[الناى الحزين]

الناى

بيحب افرحوا معاه يا ناس
مش عارف ازى انا اوصف الاحساس

اول ما اشترك فى المنتدى جديد
حسيت انه بالنسباله عيد

شجعتنى بحب مالوش حدود
وده كان باين فى كل الردود

دايما متابعه لكل مواضيعى
ميفتهاش رد وكلامها مش طبيعى

حبتها من غير ما اشوفها ولا اعرفها
دى برقتها بجد حسيت انى اعرفها

شوفتها فى خروجه الكتدرائيه من زمان
وخروجه الصعيد كانت موجوده كمان

كأننا نعرف بعض من زمان
وحبنا لبعضنا مخلاش مكان

ده من اسكندريه للاسوان
محبتها ليا فى كل اوان

ولو غبت عن المنتدى وطبعا مش بايديا
الاقيها 100مره فى اليوم تسال عليا

بعد كل الكلام ده اكيد
عاوزين تعرفوا الكلام المفيد

هى مين واسمها ايه
وايه اللى عملتوا فيا ده ايه

اللى اقصدها فى كلامى
حاجه بجد بحبها مجننانى

هى محبه اعضاء اورثوذكس

بحبك يا احلى

منتدى اورثوذكس

بحبك يا

منتدى اسمه اورثوذكس

واخرتها معاك ظابط بعربيه بوكس

وعسكرى يمسكنى من قفايا
ويقولى يلا يا خفيف انجر معايا

المصدر: †† ارثوذكس †† - من قسم: القسم الادبي

[نبيل نصيف جرجس]

بجد يا ناى دايما بكلامك الحلو تغلبنا ربنا يخليك لينا ويفضل محبتنا ثابتة فى ربنا يسوع دايما

[Team Work®]

الله الله الله على الجمال وعلى الحاجات الحلوة دى اشكرك جدا على كل شيء

[عماد حسنى]

ربنا يديم المحبه ويخليها بين كل الاعضاء يا ناى
موضوعك جميل جدا جدا ونابع من قلب مليان حب للكل

[الناى الحزين]

المشاركة الأصلية كتبت بواسطة نبيل نصيف جرجس بجد يا ناى دايما بكلامك الحلو تغلبنا ربنا يخليك لينا ويفضل محبتنا ثابتة فى ربنا يسوع دايما

حبيب قلبى بلبل
بجد انت اللى دايما بتغلبنى بمحبتك

واذا كنت شايف انى كلامى فيه نوع من المحبه فصدقنى المحبه دى انا بحاول اتعلمها منك
ربنا يفرحك ويحرسك يا بلبل يغرد فى سماء قلبى

[الناى الحزين]

المشاركة الأصلية كتبت بواسطة team work® الله الله الله على الجمال وعلى الحاجات الحلوة دى اشكرك جدا على كل شيء

ياااااااااااااا

هيما العظيم بنفسه هنا يا مرحبا يامرحبا
بجد اسعدنى جدا مرورك يا هيما
ربنا يفرح قلبك العظيم يا عظيم

[الناى الحزين]

المشاركة الأصلية كتبت بواسطة عماد حسنى ربنا يديم المحبه ويخليها بين كل الاعضاء يا ناى موضوعك جميل جدا جدا ونابع من قلب مليان حب للكل

ربنا يخليك يا احلى عمده وربنا يديم المحبه بينا كلنا يارب
ربنا يفرح قلبك

[kamel]

كأننا نعرف بعض من زمان
وحبنا لبعضنا مخلاش مكان

بجد ياناى محبتك بتسبق كلامك
واللى يشوفك مستحيل ينساك
أصلك ياحبيبى ميزان حساس
الرب يدوم المحبة ويخليك يا غالى
ســـــلام الرب معك

[الناى الحزين]

المشاركة الأصلية كتبت بواسطة kamel كأننا نعرف بعض من زمان وحبنا لبعضنا مخلاش مكان بجد ياناى محبتك بتسبق كلامك واللى يشوفك مستحيل ينساك أصلك ياحبيبى ميزان حساس الرب يدوم المحبة ويخليك يا غالى ســـــلام الرب معك

بجد يا عم كامل انا بعجز فى الرد على كلامك الكبير
دايما كلامك اكبر منى بكتير

وانا فعلا من ساعه ما شوفتك وانا مش بقدر انسى محبتك ليا
ومن قبل ما اشوفك بجد حبيتك جدا من قلبى
ربنا يخليك ويديلك الصحه والعافيه يارب
ويخليك للاولادك فى البيت وفى المنتدى

[MICKEY]

ههههههههههههههههههه
انت اخرك عربية بوكس فعلا
ولا اقولك بوكس في سنانك وعلي ايد العبد لله
ههههههههه
تحفة ياواد ياميلاد
ربنا يخدك
قصدي يباركك