عارفك !!
كُتب : [ 05-21-2010
- 11:17 PM
]
اوقات وف عزّ العصيان..
بنشوفه ونعمل عميان
ونقول هتعدى الايام
واكيد هيسيبنا لوحدينا
لكن على قلبه غاليين
بالنسباله احنا الفلسين
هيسيب الخرفان و التين
وهيفضل "بينادى علينا"
............................
عارفك !!
زى مانت عارفنى يارب
أصلى لمستك وسط الصعب
لما الناس إتخلّت عنى ..
كنت معايا .. كنت ساندنى
توهب .. تدّى
والناس ضدّى
لكن تكسب طيبة قلبك
أصل أنا عارفك
......
وعارف انى بكون غلطان
وعارف برضه بأن انا عارفك
تدّى بحنيه الأنسان
أصل الحب يارب ف طبعك
تجرح ..
لكن تعصب جرحى
وتأدبنى .. وتسعى لفرحى
عمرى يارب ماشفت فى عمرى
ولا راح أشوف ف حياتى دى زيك
......
وأوقات بصرخ ليه بتمنعنى
وانت تقول مش هتضيعنى
لكن عندى يارب ياخدنى..
وأبعد قوى عنك وأتوه
القاك جاى تاخد بأديا
وتمسح دمعتى من عنيا..!
وأظهر صَلب وقاسى قصادك
وأعمل ان انا مش محتاجك
وبيحتاجلك كل ما فيا
وأشوف بسمة بتملى شفايفك
بقفل عينى وأقول " مش شايفك"
تظهر صورتك جوه كيانى
بنكر
وبقولك مش عارفك
وانت عارفنى
انت عارفنى ... إن أنا
عــــــارفك
بيشوى جرجس
2 مارس 2007
التعديل الأخير تم بواسطة bisho03 ; 05-22-2010 الساعة 06:56 AM
|
مشاهدة صفحة طباعة الموضوع
أرسل هذا الموضوع إلى صديق
المواضيع المتشابهه
العرض الشجري