[minabobos]

مشرفة عصبية ومخنوقة مووووووووت

انتبهولي كده وصحصحوا الساعة دلوقتي 07.05 بالليل
ولسه مانمتش بسببكوا
هتجننوني خليتوا شعري يقع من كتر ما شديت فيه
بصوا
من النهاردة ومن الساعة دي
مفيش مواضيع محدش يكتب مواضيع هنا
عايزين تكتبوا حاجة اكتبوها برة مش هنا
مش طالبااااكوا بقولكوا
دا اللي ناقص كمان
اما انا مسكت الاشراف هنا ليه
ولو حد ناوي يكتب مواضيع يكتب موضوعين بكتيره اوي
وليه موضوعين خليها موضوع واحد كفاية
وليه تكتبوا اصلا متكتبوش اعملو اللي قولتلكوا عليه واكتبوا برة مش هنا
مش ناقصين
كل شوية موضوع مخالف ومتكرر وبلاوي زرقة
هصرف عليكوا من جيبي كمان واصلحلكوا ولا ايه
ارحموني
تعبتوني في عيشتي حرام عليكوا
كان يوم مليان رعد وبرق وزعابيب يوم ما مسكت الاشراف
سيبوني في حالي
انت ياللي بتزغر بعنيك انت ايوة بتبص عالموضوع بقرف كده ليه
مش عاجبك
طب اعمل حسابك بقي ان مواضيعك كلها مخالفة
هاه ومنتش معتبها تاني
يانا يانت في المنتدي
مش عارفين نربيكوا ولا ايه
تعبتوني الله يتعبكوا
وليكن في معلمكوا اللي هيعترض
هغوزو
مش هسيبه غير وهو متعور
واللي مش عاجبه ميتكلمش اساسا
يتكلم ليه
وكمان مفيش ردود علي اي مواضيع
اللي عايز يرد يدفع نص جنيه في الخزنة برة وبعدين يرد
هو ده النظام
وقايمة الاسعار هتنزل قريب
وشوفوا اما اقولكم
توقيعات ملهاش لازمة مش عايزين
يعني تخش هنا بأدبك
ومتتكلمش
ولو نكتة عجبتك متضحكش تضحك ليه اساسا مش عايزة اسمع صوتك
داخلين القسم نهزر بقي ولا ايه
وبعدين وانت بتقري الموضوع ده تربع ايدك وتنزل ايدك من عالماوس اساسا
وتبص عدل
بلاش التتنيحة دي
ولا رفعة الحاجب
لحسن انا عرفاكوا مبتجوش غير بالعين الحمرا
انا حذرت اهو
اللي مش هيلتزم باللي قولته هطلعهولكوا قتيل



شوف يا بنى المشرفات بتعمل ايه ف الاعضاء



منقول

المصدر: †† ارثوذكس †† - من قسم: الضحك والفرفشة

[nrmo]

هههههههههههههههههههههه
ههههههههههه
ايه العصبيه دى كلها احنا خوفنا
ههههههههههههههههه

[عماد حسنى]

احسن حاجه الواحد يعملها مع المشرفه دى
يدخل القسم بتاعها وهى نايمه
او مشغوله بقتل عضو اخر
الحمد لله انها مش عندنا هنا كان زمانا كلنا فى المستشفيات
وانت بالذات يا مينا كان زمانك فى قسم الحالات الحرجه
شكرا جدا جدا ليك
ربنا معاك ويباركك

[Team Work®]

الله يسامحك طيب ودى كدة خليت اية للمنتدى بقى

[ماريان]

هههههههههههههههههههه
جامدة المشرفة دى
عايزين نقتدى بها فى المنتدى دة كمان

[bolalover]

ههههههههههههههههه حرام عليكي يا ماريان دا هتقتلنا واحد واحد
هههههههههههههههههه بجد موضوع هايل يا مينا هههه
بس ايه رايكم يا شباب نستدي المشرفة دي عندنا و نعملها قسم لوحده نسميه (( الي مستغني عن حياته يدخل ))

[berlla]

bso hoa ana mesh fehmt 7aga w moshkelty eny mesh b3rf a2ra el 3rby awy momken a2rah zay el byt3lmo gded 3shan ana kont english mn w ana so3'yara 7ta yom ma d7'lt el kolya d7'lt english bardo w low 2reto wa7da wa7da 3shan afham momken 7gat to23 meny bas low el f el mowdo3 da bgd w 3la 7sab ma fhmt low e moshrfeen keda fe3ln lazem t7'laso 3lehom
:> dol momken yklokom

[ghada2000]

ya a3daa elmontda et7do 3la elmoshrfa el2rfana de . thanx 3la elmwdo3 elgamil . rabna ybark 7yatk

[minabobos]

ميرسى يا جماعه ع الردود الجميع دى
ربنا يفرح قلوبكم

[مادلين بنت المسيح]

ميرسي يا بوبوس يا عثل ههههههه ربنا يفرحك