[المحامي / شيرين شوقى]

فـى عيـدك

هقــول يا غـاليه

أم الكـل عالـــيه

زى فادينـا حنيـنه

فى وســـط ولادك

شمــعه منــوره

شجرة حب مفـرعه

على بيوتنـا مضلله

ومصــر بــلادك

كل جـرس كنـيسة

قبـه كبيرة وصغيرة

ترفع صورتك تطلب شفاعتك

يـا أمنـــــــا

وكل سنه وراها سنه

وانتى حضنك بيضمنا

انتى يا أجمل مجمرة

بتصلي عنا أمام إلهنا

ويرن صوتك فى الخلا

نـورتــي بيـوتنـــا

امتى نشوفك وحشنا ظهورك

من الزيتـــون لشـبرا

واسيــوط ودرنكـــه

فى كل حتـه فى مصـرنا

نجرى وراكي تطلى علينا

تزورينـــا مشــقرة

يمامه حلوة بركه من السما

تنشر جناحها فى الـوادى

أم الفـــــادى

تحـمى الحمــا

تشفى المرضى تمسح دموع ممره

تشرق بنسمه بلمسه حلوه معطره

كــل رايـه عالــيه مظــفره

بصليب يسوع تهديكي كلمه معبره

كل طفــل وكل طفـــله

راجـل وســت وارمـله

يقـول يا ماما يا سـكره

بركــة حيــاتنـا كـلنا

نهـــديك ورده

ونقول لك يا ستنا

.. كل سنه وانتي يا أمي طيبه ..

شيرين شوقى

المصدر: †† ارثوذكس †† - من قسم: القسم الادبي

[b o b b a]

انا مقرتش بصراحه الخط صغير اوي اوي

[المحامي / شيرين شوقى]

آسف بوبا تم تعديل الخطأ .. واشكرك على مرورك

[عماد حسنى]

شكرا يا استاذ شرين
على كلماتك الجميله اوى اوى دى لامنا كلنا
ربنا يخليك وام النور تباركك

[ميلاد صدقى]

كلمات رقيقة جدا يا شيرين فعلا العدرا هي ام اليتامي و الارامل تحية

صادقة مش بجامل المسيح يبارك حياتك

[كيرو رافت]

الله عليك بجد كلماتك جميله جدااااااااااااااا
وخصوصا انها لام رب المجد يسوع المسيح
التى لا نستطيع ان نحصى فضائلها
بركة ام النور تكون معاك تحفظك وترعاك

[tamatem]

نهـــديك ورده



ونقول لك يا ستنا



.. كل سنه وانتي يا أمي طيبه
بركة وشفاعة أم النور تكون مع الجميع
الرب يبارك حياتك

[nermos1982]

كلماتك جميلة اوى يا شيرين .ربنا يعوضك وبركة ام النور تكون معاك

[المحامي / شيرين شوقى]

أشكرك حبيبي عماد على محبتك الفياضة الدائمة
وبركة أم النور تشملك وتبارك حياتك

[المحامي / شيرين شوقى]

[

أشكرك يا ميلاد على اهتمامك وتعليقك الحميل
فعلاً أم النور أمنا كلنا وأم الكنيسة كلها الرب يسوع يفرح قلبك ويبارك حياتك