أنا كنت زمان شاب ***** ودلوقتى شعرى شاب
وبقول نصيحة لكل شاب ***** واللى مايسمعشى كلامى خاب
واحد فى سنكم من الهدايا جاب ***** لحبيبته اللى أسمها رباب
أبوه قاله يابنى أقفل فى وشها الباب ***** ده أنا علمتك وأملى فيك غاب
قاله يابا ده حبى ليها مالوش حساب ***** والبعد عنها ده كله عذاب فى عذاب
الأب راح عند شجرة اللبلاب ***** يدعى لربه ينقذ أبنه من حبه الهباب
فى الجيش طلبوا الشاب ولبسوه الكاب ***** وبقى محروم من أكل الكفته والكباب
وزحفوه فى الشمس لما عضمه داب ***** وكان صابر عشان خاطر حبه لرباب
خلص سنين الجيش بكل حساب ***** وجرى على حبيبته اللى أسمها رباب
وساب قلبه بكل أشواق الأحباب ***** خبط على الباب فتحتلو رباب
وبطنها قدامها شبه الدولاب ***** رجع راكع لأبوه زى الكلاب
أبوه قال أحمدك يارب يامجمع الأحباب * غلبان اللى يسلم قلبه لواحده بدون أسباب