[emmmy]

خلصتى يا كرستى كملى

[elshbah]

يووووووووو بقا هوا انتى يا ايمى مبتسبيش حد فى حالو يعنى هيا محتاجة استعانة بصديق منا قولت محدش يرد الاة اما تقول انتهيت يااااااااااااااااااااارب

[krsta]

هختم كلامى لانى اكيد صدعتكم هقولكم على تجربة شيقة وصعبة بس كانت ايد ربنا معايا فى كل خطوة كنت بعملها كنت بحس ان ربنا هو اللى بيتصرف وبيسهل الامور التجربة انى كنت فى كلية التجارة وقعدت فيها 3 سنين وكنت باخد السنة فى سنتين وكنت مش حابة الدراسة فيها خالص وجيت وانا فى سنة تانية فى الترم الاول النتيجة ماكنتيش حلوة فقررت انى احول لكلية تانية بعد ماضاع منى 3 سنين فى الدراسة وبالفعل حولت لكلية تانية وكان فيها مقابلة شخصية ولكن اشكر ربنا قبلت فى الكلية ديه من غير اى مشاكل وكمان تحويل اوراقى من جامعة لجامعة نشكر ربنا اتحول من غير اى مشاكل وانا دلوقتى فى اخر سنة فى الكلية واخر ترم والحمد الله اخدت كل سنة بسنتها من غير مانزل فى اى مادة وكمان كنت بجيب تقدير اللى عمرى ماشفته فى الكلية الاولى بجد حسيت ان ربنا هو اللى بيدبر الدنيا وسهل كل الامور من غير اى مشاكل وفى الموقف ده احب اقول اية حلوة قوى وبجد بتعزينى قوى وبحب ارددها
" كل الاشياء تعمل معا للخير للذين يحبون الرب "
صلولى كتيييييييييييير علشان الترم ده كمان يعدى على خير واخد الشهادة واحس ان اخرة صبرى خير

من الحاجات الجميلة كمان اللى ربنا بيديها ليا من كثرة حبه ليا ان فيه اصدقاء هما يمكن مش كتير بس بجد اصدقاء بمعنى الكلمة بستفيد منهم كتير فى كل حاجة ربنا ادهاملى يمكن بعد معاناة برده اخرة صبرى خير بجد الناس دول غيروا فيا حاجات فتحوا تفكيرى اكثر عرفونى يعنى ايه هى الدنيا وازاى اتعامل معاها بجد بقدملهم كل التقدير والحب والاحترام
انا ليا بس طلب صغيور منكم ان كل واحد فيكم يصليلى كتييييييييييير ومش ينسى

انا بكده اكون خلصت كلامى واتمنى انى ماكنتيش تقيلة عليكم ولا اكون صدعتكم واللى عايز يسأل اى سؤال او يعلق على الكلام يتفضل ده يشرفنى كتير

شكرا ليك يانادر على الفرصة الجميلة ديه ربنا معاك ويباركك

[elshbah]

وكم أبهجت نفسي تلك المشاعر التي كنت من خلالها أرى الترقب في احساسكم لكل حدث كان يمر وتلك المتابعة لتطور الأمور

اليوم آن لي أن أكتب شكرا ليس ككل شكر كتبته من قبل .. آن لي أن أكتب بماء الذهب شكري وبدهن العود المعتق أنثر ثنائي وبماء الورد أرش تقديري

أكتب لتلك الأخوة الصادقة وأثني على تلك الأسرة المتكافلة وأعطي تقديرا لاحدود له لتلك العائلة الوفية .. عائلة ارثوذكس التي تثبت يوما بعد آخر تماسكا وترابطا وتحابا في الله يزيد ثم ينمو ثم يكبر

وحين تنتهي الكلمات سيظل الود لا ينتهي .. وحين تغيب السطور سيظل الحب باقيا
فللجميع حبي وودي وتقديري

وكم تثبتون يوما بعد آخر أصالتكم .. وأنكم أخوة وأخوات من الطراز الرفيع والنادر جدا جدا جدا
جميل اوى احساسك فى كلامك يا كريستا ربنا يبركك ويكون ديما معاكى يارب بس ياربت تعرفينا بنفسك دة لو مش هيضيقك
تم فتح التعليق لمدة 12 ساعة

[krsta]

لا طبعا مايضايقنيش انا اسمى كرستينا من البدرشين وفى اخر سنة فى كلية اداب

[emmmy]

اية يا نادر فى اية اللة انا عملتلك حاجة
كدة يا نادر بتزعقلى طب انا مخصماك
يعنى اتكلم بقى ؟؟
بس استنى استنى هنا اية الكلام الحلو اللى انت كتبتة فى الاخر دة
دة شعر بقى دا شاعر بصحيح هههههههههه
بجد بجد رائع جميل دا احنا بعد كدة نضربلك تعظيم سلام ولا اية مش عارفة

عزيزتى كرستى اختى الصغيرة وحبيبتى وبنت كنيستى
كلامك جميل وزى ما توقعقت منك تمام هو هو الكلام
بس انا هكمل بعد اذنك التعارف لارثوذكس على شخصك الاكثر من رائع والنادر من نوعة
بس مش نادر صاحب الموضوع ههههههه لا دة وحش وبيضربنى ويزعقلى

كرستنا من اسرة جميلة اوى وبسيطة اوى فى طبعها وايمانها ومحبتها اسرة رائعة بكل المقاييس باباها ومامتها خدام وامناء خدمة انا خدمت معاهم ودخلت بيتها
دايما بشوشة دايما جميلة بروحها ووداعتها دايما رسالتها بتكون حية من غير كلام ولا منابر من خلال ملامحها واسلوبها واتضاعها وذوقها بتوصل رسالتها
انا للاسف للاسف للاسف لم اتعامل معها تعامل مباشر خدمت معاها فى حقل واحد فى القرى بس هى كانت خادمة فى مرحلة غير مرحلتى
يعنى اللقاءات كانت قليلة وعابرة مش عميقة
هتقولولى اومال كونتى فكرة عنها ازاى ومنين ؟؟
من رائحة المسيح العطرة اللى فاحت منها وملأت كل مكان بيجى فية سيرتها -- كرستنا من دور اختى الصغيرة تقريبا تكبر عنها بسنة واحدة وكانت وهى فى ثانوى بتتكلم معايا عن الاجتماع والخدمة والمسات دردشة يعنى وكانت زى اصحاب السن دة متمردة ومش عجبها حاجة خالص نهائى هى وكل اصحابها فى الاجتماع سن ثانوى المتمرد كالعادة ولما كنت بكلمها واقولها كدة غلط كانت بترد الرد المعروف بس كانت دايما بعد ما تخلص مقاوحة ومكابرة تقولى بصراحة احنا كلنا مفيناش غير كرستنا هى الوحيدة اللى مختلفة فى كل حاجة هى الوحيدة اللى على مبسوطة وراضية وشايفة كل حاجة حلوة
واختى الاكبر منى كانت المس بتاعتها كانت بتتكلم معايا برضوا عن مشاكل الخدمة وبتتطلب منى افكار جديدة ومطالب للبنات وكانت بتقولى انا مفيش مفرح قلبى وفاتح نفسى اد كرستينا
ومرات اخويا كانت امينة خدمتها وكانت لسة متعرفشى الخدمات كويس قلتلها انتى معاكى كرستينا كفاية اوى غابت شوية ايام واسابيع وجت قالتلى صدقتى حقيقى كرستينا لوحدها كفاية
اكترهم خادمة بكل معانى الكلمة خادمة بحق
صدقونى بنت من نوع فريد فى فى كل حاجة فى لبسها وطبعها ومحبتها ورقتها وامانتها ومحبتها للخدمة ومحبتها للى حواليها

[emmmy]

انا مهما اتكلمت مش هعرف اوصف شخصيتك يا كرستينا هيفضل الكلام ناقص وهفضل ماثرة فى حقك لعجزى وضعف وصفى جمالك الروحى ربنا يحافظ عليكى ويحميكى ويفرحك دايما يااارب




نادر انا ماشية ومش هدخل البرنامج بتاعك دة تانى علشان انا حاسة انك بتشد فى شعرك منى انا خايفة عليك يجرالك حاجة ويحسبوك عليا ههههههههههه

[elshbah]

مممممممممم الله هوا انتى بحلات يا ايمى ههههههههههه انا زعلت فى اية بس انتى بتكسرى القونين ودة غلط مش لازم تمشى على القونين بردو بس خلاص انا مسمحك هع هع هع هع
وميرسى اوى لكلامك الجميل احنا مش شوعرة ولا حاجة دى حاجة صغنوتة كدا بس هنروح فين
الاة قوليلى انا حاسس كدا انك عايشة مع كرستينا وبعدين هيا مش استعانت بيكى علشام تكمليلها التعرف بنفسها ههههههههههه لالا انتى سكرة يا ايمى وبجد من كلامك حسيت ان كرستينا حد مختلف جدا وشخصية عقلة جداا ومن عائلة طيبة جدا وعايش فيها روح المسيح بشكرك على كلامك الجميل والمميز جداااا يا ايمى متجوزيهانى بقاا هههههههه دى اختى طبعا وانتى بردو يا ايمى يزدنى شرف انك تكونى اخت ليا اوعى تزعلى يا ايمى من كلامى اللى فوق بس انا كاتب محدش يرد الاة اما العضوة تقول انتهيت وانتى كسرتى كدا يبقا مين اللى حقة يزعل عموما حصل خير واللى انكسر يدغدغ هههههههه شكرا يا ايمى على تكملت الجميلة والراقية جدا والحب الجميل لكريستا ربنا يبرككم يارب ويفرحكم فى حياتكم

[emmmy]

هههههههههه
بجد يا نادر انت حد جميل اوى
واخ جميل فية مرح وخفة لذيذة
ربنا يفرحك دايما يارب واشوفك دايما مبسوط
ومنور المنتدى كلة بحضورك ووجودك الجميل فية
بس الكلام اللى انا قلتة كرستينا مكنتش هتقولة يا ناصح
علشان دة يبقى مجد باطل ومديح زائف ودى صفة بعيدة عن كرستينا كل البعد
افهموها بقى ههههههههههههه

[elshbah]

ههههههه ربنا يخليكى يا ايمى انتى اللى قمر وانتى الانسانة الجميلة اللى حبت اختها وحبت تعرفها للناس اكتر كفاية انها حسيت انك قريبة اوى اوى ليها ربنا يعوض تعبك يارب ويخليكى لكل اخواتك وحبيبك يارب
وادينا فهمنا بقا ههههههههه
نورتى البرنامج ياكريستا اولا ثانيا المعلقة الجامدة اوى والغيوررة اوى على اخوتها ودينها ايمى
شكرا