[عماد حسنى]

تستاهل يا قلبى
شوف حبيبك لما يقولك اخر سلام
شوف هاتقدر ترد وتجيب منين الكلام
شوف لما يسيبك فى لحظه او ثانيه
وشوف اللى انت خسرت علشانه الدنيا
شوف لما ينسى احساسك وشعورك
شوف لما يقسى و يديلك دور غير دورك
روح أسأله ،ولا أقولك روح أسأل الليالى
اللى كانت شاهده على تعبك وعلى حالى
روح وقول لليالى تفكره بكل اللى فات
تفكره بدموعنا وسهرنا والآهــــــــــات
تفكره انك ماكنتش بتغمض اللا وعنيه تنام
تفكره انك كنت معاه حتى فى الاحلام
تفكره بالراحه اللى كان بيلاقيها جوه حضنك
تفكره وقت تعبهُ كان بيلاقيك تضمه ويضمك
تفكره وتسأله ازاى كان بيحس باللى فيا
ولما بكون زعلان كان بيحسنى ولا بيكدب عليا
ولا اقولك يا قلبى بلاش تعاتب ماخلص الكلام
ماهو قالك هايرتب حياته كفايه بقى اوهام
العتاب ماينفعش ؟؟ هو اختار اللى يرضيه
العتاب ليك يا قلبى .. انتى اللى خلتنى ابكى
تستاهل اللى انت فيه واللى يجرالك برده شويه
يسيبك وتنده عليه ياخساره قيمتك كانت الغاليه
تستاهل وياريت تفوق يمكن تفرق الآسيه
تستاهل وأشرب ودوق علشان تبطل تضحيه
ليل نهار تعبنى معاك . ولعت نار وتقولى هواك
دمرت نفسك وانا وياك . خلاص تعبت عايز انساك
آدى حبايبك واللى بنيتهُ وآدى النتيجه واللى لقيتهُ
الله يسعدهم وياريتك ماحبتهم . بس اعمل ما انت اللى ناديتهم
اصل هى برده انسانه . عايزه تعيش من غير قيود فرحانه
بس هاقول لحبيبتك انتى غلطانه . حبيتى قلب مدبوح بأمانه

المصدر: †† ارثوذكس †† - من قسم: القسم الادبي