من الدورى القذر ده بتاع اتحاد البيزنس ونعمل دورى مع نفسنا فيه فرق الناشئين والاحتياطى والفريق الاول والله هيبقا فيه منافسه عن الدورى المريض اللى شغال ده وهنستفاد اكتر ونذيعه على قناتنا
اقتباس:
شويه عربجيه بيشجعو الفراخ البيضه عاملين راسهم براسنا ومستنيين نتغلب عشان يشمتو فينا ده لما تشوفو حلمه ودنكو خليكو فى اسيوط والاوليمبى جتكو القرف انا ناوى اساسا اقطع علاقتى بااصحابى الزملكاويه لو مبقوش اهلاويه مبقوش من مستوانا
اقتباس:
looooooool fe3la nefsy ashof shakl el zamalkawia today haib2a 3amel ezay dol hat3'amo 3'aam rabna yekon f 3onhom
اقتباس:
يالا يارجاله الشوط التى هيدبء اهو طفو الانوار واتمتعو بفيلم الرعب اللى بيعرضه الاهلى حصريا
اقتباس:
heheheheheheheheehehehehe el 2hly heimsl fehom el goz2 el 5ames mn SAW
اقتباس:
جوزززيه يافنان متعنا كمان وكمان فلافيو ياكبير قطعهم بالسوااطير بو تريكه ياقديس خليهم خنافيس
اقتباس:
بلاتر الشوط الاول كان بيوشوش الخطيب الكاميرا جت عليه اكيد بيقولو لما اسيب الفيفا هرشح نفسى فى انتخابات وعاوزك تساندنى شرف ليا انا ابقا رئيس عالافذاذ اللى فى ارض الملعب دول
اقتباس:
بدء الشوط التانى الله حى والتالت جى الله حى والتالت جى


الصدمه والرعب
^
^
^
^
اقتباس:
المدرب بتاعه معمل تغيرين مره واحده والنبى لو عملت ايه مغلوبا مغلوبا ياولدى
اقتباس:
يالا عاوزين التالت بقا بسرعه قطعوهم موتوهم
اقتباس:
التاااااااااااااااااااااا اااااااالت بركوته يا سلام يا سلام
اقتباس:
ههههههههه ايه الفرقه العيانه دى التالت عالسرييييييع ياسلام عليك ولد دحنا هنقطعهم
اقتباس:
اوفسايد يارجاله مش جون اتلغى
اقتباس:
الكوره مش تسلل بركات مش متسلل ايه الحكم ده
اقتباس:
ابتدينا الكوسه بقا وحرقه الدم وربنا الجون صحيح
اقتباس:
el 3iar ely maisbsh yedwsh w homa etr3bo akter b el gon ely etl3'a da
اقتباس:
الجون الاول لباتشوكا
اقتباس:
ايه ده ياامير الكوره بتاعتك ده جون يخش
اقتباس:
اهى اتردت بجون الله يحرقك حكم هو التحكيم مش عاوز يسيبنا فى حالنا
اقتباس:
احمد السيد ياعم الجون بسببه حطه فى نفسه متهيئلى والله مكنتش قلقان من قبل الماتش غير منه غلطاته بااجوان وش
اقتباس:
عادى عادى ياشباب ولا هيأثر فى حاجه نجومنا هينتفضو عليهم دلوقتى وهيخلص 6-1 زى مقلت
اقتباس:
مكنش له لازمه الهدف ده خالص ممكن يفوقو كده
اقتباس:
الجون من امير بس حصل خير يركز بس باقى الماتش ربنا يستر اصله لما بيتهز بيخربها فوق دماغنا
اقتباس:
ايه ده الاهلى ماله وحش اوى والفرقه دى ماسكه الملعب كله مننا وضاغطه بشكل خطير ربنا يستر
اقتباس:
شادى محمد بيهبب ايه بس قلنا كزه مره ده مينفعش ليبرو ياجماعه دنه حاسس انه تايه والفرقه دى هاجمه بشكل يجيب الضغط انا مرعوب
اقتباس:
الحمد لله راجل ياوائل شال كوره كانت التعادل اكيد هو فى ايه الاهلى بيدافع كده ليه
اقتباس:
اهدو ياجدعان هو ده لعب الاهلى هيخليهم يهجمو يهجمو ومره واحده هيلسعهم بجون يقتلهم فيه انتو اول مره تتفرجو عالاهلى ولا ايه
اقتباس:
العيال بتوع باتوشكا دول لياقتهم ايه ده ياجدعان دول مبيتعبوش عاملين زى التيران فى الملعب والواد خمنيز ده بلوه ربنا يستر ولاعبتنا تجاريهم لاخر الماتش
اقتباس:
المدرب بتاعهم ده طلع داهيه التغيرات اللى عملها خلتهم بقو عاليين علينا ولها اثر جامد فى الملعب اعمل حاجه ياجوزيه ورد عليه

اقتباس:
هو فلافيو مورهوش حاجه غير انه يقع فى الاوفسايدات وخلاص قدام ارجع وخلاص ياعم دافع وساعد زمايلك قدام التيران اللى سلخانا عند الجون دول بدل منت قاعدلى فى الاوفسايد
اقتباس:
تغيير تالت لمدربهم انا بدءت اخاف من الراجل ده شكله داهيه مش غبى وعبيط زى مكنا فاكرين وجوزيه بيتفرج ومعملش اى تغيير والفرقه مضغوطه
اقتباس:
فاول خطير جدا للمكسيك ربنا يستر معدش فاضل الا ربع ساعه يااارب عديها على خير
اقتباس:
امير بيظبط الحيطه يالا ياامير ربنا يوفقك ان شاء الله هتجيبها ياوحش افريقيا

اقتباس:
يالهوى جون
اقتباس:
يانهار اسود التعادل
اقتباس:
من 2-0 للتعادل دى مسخره ايه الل الاهلى بيهببه الشوط التانى ده ده فاصل من العك الكورى لازم كانو يتعادلو ادام ضاغطين كده

اقتباس:
يانهار اسود الله يحرقك ياامير شوفت الجون فى الاعاده امير موقف الحيطه فى ناحيه وواقف معاها وسايب الزاويه مفتوحه دنه لو جبت امى هتقفل الزاويه دى شيئ بديهى ربنا ياخدك ياشيخ
اقتباس:
الجون مسخره بجد وفضيحه دى منظر حيطه وامير واقف عمال يزعق ويظبط فيهم انا قلت هيقفلها بالضبه والمفتاح قدام الولا ويقفله الزاويه فى الاخر الاقى الزاويه مفتوحه كده
اقتباس:
انا قلتلكو امبارح وربنا محد هيغرقنا غير امير ولما بيتهز خلاص انسى لو حدفتله كوره باايدك هتدخل جون
مسخره الكومينت ده

اقتباس:
والله انا شاكك ان الحيطه كانت واقفه صح ومظبوطه وامير قعد يزعق ويظبطها راح مبوظها وفتح الشارع ده والكوره جت جون استغفر الله العظيم يارب
اقتباس:
المدرب بتاعهم ده جامد اخر حاجه كل تغيير يعمله بجون بعدها اعمل تغييراتك بقا ياجوزيه نزل العجيزى او المحمدى واسحب فتحى ادائه هبط خالص وبقا فى شارع ناحيته
اقتباس:
الجون وشششششششششششششش بتاعك ياامير حرام عليك والله
اقتباس:
احيه احمد حسن خارج !!!
اقتباس:
نفس الغلطه برضه جوزيه مبيتعلمش الكزه مره اللى اتهف فى نافووووووووووووووووووووخو وخرج احمد حسن كنا بنتغلب فيها برضه مفيش فايده معرفش احمد حسن عامله ايه
اقتباس:
احمد صديق ولا هيعمل حاجه قدام التيران اللى فى الملعب دى احمد حسن كان دينامو مبيهمدش شمال ويمين وورا تخرجه ليه يعنى
اقتباس:
ايه الفرقه مغلوبين 2 ويرجعو بالمنظر ده وياكلو النجيله دنه كنت فاكرها فرقه تعبانه والله
اقتباس:
ياعم وربنا فرقه تعبانه انت اللى معاك للاسف مدرب مجنون كل شويه بحاله منتاش عارف اذا كان عبقرى ولا غبى ومعاك جون حلوووووووف لو متقدم بـ 10 اجوان تفضل حاطط ايدك على قلبك قلقان منه
اقتباس:
استرها يارب

اقتباس:
ان شاء الله هيخلص 6-2 لينا مش 6-1
اقتباس:
الزملكاويه عاملين هيصه فى الشارع
اقتباس:
ياعم ارحمنا والنبى مفيناش اعصاب 6-2 بااماره ايه انت عندك هجوم اصلا انا مشفتش الجون بتاعهم من الدقيقه 47 وفلافيو واخدله تعسيله فى الجون هناك ياعم والنبى ياااااعم اقعد ساااكت وسيبها تعدى على خير
اقتباس:
هووبا معوض بيسخن شكل جوزيه فعلا ناوى يخربها ويدافع
اقتباس:
بلن لتريكه وربنا بلن
اقتباس:
الحكم ده متحيز بشكل مستفز وغبى ليهم وكمان ادى انذار لتريكه الله يحرقك يابلاتر الكلب
اقتباس:
بصراحه انا شايف ان مفيهاش حاجه وبالامانه لما بشوف تريكه بقا بيقع بقول انها مش ضربه جزاء وفعلا اول معرفت انه هو اللى وقع قلت مش هتطلع بلن والاعاده بينت انه رامى نفسه اهو خد انذار عالفاضى
اقتباس:
مهو هيعمل ايه يعنى الفرقه واقعه بشكل غبى وهو لوحده اللى بيلعب ووقوعه فى المنطقه مفيش حاجه تعيبه فيها الراجل بيحاول يخدم الفرقه
اقتباس:
لووووووول يخرب عقلك ياتريكه عفريت تريكه ده عفرييت يضحك عالجن بس هاردلك ياحبيب الملايين المرادى الحكم حالف ان الاهلى ميكسبش
اقتباس:
يانهار اسوح كوره فى العارضه ايه ده انا حاسس اننا بنلعب ناقصين العيال بتوع باتوشكا دول كتير كده ليه
اقتباس:
3 دقايق وقت ضايع عديهم على خير يارب انا خلاص مبقاش فيا اعصاب اللى شوفتو فى شوط واحد مشفتوش الموسم كله
اقتباس:
منك لله ياامير كان زمانا مرتاحين دلوقتى جالك من ده باايه بس عمرك متستر فى حته ابدا
اقتباس:
خروج فتحى ونزول معوض صديق ومعوض فى الملعب وعاوزين نكسب طب ازاى
اقتباس:
انتظرو اى جون لباتوشكا فى اى لحظه دلوقتى خلاص سيطرو واى لحظه هيحطو جون الاهلى مش فى الملعب اساسا
اقتباس:
yaraaaaaaaaaaaaaaab ensoorna ana 5alas mesh 2ader

اقتباس:
التالت خلاص خلصت انا قايم اتخمد
اقتباس:
انا هيجرالى حاجه
اقتباس:
انا بطنى هتموتنى من الوجع
اقتباس:
ايه الدفاع ده ومين الفرقه اللى لابسه احمر دى ده مش الاهلى بطل افريقيا ومرعب انديه العالم

اقتباس:
البدرى بيتااوب ياعم روح نام فى اللوكنده ياعم احنا ناقصين مش كفايه امير علينا
اقتباس:
بصو والنبى امير داخل عالكوره ازاى ياللى بتشتمو فى الحضرى داخل كأنه بيلعب الحجله بدل ميرمى نفسه قدام اللاعب ويحوش الكوره بجسمه داخل عليه وهو واقف بطوله ايه اللى هنافس فيها ومعانا جون زى ده
اقتباس:
احنا نمشى جوزيه ونجيب مدرب الفرقه دى ده مجرم ايه اللى بيعمله ده قلب الترابيزه علينا بتغييراته مدرب عبقرى واحنا اللى كنا بنقول ده شكله غبى
ربنا يستر ويخلص الماتش على كده الاهلى ضايع خلاص كأننا بنلعب ناقصين 3 عالاقل


اقتباس:
انا حاسس انى فى كابوس
اقتباس:
جوزيه السبب الاول والاخير فى الهزيمه دى ارحمونا بقا كل شويه سااحر وقرف ويعمل تغييرات غبيا بيضيعنا العبقرى ميكررش غلطه اكتر من مره ويتعلم منه انما جوزيه دايما يكرره
اقتباس:
ياجدعان اهدو لسه فى الماتش والفرق واحد ان شاء الله قادره اللاعيبه انها تعوضه اقفو جنب الفرقه وادعولها مش امير ده اللى من ساعه كنتو حطينو على دماغكو واسطوره دلوقتى بتشتموه وجوزيه من يومين كان عبقرى دلوقتى بقا غبى ويمشى فى ايه ان شاء الله هنكسب
اقتباس:
لا والمدرب بتاعهم طالع يشتغلنا ويقولك عالاهلى ياله من فريق اومال احنا نقول على فرقتك ايه ياعم الفرقه دى جباره بجد وتقيله اوى
اقتباس:
يااستاذنا نعوض فين اللى ميشوفش من الغربال يبقا اعمى الفرقه منهاره دى لو حطت جون دلوقت هيدخل فيها 3 قصاده قول يارب تخلص على كده بس لسه فاضل ييجى ربع ساعه هيضغطونا فيها واحنا معانا حمتر حصاوى واقف فى الجون
اقتباس:
اللى يشوف الاهلى الشوط الاول ميشفهوش دلوقتى انهيار غير طبيعى اللاعيبه مش قادره تجرى وامير حاسس انه واقف فى الجون بيرتعش والله الكاميرا جت عليه كان مغمض عينه وبيزك على سنانه اوى ده تعبير واحد مرعوب مش خايف بس
اقتباس:
الرابع يانهاار اسود احنا اتفضحنا
اقتباس:
el raaab3 yady el moseba ana 7ases en batoshka dy edtna 30 2afa 3la sahwa f 3ez far7tna
اقتباس:
وحياه ربنا انا قاعده بعيط من القهره والخنقه
اقتباس:
ازاى ده ياناس حد يعقلهولى من 2 صفر الشوط الاول وفرحه وتنطيط ل4 دلوقتى وعياط وانهيارات ايه اللى عملته فينا الفرقه بتاعه المكسيك دى
لوووووووووووووووووووووووو وووووووووووول
اقتباس:
لووووووووووول ده مفيش لا دفاع ولا خط نص ولا جون اومال راحين اليابان نهبب ايه دحنا اتفضحنا
اقتباس:
احنا خدنا افريقيا ازاى بالمنظر ده اول مره اشوف الاهلى فاضى بجد
اقتباس:
el gon el rab3 ma7'ra wa2l beidy el kora lehom 3shan yeo7o y2smo f 3la amir

اقتباس:
انا ناول افتح المحل وقفو حالنا الهى ربنا يوقف حالهم زى محرقو دمنا ونكدو علينا عالصبح الله يخرب بيتك ياامير انت وحوزيه جالى من ده باايه بس مهينوبنى الا التهزيئ من ابويا
اقتباس:
كده بانت خلاص الاهلى اللاعيبه الكبيره شطبت ولازم تريح ونجيب لاعيبه صغيره ونديهم فرصه دول مكانوش قادرين يجرو جنب لاعيبه المكسيك
اقتباس:
يادى المصيبه كوره كانت هتبقا جون خامس للمكسيك متصفر ياعم الحكم بقا الله ياخدك ياشيخ مش ناقصه فضايح
اقتباس:
انا نزلت جون باتشوكا التعادل مصيبه بجد جون زى ده ازاى يدخل فى حارس مرمى احسن نادى فى افريقيا ده مش عارف يوقف الحيطه ده الواد راكنها اسهل ميركنها باايده
اقتباس:
خلصت المباراه ياحسره علينا
اقتباس:
يامين ينولنى رقبتك ياامير الكلب انت ضيعت حلمنا وفرحتنا موقفين بيبى بكافوله فى الجون
اقتباس:
وقعدنا من الكليات ونضفنا للامتحاناات عشان يتحرق دمنا كده
اجمد كومينت

اقتباس:
خلاص ياعم انت هنعمل ايه يعنى السفر والارهاق كان وحش عالاعيبه المشواااار بعدي اوى صدقونى والساعه البالبيوجويه مش مظبطه معاهم كل ده عوامل اثرت عليهم نعوض فى اليان السنه الجايه وامير يتمرن كويس عالكور السابته يظبط الحيضه كويس


باقى الكومينتات مسخررررره للصبح


اقتباس:
انا مصدوووومه بجد حسه ان كنت نايمه وصاحيه على كابوس
اقتباس:
يعنى اللى يشوف امير اول الماتش وهو بيصول ويجول فى المرمى ميشفوش الشوط التانى وهو خرم بجد حرام واحد زى ده يلعب فى الاهلى منك لله ياحضرى دبستنا فى التهمه السوده ده
اقتباس:
انا لحد الان مش قادر اصدق الهزيمة انا حاسس انى بحلم ومصدوووووووووووووووم

فرحنا جدا فى الشوط الاول وبعدين صدمنا فى الشوط الثاتى

انا زعلان جداااااااا

اقتباس:
صدقونى لو كان وقف شنكليح بتاع المراجيح كان بقا افضل
اقتباس:
مين اللى قال ان امير كويس

قبل مباراة الاهلى وانبى فى الدورى الممتاز كتبت موضوع بقول فيه ان امير لا يصلح حارسا للنادى الاهلى واكدت على ان امير سيكون من اهم الاسباب التى ستؤدى الى فشل الاهلى فى اليابان
هاجمنى العديد من اعضاء المنتدى الكرام واتهمونى باننى لا افهم شئ فى الكرة
بعد مباراة انبى وفى نفس يوم مباراة الاسماعيلى الزمالك قمت بعمل مقارنة بين امير عبد الحميد وعبد الواحد السيد وكانت المقارنة فى صالح عبد الواحد السيد بكل تاكيد
وهاجمنى ايضا اعضاء المنتدى واتهمونى بتشجيع حارس الفريق المنافس وكان عبد الواحد السيد من اسرائيل وليس حارسا لمنتخب مصر
فى الاخر اود ان اقول ان هناك عدد كبير مقتنع تماما ان مستوى امير تعبان لن يصل الى فورمة الحضرى حتى لو اكتسب خبرة عشر سنوات اساسى فى النادى الاهلى وذلك لانها مسالة امكانيات ليس اكتر وامير لا يمتلك تلك الامكانيات وهذا شئ لا يعيبه لانها حكمة ربنا ولكن العيب على من يعطيه مكانا لا يستحقه الا وهو مرمى النادى الاهلى
اقتباس:
وانا والله عارف لو كنا خسرنا علطول زي متش اتحاد جده كده كان حيبقى عادي بس الحصل ده صدمه فظيعه بجد وفضيحه الشوط الاول خلاص احتفالات وخلصت
اقتباس:
هقول ايه مش لاقى كلام اقوله مات الكلام على طرف شفايفى انا مقهووور بجد
لوووووووووووووول الحاج هيكل واضح انه متنكد على الصبح من الحاجه عنده وعارف النكد عالصبح

اقتباس:
تقولولى اكتر تزعلك ايه ياحاج هيكل اقولكو النكد اللى عالصبح دهو اى وربنا بيبقا غم وصده نفس وقرف بكرهو موت موت النكد والفقر اللى عالصبح روح الهى تنطس فى كرشك ياامير
لوووووووووول الواد ده مسخره

اقتباس:
سيبوكو بس من الماتش والهزيمه والله ما فى دماغى الاهلى حبيبنا وياما فرحنا فداه ميت ماتش بس حاجه واحده مخليانى اخبط راسى فى شاشه الكمبيوتر ناو
ازاى فاول زى ده الحيطه تقف عكس اتجاه الكوره !!!
يانهار اسود ياجدعان دنه عمرى مشوفتها ده عمر لما جابوه يقف جون فى الكااابتن ماجد ظبط الحيطه عن امير النهارده لا واللى يغيظ انة عمال يزعق
فلافيو شمال شمال وقف كله فى الشمال وراح وقف وراهم !!

اقتباس:
ال4 اجوان بتوع امير بجد ده المفروض وربنا يتجمرك وهو راجع ميدخلوهوش من المطار دنه لو من حسن حمدى اعلقه على برج الجزيره عشان يبقا عبره
اقتباس:
ياجدعان امير مظلوم حرام عليكو فرقه فيها 11 لاعب هنشيله هو لوحده الهزيمه حرام الفرقه كلها كانت زفت وجوزيه كان وحش

اقتباس:
طب انا عزمت البيت عندى وكل قاعدين بيتفرجو على كانز بين الشوطين اعمل انا ايه دلوقتى الموبايل مفيهوش رصيد من الضهر وعاوز اشحنه مش عارف بعد مفلست الهى ربنا ياخدك ياامير
اقتباس:
فعلا امير مظلوم انة يلعب فى الاهلى
دا كبيره الزمالك
اقتباس:
المفروض الحيطه فى اليمن وطفل الحضانه فى الشمال

ثانيا 4 لاعيبه بس فى الحيطه؟

ليه انور شلوفه اللى حايشوط

مايقف سته ولا سبعه يسدوا الجوول

ولا هو فاكر نفسه الكابتن رعد حايطير يصدها

الصراحه الكوره دى فضيحه فى تاريخ احمد ناجى وامير

اقتباس:
ماله الهانى سليمان بدل الخررررررم الفسوخه ده بس

اقتباس:
والله العظيم قبل الكورة
جمعة بيقولوا شمال ايه اللى نروحها
الكورة اهيه يا امير
يمييييييييييييين يمييييييييييييييييييييييي ين
!!!!!!!!!!!!!!
اقتباس:
وسايبين الواد المكسيكى واقف معاهم فى الحيطه
واتشاطت فى اتجاهه بس هو وطى راسه لانهم متفقين على كده
انما دفاعنا حافظ مش فاهم وامير واقف اكنها ضربه جزاء
اقتباس:
جوزيه سبب الهزيمه من غير رط كتير انا لغايه دلوقتى مش مصدق ان احمد حسن واحمد فتحى طلعوا من الملعب
اقتباس:
لا الصراحه امير انهارده كان متالق في خنق الجماهير
اللي في القهوه كلهم شالو ذنوب الدنيا والاخره علي حسه وانا اولهم
اقتباس:
وشادى كان زفت قلنا محتاجين ليبرو محتاجين ليبرو ولا حد بيسمع
اقتباس:
كويس والله ان متفرجتش عالماتش راحت عليا نومه الله يكون فى عونكو ده زمان اميرخنقكوا

اقتباس:
ياعم هنجيب ليبرو منين ما الزفت الزمالك خطف كل الليبروهات منا اللى موجودين فى مصر جاب فتح وهانى واحمد مجدى وسابنا نغنى ظلموه ربنا يحرقهم بجاز وسخ هما كمان
اقتباس:
جوزيه النهارده كان غبى رسمى اول مرة تحصل انك تلعب بارتكاز واحد بس لا وايه قدام فريق مهاجمك 90 دقيقة
بجد مش ممكن كمية اخطاء النهاردة لازم حل سريع لان اغلب الاخطاء مكررة واغلب نقاط الضعف معروفة ومن زمان
اقتباس:
بيفكرني بجون بشير في الحضري .. الفاول
الحضري موقف الحيطه و واقف وراها ..
لوووووووووووووووول
يخربيت كده يا جدع

اقتباس:
أنا كل ما أشوف الجول من الكاميرا اللي ورا أبقى هاخبط دماغي في الحيط
مافيش كده في الدنيا هتجنن وربنا انا مش حارقنى فى الماتش كله غير الجون ده والله لو كنا كسبنا 10-1 ودخل الجون ده كان دمى هيتحرق الجون مسخره اساسا
اقتباس:
المفروض كان احمد ناجى ينده على من عالخط ويقولو اقفل الزاوية يا جودزيلااااااا
ههههههههه منك لله اامير والله الواحد مش عارف يضحك ولا يعيط فعلا هم يبكى وهم يضحك

اقتباس:
طب وقفتها غلط ياامير مااااشى اقف انت ياعم بقا فى الزاويه الصح
اقتباس:
المدرب بتاع باتشوكا ده داهيه بجد تسلم دماغه ملهاش حل هيه دى المدربين ولا بلاش مش جوزيه قاعد يتفرج 70 دقيقه وفى الاخر رايح يسحبلى اعلى 2 فى الفرقه وينزلى واحد زى معوض ياشيخ بلا قرف
لووووووووووووووووول
اقتباس:
انا ابويا قاعد شاايط ياجدعان عاوز اخد منه فلوس الدرس ومقلق وابويا فى الحاجات دى بيتلكك منك لله ياامير هتضيع مستقبلنا
اقتباس:
الجون ده لوحده كفيل انه يقعد امير ده فى بيتهم
ده لو انا اللى واقف جون كنت وقفت حيطتى صح
لا وايه كمان موقف الحيطة فى زاوية وواقف هو كمان فى نفس الزاوية
منك لله ياشيخ

منزل حسين ياسر امتى بس بعد ما الماتش خلص
اقتباس:
ولا يوم من ايامك ياحضرى والله كنا موقفين تنييين فى الجون مكنش فى راجل يقدر يقرب منه بس هنقول ايه بقا هو اللى عمل فى نفسه وعمل فينا كده احنا الاتنين متبهدلين فى بعد بعض
اقتباس:
انا عاوز اولع فى نفسى بجاز
اقتباس:
مش قولتلكوا امبارح بطنى مكركبه من مرمر
اقتباس:
مش عارفه اقول ايه بجد حقيقى والله مش لاقيه كلام اقول انا مصعووقه حسه ان عيل صغير ادانى بالقلم على وشى
اقتباس:
لازم نغير خط الدفاع والأوفة اللي واقفة في الجول
اقتباس:
مع امير مش هتقدر تبطل شتيمه روح منك للى كلت دراع جوزها ياشيخ
اقتباس:
ياريتنا والله مكنا خدنا افريقيا بجد حرقه الدم دى والفضيحه
اقتباس:
باتشوكا كان بيلعب ب10 مهاجمين والاهلى بيلعب بمهاجم واحد
اقتباس:
خلاص اللاعيبة بقت كخة دلوقتى وجوزيه لم شنطك وامشى
فعلا انا خايف على الاهلى من جمهور الاهلى الجديد
جمهور موسمى يظهر فى الفرح فقط
اقتباس:
امير مين هو احنا عندنا حد فى الاهلى اسمه امير ؟؟؟؟؟؟؟؟
اقتباس:
الزملكاويه عاملين افراح عندهم ولا كان مصر وصلت كاس عالم والله انا مش حارق دمى لا مزعلنى غير انهم شمتو فينا المفروض احنا اللى نشمت فيهم ونزلهم بس كون ان الفراخ البيضه دى تمسك علينا ذله ببقا هتجنن
اقتباس:
حرام والله الناس اللى صحيت من النجمه مستنيه دى والشباب اللى مرحوش كليتهم واللى طبقو وفى الاخر ترسى على 4 مع الرأفه وكنا عاوزين نلاعب مانشستر يااخى .. ولا بلاش احسن
اقتباس:
انا لو شوفت امير وجوزيه وشادى هجيب مصارينهم قدامى
اقتباس:
من الاخر مافيش حل غير هانى سعيد نشوف الزمالك عاوز ايه ونراضيه ونعمل صفقه معاه الواد موش عاوز الزمالك وبيتمرد وقرفان منهم والجماهير كمان مبقتش عايزاه ومش بتحبه ولو قادلهم صوابعه ال10 شمع عمرهم مهيرضو عنه ومش هينسولو ان اتخلى عنهم عشانا خلاص يبقا تبقا صفقه ناخده ونديهم دروجبا وحسين على اللى خطفناهم منهم عشان نحرمهم منهم مش اكتر ومركونين لحد محضمو عالدكه ونديهم عليهم فلوس وناخد هانى والطرفين مستفدين انما بالمنظر ده مش هينفع الزمالك ضربنا ضاربه فى مقتل لما خطف مننا الواد ده مشاكلنا كلها حلها عنده
اقتباس:
ابويا حلف طلاق بالتلاته مهو عاد متفرج عالاهلى طول مالقوله اللى اسمه امير ده واقف
اقتباس:
اكتر حاجه حرقانى ومجننانى التعشيمه اللى اتعشمناها والفرحه بين الشوطين دنه بعت رسايل تهنئه لكل اصحابى واتصلنا على كل الزملكاويه شمتنا فيهم وازعجناهم من النوم وصحيناهم عشان يفوقلنا بعد الماتش يقرفونا بجد دى اصعب حاجه والله لو هزيمه عاديه مش مهم بس الهزيمه دى حاسسها حاجة صعبة اوى
اقتباس:
انت بتقول فيها والله انا حاسس زى مكون خد 30 قفا على سهوا الشوط التانى ده يعنى مبسوط وبيضحك ومتمتع وهوبا طاخ طيخ طوخ وفين يوجعك ملحقتش اشم نفسى حتى
اقتباس:
لووووووووووول ميرو اكتر حاجه مزعلاه انه قال على مدرب باتشوكا غبى ونسخه مكرره من هولمان وبيقوللى لاقيته فيرجسون فى ارض الملعب
اقتباس:
على فكره فرقه باتشوكا دى هتوصل فاينال وهفكركو الفرقه تقيله وكويسه اوى ومعاها مدرب عقر ومصيبه هيبقا صعب اى فرقه تكسبهم
اقتباس:
انا نفسي اسئل جوزيه
ليه طلع احمد فتحي؟؟؟
ليه ساب بركات في الملعب ؟؟
اذاي نبقى مغلوبين وبندافع برضو؟؟
ليه منزلش العجيزي او ديروجبا مع فلافيو ادام مع ان بركات ملميسش الكوره غير مره واحده في جون فلافيو؟؟
والسؤال الاهم؟؟
ايه البرووووووووووووووووود اللي كان عليه النهرده واحنا معديناش نص ملعبنا ب10 كور على بعض طول ال4 اشواط؟؟
اقتباس:
مش ده امير الي كنا عاوزينو يبقي حارس مرمي منتخب مصر

اقتباس:
ياجدعان اقعدو ساكتين وسيبو امير فى حاله جوزيه مجنون وحياه ربنا مهوش متزن نفسيا أنا عارف جوزيه كويس ..
هيركن أمير .. و يلعب بأحمد عادل عبدالمنعم
ناقصه شلل أصلها عشان نموت بالسكته كلنا وقتها
اقتباس:
امير يا كتان فضحتنا فى اليابان
اجمد 4 كومينتات مسخرررررررررررره


اقتباس:
وانا اللى عمال اقول الحيطه بنت التتيييت مانطتش ليه

اتارى مفيش حيطه اصلا
اقتباس:
امير عبد الحميد ده عبارة عن حيوان زاحف
اقتباس:
منك لله ياحضرى منك لله منك لله ربنا ياخدك بسبب اللى عملته فينا والذل ده ولا تقوللى جوزيه ولا تريكه ولا بركات الناس دى طلعت فى كفه والحضرى كان فى كفه تانى لوحده دحنا من غيره عاملين زى الكلب اللى مالوش صاحب

المصدر: †† ارثوذكس †† - من قسم: قسم الرياضة

[الناى الحزين]

ياسلام على الماتش الهايل بجد جميل
بس عاوز اعرف حاجه صغننه
فريق باتشوكا ده سمعت عنه وهو فى اليابان حاليا
لكن فريه هاله ده يطلع ايه
مين هاله دى اللى فلاقتنى بيها من الصبح؟؟؟؟؟؟؟؟؟؟؟؟؟

[ELMAGEK]

ههههههههههههههههههههههههه ههههههههههههههههههه
موضوع كوميدى جدا ويوريك التناقض الاهلاوى
هقوم اعلق صورتك يا امير وبعديها طظ فيك يا امير
برافو احمد ناجى طظ احمد ناجى
العبقرى جوزية جوزية بتاع البطيخ
دى فرقا نكسبها 6
وربنا يستر لا نتفضح اكتر من كدة
ههههههههههههههههههههههههه ههههههههههههههههههه
مرسى اوى يا رومانى على التعليقات الى تموت من الضحك دى
ههههههههههههههههههههههههه ههههههههههههههههههههههههه ههههههه
للعلم يا ناى هالة = اهلى
ههههههههههههههههههههههههه ههههههههههههه

[iloveusomuch]

ياسلام على الماتش الهايل بجد جميل بس عاوز اعرف حاجه صغننه فريق باتشوكا ده سمعت عنه وهو فى اليابان حاليا لكن فريه هاله ده يطلع ايه مين هاله دى اللى فلاقتنى بيها من الصبح؟؟؟؟؟؟؟؟؟؟؟؟؟

هاله دى تبقى الفرقة اللى كانت لابسة احمر وشوفناها فى اليابان برضو
شكرا على مرورك يا أغلى ناى فى المنتدى

ههههههههههههههههههههههههه ههههههههههههههههههه موضوع كوميدى جدا ويوريك التناقض الاهلاوى هقوم اعلق صورتك يا امير وبعديها طظ فيك يا امير برافو احمد ناجى طظ احمد ناجى العبقرى جوزية جوزية بتاع البطيخ دى فرقا نكسبها 6 وربنا يستر لا نتفضح اكتر من كدة ههههههههههههههههههههههههه ههههههههههههههههههه مرسى اوى يا رومانى على التعليقات الى تموت من الضحك دى ههههههههههههههههههههههههه ههههههههههههههههههههههههه ههههههه للعلم يا ناى هالة = اهلى ههههههههههههههههههههههههه ههههههههههههه

هههههههههههههههههههههه
هما دول الاهلاويه يا ماجيك يا أخويا
فى الشوط الاول الاهلى كان عالمى و بينافس على اللقب
وفى الشوط التانى بقت الفرقة كلها زفت و جوزيه مجنون
ربنا يرحمنا
هههههههههههه
شكرا ليك يا غالى

[b o b b a]

ايها الحااااقدين اتركووووا فريقنا في حااااله
ده البطل
وشوفوا فرقتكوا التعبانه
لما تبقي فرقتكوا تاخد تاني الدوري حتي ابقوا اتكلموا
بطلوا حقد علي الاحسن منكوا
واحنا يكفينا شرفا تاهلنا لليابان
والحصول علي الاميره الافريقيه
ياللي بقالكوا اربع سنسن وماشيين في الخامسه
مش عارفين العيب فين

[b o b b a]

احنا بقالنا اربع سنين علي النهائي الافريقي
اخدنا منهم تلاته غير المركز التالت في اليابان ومحدش بيفضل كووويس علي طول ودي كبوتنا وهتتعدل قريب
مش زييكوا