[elphilasouf]

سبوني أقول آه وانا بتحسر ....
بتحسر علي عقول بتلعب بعقول
عقول متعرفش قيمه الحب ولا داقته
عقول محرومه من الأمان والتشجيع والأنجاز


تقوم تفيض بردوا علي عقول تانيه محرومه من
الحب والأمان والتشجيع والأنجاز
وكأنها عدوي ..... إيدز من نوع جديد .. فقد المناعه ...
مناعه الحب والأمان والتشجيع والأنجاز



عقول مليها الكراهيه والحقد والغيره والسواد .....
بتفيض علي عقول
عماله تملي وتشحن الناس بالكره
كره الأنسان لأخوه الانسان


تكرهه ازاي يابني وهو عايش معاك ؟؟!! ....
بينك وبينه حيطه واحده
نفس السماء ونفس الارض
ده الحيوان ميحسش بالأمان غير في القطعان ....
فمابالك بالأنسان ؟!!

يابني وهو مين أقوي أنت ولا إلهك ....
هتقول الهي أقوي ...
طب ومدام هو أقوي ... ليه تحاميله ؟!!
ليه اخدت كرسيه وعمال تحكم وتقول ده حلال وده حرام ...
ده الي ينشر الدين حلاوته مش بشاعته !!
كلامي ليك ياقبطي قصدي يا مصري حتي لو كنت مسلم


ده انت الي عندك كتاب السماحه واله المحبه ؟
يمكن معكشي سلاح تحارب بس سيوف لسانك نار.....
بكلامك تقتل وتحرق
تقتل قلوب وتحرق مشاعر أخبار تفبرك تشعلل قلوب بالكره بدون ماتدري
تملي خصام وتملي سواد

والحل فين ؟؟؟
نبديهم ؟!! نبيد كل الي يكره و من جوا أسود ؟!!!!
ولا نديهم مناعه ...
.مناعه الحب والأمان والتشجيع والأنجاز
نملاهم بالحب ولا نمّوت اخر جزور الحب فيهم


إملأنى يارب من نهر حبك
عشان أقدر افيض واملي شقوق العالم كله بحبك ......
اديهم مناعه حبك وأمانك وتشجيعك

المصدر: †† ارثوذكس †† - من قسم: القسم الادبي

[emmmy]

إمليني يارب من نهر حبك
عشان أقدر افيض واملي شقوق العالم كله بحبك ......اديهم مناعه حبك وأمانك وتشجيعك

اية يا فيلو الكلام الجميل دة لا متقلشى مين بيتكلم دة
بجد جميل يا فيلو تسلم ايدك ومنور الادبى كلة

[كيرو رافت]

ايه ده معقول فيلو فى قسمنا المتواضع
ايه انت جاى غلط هنا ولا ايه
ولا تايه ما بين الاقسام
عموما انا سعيد قوى بوجودك الرائع
برغم موضوعك المليان بالمراره والالم
لكن كلماته بسيطه ومعبرة جدا
تسلم ايدك يا فلافيلو

[اشرف وليم]

إملأنى يارب من نهر حبك
عشان أقدر افيض واملي شقوق العالم كله بحبك ......
اديهم مناعه حبك وأمانك وتشجيعك

[مريم بنت الملك]

بجد كلمات فى منتهى الجمال الرب يبارك حياتك

[elphilasouf]

المشاركة الأصلية كتبت بواسطة emmmy إمليني يارب من نهر حبك عشان أقدر افيض واملي شقوق العالم كله بحبك ......اديهم مناعه حبك وأمانك وتشجيعك اية يا فيلو الكلام الجميل دة لا متقلشى مين بيتكلم دة بجد جميل يا فيلو تسلم ايدك ومنور الادبى كلة

المشكله اني مش عارف اعبر كويس عن الى جوايا يا إيمي
نفسي الدنيا تفهم الحب تفهم أن فعلا مينفعش يكون عين بعين وسن بسن
وزي ماقال غندي لو طبقنا مبدأ عين بعين العالم كله هيكون أعمي ...!
ميرسي لتشجيعك الحلو يا ايمي
ويمكن ميكونش عمل فني قييم لكن انا عجباني فكرت نفسي .,..

[elphilasouf]

المشاركة الأصلية كتبت بواسطة كيرو رافت ايه ده معقول فيلو فى قسمنا المتواضع ايه انت جاى غلط هنا ولا ايه ولا تايه ما بين الاقسام عموما انا سعيد قوى بوجودك الرائع برغم موضوعك المليان بالمراره والالم لكن كلماته بسيطه ومعبرة جدا تسلم ايدك يا فلافيلو

الموضوع مش مليان اس ومراره والم اد ماهو مليان أمل
ويمكن ميكونش واضح
لكن الامل فعلا في الحب يا ابو الارأفيت ...

اموت واعرف عدلت ايه في الموضوع انطق ..؟؟

[elphilasouf]

المشاركة الأصلية كتبت بواسطة اشرف وليم إملأنى يارب من نهر حبك عشان أقدر افيض واملي شقوق العالم كله بحبك ...... اديهم مناعه حبك وأمانك وتشجيعك

امين
ده مضمون الموضوع فعلا
اشكرك ع حسن أختيارك الحلو ....

[elphilasouf]

المشاركة الأصلية كتبت بواسطة مريم بنت الملك بجد كلمات فى منتهى الجمال الرب يبارك حياتك

ميرسي لتشعجيك الحلو ,,, ده يعني ميجيش حاجه جمب الى بتكتبوها ..

[كيرو رافت]

هاكون عدلت لك ايه يا يعنى
هما كام كلمه موش فاهمهم وكتبتهم على قد ما انا فهمت
يا راجل كويس ان المدارس هاتبدأ بكره ابقى روح اتعلم من اول وجديد

قال ما شافوهمش وهما بيسرقوا شافوهم وهما بيتقاسموا