[اسامه سمسم]

جيبلكم انهرده موضوع جامد جدا
وحبسى هيكون على اديكم
ههههههههههههههههه

القاموس السياسى
دليل الشباب الروش لفهم الكلام الكبير

العولمه :
عمليه تحول اجتماعى وثقافى وفنى تتزعمه فيفى عبده !
الشفافيه :
سمه ضروريه للملابس المستخدمه فى العولمه!
التغيير :
عمليه شيده الاهميه. تتم للطفل لما يكون مبلول!
المبايعه :
ورقه بتكتبها لما تبيع عربيه قديمه!
غسيل الاموال :
اسوأ ما يمكن ان يحدث اذا نسيت المحفظه فى البنطلون قبل ما ترميه فى الحمام!
عمليه السلام :
زى عمليه اللوز بظبط بتنتهى برمى اللوز فى الزباله!
سلام عادل وشامل : طيب عادل وعرفناه مين شامل ده!
الخصخصه :
تحدث فى الحدائق يوم شم النسيم مع اكل الفسيخ!
التنوير :
عمليه تتم فى الشوارع عندما يسكنها وزير!
الارهاب :
نوع من السلطه يقدم مع الكباب!
الشريط الحدودى :
الشريط الى جاى لعمرو دياب!
سياحه الاثار :
خروج الاثار مع الخواجات من مصر للفرجه على العالم!
قصور الثقافه :
لايزال وزير الثقافه يبحث عن السبب فى هذا القصور!
المؤامره الصهيونيه :
ماركه جديده من الشماعات نعلق عليها ثيابنا واخطائنا!
العمل بالسياسه :
يمارسه من يعمل سا يس فى جراش!
البيئه :
شتيمه يطلقها الشباب على الطبقات الفقيره!
صندوق النقد :
ما يفرقش كتير عن صندوق الزباله!
حريه النشر :
تمارسها النساء على السطوح فى المناطق الشعبيه!
العمل الثورى :
مذكر العمل البقرى!
قطاع الاعمال :
زى قطاع الطرق بظبط!
التربيه :
زمان كانت تقوم بيها وزارة التعليم الان يقوم بها تجار المواشى!
شهاده الايزو :
شهاده مضروبه ، بيشتروها زى ما الفلاحين بيشتروا شهاده محو الاميه ويدفعوا فيها كيلتين دره!
احمد زويل :
صنع فى مصر ، بس تجميع امريكى!
عصر المعلومات :
عصر يمكنك فيه ان تحصل على ما تريد اذا دفعت المعلوم !

ادعولى بقا ويا ريت تبقو تيجو تزورونى وتجيبولى معاكم عيش وحلاوة

المصدر: †† ارثوذكس †† - من قسم: الضحك والفرفشة

[Team Work®]

ههههههههههههههه

لا تعليق

[mena_net]

ههههههههههههههههههههههههه هههههه حلو اوى الموضوع يا اسامة شباب مصر مثقف جدااااااااااااااااااااااا اااااااااربنا يحميهم و يخليهم و يخلص البلد منهم يا رب اخوك منيا اسكندرية

[iyiy]

هههههههههههههههههههه
no comment

[اسامه سمسم]

المشاركة الأصلية كتبت بواسطة Team Work® ههههههههههههههه لا تعليق

ميرسى على مرورك

[اسامه سمسم]

المشاركة الأصلية كتبت بواسطة mena_net ههههههههههههههههههههههههه هههههه حلو اوى الموضوع يا اسامة شباب مصر مثقف جدااااااااااااااااااااااا اااااااااربنا يحميهم و يخليهم و يخلص البلد منهم يا رب اخوك منيا اسكندرية

ههههههههههههههههههه
ميرسى يا حبيب قلبى
على مرورك

[اسامه سمسم]

المشاركة الأصلية كتبت بواسطة iyiy هههههههههههههههههههه no comment

ميرسى على التعليق

[الناى الحزين]

غسيل الاموال :
اسوأ ما يمكن ان يحدث اذا نسيت المحفظه فى البنطلون قبل ما ترميه فى الحمام!

ايه ياعم الثجافه اللى خربت دماغك دى يا واض يا اسامه يا رافع راس الصعايده واريهم يا ولدى خليهم يعرفوا ان الصعايده مثجافين اكتر من اى واحد منهم

واهو الدليل
ياسلام عليك يا واض يا اسامه وعلى دماغك العاليه اللى طلعه لحد السطوح دى دمالك فى الثقافه بتاعتك دنان يا واض دنان
هههههههههه

[اسامه سمسم]

ههههههههههههههههههههههه
على ايه يا ناى
هو انا اجى جنبك شكه
دنتا الى معلمنى
يلا علشان لو اتحبست
اخدك معايه
ههههههههههه
شكرا يا ناى على مرورك وردك الجميل

[nermos1982]

يا جماعة اسامة بقاله فترة مختفى .محدش شافه؟
هو فيه ناس اول ماقروا الموضوع ده سالوا عليه وقالوا انه نزل قرار جمهورى ان اسامة هايقضى اجازة اسبوع فى مكان لم تراه عين ولم تسمع به اذن ولم يخطر على قلب بشر .
هنادى انتى وين يا هنادى؟