حلمك اوعى فى يوم تنساه
كل حقيقة كانت حلم
ارسم هدفك واجرى وراه
وادفع تمنه ولو كان دم
وان صادفك صخر اتعداه
اوعى تقف قدامه صنم
الصعب لازم تتحداه
وتدوس عليه بالقدم
واوعى تستسلم للآه
مهما الدنيا عليك هاتضيق
وامشى مشوار الحياه
ولو كان فى رجلك جرح غريق
الحياه مش مال ولا جاه
ولا هى لغز وله اسرار
المستحيل لازم تنساه
جاهد واتعب ليل ونهار
ياما صعاب اتحدت ناس
وقفوا قدامها صامدين
كان الامل اقوى احساس
نساهم تعب السنين
من غير ايدين تقدر ترسم
حاول جرب تانى وتانى
اوعى لحلمك يوم تهدم
او تطفى شموع الامانى
انسى يا صاحبى كل اللى فات
بايمانك حطم حديد
صحى جواك الامل اللى مات
وابتدى تانى من جديد
اليأس حطم ياما قلوب
ونزع منها السلام
والامل خلى الحديد يدوب
والصبر حقق الاحلام
الايمان دا اقوى سلاح
نتحدى بيه الخطر
مهما ان كان فى قلوبنا جراح
ما تداويها ايدين البشر
مهما انطفت جواك شموع
عمره ما يطفى نور الشمس
امسح بايديك الدموع
وخلى شعارك لا لليأس
مشاهدة صفحة طباعة الموضوع
أرسل هذا الموضوع إلى صديق
العرض الشجري