[المحامي / شيرين شوقى]

مشــوار مشيـناه .... وهو اللي مشي فينـا

حـب و حبينـاه ..... وعدنـا وخـلي بينـا

قـلي الدنيـا إنت ...... الحـب والإحسـاس

أهلي والصحبه إنت ...... في عيوني كل النـاس

ضحكلي ألـف ضحـكه .. وصـب الـمر كـاس

القـلب ما هو باليـد ...... غلطـنا وإبتدينـا

قاللي أعاهدك عهـد ... على الحلوه والمره حبينا

غرس الشوك مكان الورد ... ما كنا فى راحه وسكيـنه

بحـري كان هـادي ... مركبي كان راسي فـى موانينا

وإيـه الـلي خـلاني .... أصدق عيون نظرتها سكينة

راح الغــالي .. وآه يا نــاري ...

أتــاري ..

باعنـا اللي إفتـكرناه شـارينا .. !!!

المصدر: †† ارثوذكس †† - من قسم: القسم الادبي

[Team Work®]

اية الجمال دة كلوا

بجد كلمات فوق الرائعة اشككرك جدا عليها

وربنا يفرح قلبك امين

[minabobos]

كلمات فوق الرائعة
اشكرك جدا عليها

[عماد حسنى]

غرس الشوك مكان الورد ... ما كنا فى راحه وسكيـنه

بحـري كان هـادي ... مركبي كان راسي فـى موانينا

وإيـه الـلي خـلاني .... أصدق عيون نظرتها سكينة

جميله اوى اوى يا شرين
حقيقى كلماتك هايله واكتر من روعه
منور القسم الادبى كله بكتاباتك
ومنتظرين منك الجديد دايما

[Malak sokar]

قاللي أعاهدك عهـد ... على الحلوه والمره حبينا

غرس الشوك مكان الورد ... ما كنا فى راحه وسكيـنه

بحـري كان هـادي ... مركبي كان راسي فـى موانينا
بجد جميل اووووي ياشيرين كلمات جميلة اوووي واحساسك صادق ربنا يفرحك قلبك

[سمسم 24]

كلمات جميلة جدا الرب يكون معاك

[ramy.journalist]

كلمات جميله اوى اوى اوى يا شيرين ربنا معاك

[المحامي / شيرين شوقى]

أشكرك أخويا الحبيب تيم الغلابة على محبتك وإهتمامك وتعليقك الجميل وتشجيعك الرب يسوع يعوض تعب خدمتك

[المحامي / شيرين شوقى]

أشكرك أخى مينا على إهتمامك ومرورك الجميل الرب يعوض تعب المحبة

[المحامي / شيرين شوقى]

أشكرك أخى الحبيب عماد شاعرنا الأشهر وصاحب القلب المحب والكلمة المشجعه .. واشكرك على تعليقك .. بس لسه عايزين شعر تاني ما ملتوش مني ..
الرب يعوض تعب خدمتك ويمنحك الثمر المتكاثر